SuperDizionari

taie s.f.
(ta-ie)

Forme e dimension di une persone, di un vistît o di une bestie

sinonimi

complession, tai, tressadure

esempi

"une fantacine alte un e sessantesiet. Di taie sul normâl. I cjavei maron"

da "Sul florî" di AAVV

taie s.f.
(ta-ie)

[TS] (stor.) Jutori di oms e bêçs che in ete medievâl e rinassimentâl ogni feut o ogni paîs a vevin di meti par mantignî in vore un esecit comun

esempi

"facilmentri i patriarcjis, ancjemò tal XI secul, a varan tacât a clamâ dongje i lôr feudataris, ogni volte che al jere par aiar alc di grues, par sintî la lôr opinion e par intindisi sul cont de « taie » feudâl (che al ven a jessi sul numar dai soldâts e dai cjavai che a podevin mandâ tal esercit patriarcjâl)"

da "Cuintristorie dal Friûl fin sot la Italie" di Josef Marchet

taie s.f.
(ta-ie)

Premi prometût di une autoritât publiche a cui che al jude a cjatâ un criminâl

esempi

"[Gaismar] al mûr tal 1532, sassinât di doi soldâts che a volevin la taie metude sul so cjâf di Ferdinant di Asburc"

da "Teritoris - Oms di Libertât" di Carli Pup

taie s.f.
(ta-ie)

Strât di minerâl uniformi

sinonimi

cors, vene

esempi

"e jere la taie [di cjarbon] plui basse che a lavoravin pognets cul motopic"

da "Farcadice - diari di viaç: Charleroi" di Carlo Della Vedova, Luca Peresson

taie s.f.
(ta-ie)

[TS] (marang.) Tronc di arbul taiât e netât dai ramaçs, pront par jessi menât o lavorât

esempi

"alà tal bosc, ju menaus ei ero devôr a bignâ. Las taios es rivavo jù pal viâl di Cjamperòs e ei vevo imbasdît lu tasson aì des Parts"

da "Gjiviano. Contos e riguarts" di Pieri Pinçan

taie s.f.
(ta-ie)

Trâf che si met pognete, in cubie cuntune altre, par poiâ botis, caratei, brentis e v.i.

esempi

"il foladôr al sune il so tuf cjalt di most da lis bocjis grandis dai brentiei in rie su lis lôr taiis"

da "La aghe da pît la cleve" di Dino Virgili

monolingue