Tu âs cirût la peraule
monolengâl
torne indaûr

monolengâl

taiâ v.tr.
(ta-iâ)
Dividi alc in plui parts o tocs cuntune lame o cuntun altri imprest uçât
sinonims
dividi
esemplis
"al començà a taiâ la polente, che anzit e jere za un pôc disfredade"
gjavât fûr di "Chei di Martrent" di Riedo Pup
"la fieste e sarès tacade, e tal tunel cualchidun al varès taiât il nastri ros e blanc"
gjavât fûr di "Fieste di inaugurazion" di Agnul di Spere
taiâ v.tr.
(ta-iâ)
Jessi uçât (ass.)
esemplis
"i pareve parfin che il falcet no i taiàs. E alore al decidè di dâi une batude"
gjavât fûr di "I furlans e la creance" di Riedo Pup
taiâ v.tr.
(ta-iâ)
Fâ une feride
sinonims
ferî
esemplis
"[i doi partigjans presonîrs] al somee che no capissin ce che al sta par tocjâur. Il filistrin ur taie la piel des mans, il sanc al gote sui bregons"
gjavât fûr di "Par stradis lungjis" di Alan Brusini
"o vês dafâ cun nô! Us taìn il gargat cu la massanghe"
gjavât fûr di "La aghe da pît la cleve" di Dino Virgili
taiâ v.tr.
(ta-iâ)
Fâ une operazion chirurgjiche (fam.)
sinonims
operâ, intervignî, incidi
esemplis
" la comari, corude, le à fate puartâ di corse tal ospedâl; bisugnave taiâ, se no il frut nol sarès vignût fûr di chel cuarp intorteât"
gjavât fûr di "Cui si jerial impaçât cun Modestute?" di Pieri Menis
taiâ v.tr.
(ta-iâ)
Fâ il tai di vegjetazion, par racueile, par vê materiâl o par netâ un puest
sinonims
boscâ, butâ jù, çoncjâ, seâ, tirâ jù, tolpâ
esemplis
"al è il forment di taiâ, il sorc di ledrâ, cualchi cjamput di seâ"
gjavât fûr di "Lis predicjis dal muini" di Josef Marchet
""Lisute, a son di taiâ ducj i olnârs de Spilungje. . scrîf a Poldo che o vin dibisugne di lui…""
gjavât fûr di "La fie çuete" di Maria Forte
taiâ v.tr.
(ta-iâ)
Scurtâ cjavei, barbe e v.i.
sinonims
scurtâ
esemplis
"ancje tal taiâ i cjavei si à di vê stîl, bon gust e... personalitât"
gjavât fûr di "Giancarlo barbîr di Vil di Var" di Publicitat
taiâ v.tr.
(ta-iâ)
Movi o movisi suntune superficie o intun spazi compagn che se e fos une lame che le taie (fig.)
sinonims
scjavaçâ
esemplis
""Cheste e je une tiere lontane, dotôr. [...] Cussì o vin imparât a vivi cence parons". Pieri ogni tant tal fevelâ al taie l'aiar cu lis mans"
gjavât fûr di "I forescj" di Alan Brusini, Gian Paolo Linda
"il berlâ lunc come un lament des pioris al taiave l'aiar come lamis di açâl"
gjavât fûr di "Clâr e scûr" di Pieri Somede dai Marcs
"vele la bale che e incrose il cjamp, che lu scjavace, che lu taie par dret e par stuart, che e cole tal pît dal centriatac"
gjavât fûr di "Donald dal Tiliment" di Stiefin Morat
"cumò barcjis a taiavin lizeris la aghe"
gjavât fûr di "Int no consumade" di Agnul di Spere
taiâ v.tr.
(ta-iâ)
[TS] (sart.) Fâ i tocs di dâ dongje par fâ un vistît (ancje ass.)
esemplis
"la sartore le indreçave, po, e taiave, e ingasiave, e inflochetave"
gjavât fûr di "Cjase di Dalban" di Maria Forte
"mê bisnone e jere buine di taiâ e cusî, come in scuasit dutis lis fameis di une volte, e cussì di un capotat vecjo a fasevin un capotut pai fruts"
gjavât fûr di "Sul florî" di AAVV
taiâ v.tr.
