Hai cercato la parola
monolingue
Torna indietro

monolingue

tignîsi v.pron.tr.
(ti-gnî-si)
Tignî alc par se, cun se, intor di se, une part di se, in maniere mutuâl e v.i.
sinonimi
tignî
esempi
"in chel si sveave, in senton sul jet a tignîsi une man sul cûr che i sdrondenave"
da "Par stradis lungjis" di Alan Brusini
"“Pensâ al è dome catram!” i disei par discjolimi di chei penseirs e tignintmi il stomi mi inviai viars la cjamare"
da "Kebar krossè" di Stiefin Morat
"il cont Asquin al riceveve, tant che lui, 50 solts [...] in dì, e che al veve il permès di tignîsai"
da "Friûl e furlans te Histoire de ma vie di Giacomo Casanova" di Pierluigi Visintin
"un aventôr i veve dit clâr e sclet se al si sintive dal dut sigûr a tignîsi in cjase un cussì"
da "Prime di sere" di Carlo Sgorlon
Vedi anche: tegnîsi, tegnisi
tignîsi v.pron.intr.
(ti-gnî-si)
Cjapâsi in alc par no colâ
sinonimi
grampâsi, rezisi, tacâsi, cjapâsi, poiâsi, brancâsi
esempi
"al jentrà dentri in cjase come in trambulis, tignintsi pes cjadreis e pe taule"
da "La aghe da pît la cleve" di Dino Virgili
"Ricardo e Eliseo si lavarin i pîts e a tacarin a folâ, tignintsi cu lis mans a lis dovis"
da "Prime di sere" di Carlo Sgorlon
tignîsi v.pron.intr.
(ti-gnî-si)
Imponisi di no fâ alc, cirî di no fâ alc, ancje cun sens gjeneric o che si capìs dal contest (ancje ass.)
esempi
"al distude la lampade e po al jes cuasi scjampant, tignintsi dal sangloçâ"
da "Mame..." di Pieri Somede dai Marcs
"bacò fat cul baston che par bevilu bisugne tignîsi"
da "Il mâl dal tor" di Alan Brusini
tignîsi v.pron.intr.
(ti-gnî-si)
Jessi e restâ intune cierte cundizion
esempi
"al tocje di tignîsi pronts a dut"
da "Lis predicjis dal muini" di Josef Marchet
"la Democrazie Cristiane si complasè pal grant confront di ideis [...] e si tignì dal dut disimpegnade"
da "Memoriis di politiche linguistiche" di Adrian Cescje
tignîsi v.pron.intr.
(ti-gnî-si)
Vê une cierte direzion, fâ un ciert percors, lâ di une cierte bande
esempi
"la strade e scomençave a lâ in rive jù e si tignive simpri plui dongje dal flum e e jere avonde largje"
da "In Friûl, nossere" di Agnul di Spere
tignîsi v.pron.intr.
(ti-gnî-si)
Restâ obedient, fedêl, rispietâ une regule, un limit, une prevision e v.i. (fig.)
esempi
"tecnics e sienziâts a àn di definî in maniere rigorose i tiermins che a doprin – se no son za stâts codificâts – e a àn di tignîsi al significât stabilît"
da "Par une terminologjie in lenghe furlane" di Franco Finco
"inte part espositive mi tignarai dome a ce che al rivuarde il teme"
da "Il brevet" di Mario Turello
tignîsi v.pron.intr.
(ti-gnî-si)
Vê un ciert concet o une cierte opinion di se
sinonimi
calcolâsi, stimâsi, sintîsi, crodisi
esempi
"e finive simpri cu la distruzion di une civiltât cu la fuarce di une altre, che si tignive superiôr cence nissune reson"
da "Il dolfin" di Carlo Sgorlon
"cun chê barcja piçula, sconcuassada, senza guviar, proviodûts di un sôl rem, e senza cuasi plui cognossi la strada, si piarderin di coragjo, e si tignirin piardûts"
da "Il me paîs" di Federigo Comelli
proverbi
"bêçs e dolôrs cui che ju à sai ten"
"laude il mâr e tenti a la tiere"
"laude la mont e tenti al plan"
"se il matrimoni al fos stât un bon sacrament, sal saressin tignût i predis"
"se tu vûs sei ben viodût, tenti sort e ancje mut"
Torna in Cima