SuperDizionari

monolengâl

suiâ v.tr.
(su-iâ)

Fâ deventâ sut alc eliminant la umiditât

esemplis

" cjapât tal braç so pari lu puartave sù te cjamare, i suiave i sudôrs che a chel om i spissulavin su la muse come une roie. Ma nol jere plui nie ce fâ: i murive tal braç, cence cjapâ cognossince"

gjavât fûr di "Par stradis lungjis" di Alan Brusini

"ogni soldât al cjol il so fusîl in man, lu neta e suia de la rosada"

gjavât fûr di "Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera" di Antoni Brumat

suiâ v.tr.
(su-iâ)

Bevi il licuit che al è tun recipient (fig.)

sinonims

secjâ

esemplis

"al cjapà cui dincj il tapon dal fiasc, lu spudà vie e jù dôs clucadis che al suià mieç fiasc"

gjavât fûr di "Il cjaradôr des animis" di Dino Virgili

"al jere bon il ramandul, o vin suiade la butilie"

gjavât fûr di "Il cop" di Laurin Zuan Nardin

suiâ v.tr.
(su-iâ)

Gjavâ dal dut o in cuantitât masse grande fuarcis, bêçs, risorsis e v.i. (fig.)

sinonims

disprivâ, dispueâ, netâ, suiâ sù, mangjâ, fâ fûr, spaçâ

esemplis

"i siôrs a cognossevin Vignesie, che e jere simpri stade la capitâl di Gjoldarie, la citât internazionâl dal Bontimp, indulà che un zovin al suiave in trê dîs di baracade i sudôrs e i sparagns di trê gjenerazions di nonos pedoglôs"

gjavât fûr di "La torce de civiltât" di Josef Marchet

"o vevin vût une vore di spesis che nus vevin suiât ogni nestri sparagn"

gjavât fûr di "Culumiis" di Meni Ucel

"al leve inalgò cun siorutis che a fasevin il mistîr e i suiavin il tacuin e la medole dai vues"

gjavât fûr di "Come tai romançs" di Alan Brusini

suiâ v.tr.
(su-iâ)

Fâ deventâ magri (fig.)

sinonims

discjarnâ, scarmî, smagrî

esemplis

"dal sigûr Ane e jere deventade plui biele, scuasi che alc al fos madressût dentri di jê, suiantle inte cjar, ma cul donâi la plenece di femine"

gjavât fûr di "Îr e doman" di Gianni Gregoricchio

"Titon al veve un pôc dal pescjecrots, par chel gust di stâ ta la aghe e pes gjambis lungjis che lu fasevin someâ plui alt. I agns lu vevin suiât"

gjavât fûr di "Chê massanghe plui grande" di Maria Forte

suiâ v.tr.
(su-iâ)

Contentâ o bonâ cuntune soluzion svelte

sinonims

sistemâ

esemplis

"al passe cumò o dibot il Werk Meister, a vuardiâ e viodi se e je cualchi sgnesule di ranganel di molâ ca e là, ma Vera e sta ce che e po ae largje di lui o se e scuen lu suie cuntun “heil Hitler” mastiât intai dincj"

gjavât fûr di "Storie di Vera" di Ivano Urli

detulis

"cui che al à bagnât al è ancje bon di suiâ"

"di sabide soreli benedet par suiâi la cjamese al puaret"

"il mâl de piere al suie la borse"

"la aghe no suie"

"lavâ cuant che al plûf e suiâ cuant che al è soreli"

"une ore di bon soreli e suie plui di une lissie"

torne sù