Hai cercato la parola
monolingue
Torna indietro

monolingue

sut adi.
No bagnât
sinonimi
sec, suiât
esempi
"si cambiarin dal dut, par sintîsi intor vistîts suts e cjalts"
da "Ombris tal infinît" di Carlo Sgorlon
"il modon, di grîs, al deventave zalut, sut"
da "La aghe da pît la cleve" di Dino Virgili
sut adi.
Di flums, lâts, e v.i., cence aghe
sinonimi
incandît, incantesemât, suiât
esempi
"a jerin i cjamps di blave cui penacs fers te canicule, e la lavie sute dal Cuar e taiave i cjamps di sclavueç"
da "Vivi a Codroip" di Agnul di Spere
sut adi.
Cence umiditât o cun pocje umiditât
esempi
"[lis corints di Est e Nordest] a menin aiar sut, che al puarte biel timp, ma vie pal Invier l'aiar al pues jessi ancje une vore frêt"
da "Notis di meteorologjie pal Friûl - Vignesie Julie" di Stefano Micheletti, Marcellino Salvador
"une nêf sute, farinose e veve scomençât a colâ, fisse fisse, mulinade, sburtade dal tramontan e de buere"
da "Nardon e Vigjute di Nani" di Pieri Somede dai Marcs
sut adi.
Di materiâl o sostance, che nol è plui licuit o viscôs
sinonimi
secjât, sec
esempi
"spietâ fin che la cole no je sute"
sut adi.
Di cuarp o part dal cuarp, no gras (fig.)
sinonimi
svelt, slançôs, smilç, snel, sclagn, magri
esempi
"al cjatave la Menie simpri in gjambe tes voris. Une femine alte e sute, cu la cotule simpri tirade sù in code par no poçolâsi"
da "La fie çuete" di Maria Forte
sut adi.
Cence elements decoratîfs in plui (fig.)
sinonimi
curt, essenziâl, net, svelt
esempi
" la forme sute dal stîl legjislatîf"
da "Memoriis di politiche linguistiche" di Adrian Cescje
sut adi.
Cence bêçs, (fig.)
sut s.m.
Dome sing., teren no bagnât o ambient cun pocje umiditât
sinonimi
sec
esempi
"colomps e cisilis / e svolin pardut, / becolin e cirin / tal umit, tal sut, / e van a passon / par ogni cianton"
da "Te cort" di Enrico Fruch
sut s.m.
Timp meteorologjic cence precipitazions e cence umiditât
esempi
"il sut di l'an passât nus à fiscâts… Timp di fam…"
da "La aghe da pît la cleve" di Dino Virgili
"o cetant buine chê ploie dopo tant sut"
da "La ultime firme de mê podestarie" di Pieri Somede dai Marcs
proverbi
"cuant che al cjante il cuc, une dì ploie, une dì sut"
"cuant che il poç al è sut, si sa trop che e vâl la aghe"
"Diu nus vuardi dal sut tra lis dôs madonis"
"Diu nus vuardi simpri dal sut"
"la canicule se e cjate bagnât e lasse bagnât, se e cjate sut e lasse sut"
"lune di brume mieze sute e mieze bagnade"
"Març sut, Avrîl bagnât, Mai temperât, beât chel che al varà semenât"
"sut di Zenâr al jemple il granâr"
"ulîf bagnât, ûfs suts; ulîf sut, ûfs bagnâts"
Torna in Cima