(ta-iâ)
Impedî, interompi un passaç (fig.)
sinonims
impedî
esemplis
"[i ongjars] a tornarin plui voltis cence che mai Berengari ur taiàs il pas"
gjavât fûr di "Cuintristorie dal Friûl fin sot la Italie" di Josef Marchet
taiâ v.tr.
(ta-iâ)
Passâ tal mieç
sinonims
scjavaçâ, traviersâ
esemplis
"a strada da la Clausina a taa la mont a dret da la vila, fin sot Colventous"
gjavât fûr di "Li Clausini" di Novella Cantarutti
"la lavie sute dal Cuar e taiave i cjamps di sclavueç, sute e orlade des ramis zalis des agaciis"
gjavât fûr di "Vivi a Codroip" di Agnul di Spere
taiâ v.intr.
(ta-iâ)
Passâ par une vie plui curte
esemplis
"al tacà a lâ jù di chê altre bande de culine, jenfri roncs e cjasâi. Si podeve rivâ prime taiant pai cjamps"
gjavât fûr di "Prime di sere" di Carlo Sgorlon
taiâ v.tr.
(ta-iâ)
Causâ une riduzion, ancje fin a fâ sparî
sinonims
ridusi, scurtâ, strenzi, staronzâ
esemplis
"i ents publics finanziadôrs, cu la sole ecezion de L.R. 3/2002, a àn taiât lis cifris a disposizion pe politiche linguistiche in pro de lenghe furlane"
gjavât fûr di "Efiets economics e ocupazionâi des leçs di tutele de lenghe furlane" di Sandri Carrozzo, Linda Picco
taiâ v.tr.
(ta-iâ)
Scancelâ cuntune linie alc intun scrit o intun elenc
sinonims
cancelâ, cassâ, disnotâ, gjavâ vie, scancelâ, taiâ fûr
esemplis
"une strisse di lapis blu e taiave chês letaris, e insom de pagjine al jere metût un biel cuatri scrit in ros"
gjavât fûr di "Un cuatri in italian" di Pieri Somede dai Marcs
taiâ v.tr.
(ta-iâ)
[TS] (ores.) Dâ a une piere preziose une cierte forme gjavant cierts tocs
taiâ v.tr.
(ta-iâ)
[TS] (enol.) Misturâ un vin lizêr cuntun altri di plui gradazion par miorâ lis sôs cualitâts e fâlu deventâ plui bon
esemplis
"chest vin [la pulie] si doprave par “taiâ” i vins locâi, che in chê epoche a jerin mancul alcolics"
gjavât fûr di "Storie curte de vît in Friûl" di Enrico Peterlunger
taiâ v.tr.
(ta-iâ)
[TS] (sport) Intal balon, dâ ae bale une traietorie curve dantji une pidade cu la part esterne dal pît par che e ziri ancje su se stesse
taiâ v.tr.
(ta-iâ)
[TS] (zûcs) Intai zûcs, alçâ une part dal mac des cjartis e cambiâ di puest, un parsore di chel altri, i doi macuts che si formin, prin di dâlis fûr
taiâ v.tr.
(ta-iâ)
[TS] (inform.) Intun program di elaborazion di dâts, gjavâ di un document un bloc di dâts, copiantlu intun spazi di memorie di pueste
detulis
"a Sant Blâs il frêt al taie il nâs"
"cui che al met il cjâf sul çoc i ven taiât"
"cui che al taie il nâs al insangane la bocje"
"dal çoc si taie la stiele"
"il ramaç si taie dal arbul"
"la lenghe des feminis e je come lis fuarpiis: o che a taie o che e sbuse"
"la lenghe no à vues ni ponte ma tant e taie e a cûs"
"misurâ trê voltis prin di taiâ une"
"no si taie mai l'arbul cuntun sôl colp"
"no stâ taiâ l'arbul che ti à parât de ploie"
"pariti lenghe se no ti tai"
"taiât che mi àn il cjâf, o ai in cûl che mal tornin a tacâ sù"
"taiât il morâr, e cesse la ombrene"
"tor di un len si taie tantis stielis"
torne sù