Tu âs cirût la peraule
monolengâl
torne indaûr

monolengâl

tignîsi v.pron.tr.
(ti-gnî-si)
Tignî alc par se, cun se, intor di se, une part di se, in maniere mutuâl e v.i.
sinonims
tignî
esemplis
"in chel si sveave, in senton sul jet a tignîsi une man sul cûr che i sdrondenave"
gjavât fûr di "Par stradis lungjis" di Alan Brusini
"“Pensâ al è dome catram!” i disei par discjolimi di chei penseirs e tignintmi il stomi mi inviai viars la cjamare"
gjavât fûr di "Kebar krossè" di Stiefin Morat
"il cont Asquin al riceveve, tant che lui, 50 solts [...] in dì, e che al veve il permès di tignîsai"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
"un aventôr i veve dit clâr e sclet se al si sintive dal dut sigûr a tignîsi in cjase un cussì"
gjavât fûr di "Prime di sere" di Carlo Sgorlon
Viôt ancje: tegnîsi, tegnisi
tignîsi v.pron.intr.
(ti-gnî-si)
Cjapâsi in alc par no colâ
sinonims
grampâsi, rezisi, tacâsi, cjapâsi, poiâsi, brancâsi
esemplis
"al jentrà dentri in cjase come in trambulis, tignintsi pes cjadreis e pe taule"
gjavât fûr di "La aghe da pît la cleve" di Dino Virgili
"Ricardo e Eliseo si lavarin i pîts e a tacarin a folâ, tignintsi cu lis mans a lis dovis"
gjavât fûr di "Prime di sere" di Carlo Sgorlon
tignîsi v.pron.intr.
(ti-gnî-si)
Imponisi di no fâ alc, cirî di no fâ alc, ancje cun sens gjeneric o che si capìs dal contest (ancje ass.)
esemplis
"al distude la lampade e po al jes cuasi scjampant, tignintsi dal sangloçâ"
gjavât fûr di "Mame..." di Pieri Somede dai Marcs
"bacò fat cul baston che par bevilu bisugne tignîsi"
gjavât fûr di "Il mâl dal tor" di Alan Brusini
tignîsi v.pron.intr.
(ti-gnî-si)
Jessi e restâ intune cierte cundizion
esemplis
"al tocje di tignîsi pronts a dut"
gjavât fûr di "Lis predicjis dal muini" di Josef Marchet
"la Democrazie Cristiane si complasè pal grant confront di ideis [...] e si tignì dal dut disimpegnade"
gjavât fûr di "Memoriis di politiche linguistiche" di Adrian Cescje
tignîsi v.pron.intr.
(ti-gnî-si)
Vê une cierte direzion, fâ un ciert percors, lâ di une cierte bande
esemplis
"la strade e scomençave a lâ in rive jù e si tignive simpri plui dongje dal flum e e jere avonde largje"
gjavât fûr di "In Friûl, nossere" di Agnul di Spere
tignîsi v.pron.intr.
(ti-gnî-si)
Restâ obedient, fedêl, rispietâ une regule, un limit, une prevision e v.i. (fig.)
esemplis
"tecnics e sienziâts a àn di definî in maniere rigorose i tiermins che a doprin – se no son za stâts codificâts – e a àn di tignîsi al significât stabilît"
gjavât fûr di "Par une terminologjie in lenghe furlane" di Franco Finco
"inte part espositive mi tignarai dome a ce che al rivuarde il teme"
gjavât fûr di "Il brevet" di Mario Turello
tignîsi v.pron.intr.
(ti-gnî-si)
Vê un ciert concet o une cierte opinion di se
sinonims
calcolâsi, stimâsi, sintîsi, crodisi
esemplis
"e finive simpri cu la distruzion di une civiltât cu la fuarce di une altre, che si tignive superiôr cence nissune reson"
gjavât fûr di "Il dolfin" di Carlo Sgorlon
"cun chê barcja piçula, sconcuassada, senza guviar, proviodûts di un sôl rem, e senza cuasi plui cognossi la strada, si piarderin di coragjo, e si tignirin piardûts"
gjavât fûr di "Il me paîs" di Federigo Comelli
detulis
"bêçs e dolôrs cui che ju à sai ten"
"laude il mâr e tenti a la tiere"
"laude la mont e tenti al plan"
"se il matrimoni al fos stât un bon sacrament, sal saressin tignût i predis"
"se tu vûs sei ben viodût, tenti sort e ancje mut"
torne sù