Hai cercato la parola
monolingue
Torna indietro

monolingue

tirâ fûr loc.v.
Cjapâ e fâ fuarce par che cdn. o alc al vegni fûr
esempi
"une spine di Signôr, lungje une cuarte, la Madone la à cjapade tun pît, saltant un agâr suiât. [...] La Madone pricure e fâs di dut par tirâle fûr chê spine"
da "El sborf" di Dolfo Zorzut
"cuant che [il frut colât tal poç] le à viodude bruscje si è metût a sberlâ. E je corude jù agne Vigje, sô none, e lu à tirât fûr pai braçs"
da "Tinut di Libro" di Pieri Menis
tirâ fûr loc.v.
Cjatâ
sinonimi
inventâ, cjatâ, cjatâ fûr, burî, burî fûr
esempi
"al si met a voltâju, a zirâju e a messjedâju ducj cuancj [i crucifìs] par tirânt fûr un sence pecjis"
da "Al marcjât di Vile" di Luigi Gortani
tirâ fûr loc.v.
Cjatâ o inventâ e presentâ un argoment, une scuse, une cuistion, un probleme o un truc, une dificoltât e v.i.
esempi
"lis argomentazions che a tirin fûr a son vueidis di ogni sostance"
da "Sturm und Drang" di Josef Marchet
"tancj si son fats indenant, cui proponintsi tant che professôr di talian, cui tirant fûr ideis par gjitis e fiestis, cui cu la voie di cognossiju lant a fâ di mangjâ cun lôr [cui forescj rivâts di pôc]"
da "Un blanc e un neri" di Igor Londero
tirâ fûr loc.v.
Rivâ a otignî
sinonimi
rigjavâ, gjavâ, gjavâ fûr
esempi
""È vignude une femine a domandâmi cemût che veve di fâ par tirâ fûr la legjitime che i spietave a sô mari su la sostance di so nono e che i siei barbis no volevin dâi""
da "L'avocat e la luianie" di Pieri Somede dai Marcs
"dai ramaçs si tirin fûr fibris par fâ cuardis"
da "Risorse biodiversitât" di Silvia Battaglia
tirâ fûr loc.v.
Dâ bêçs
sinonimi
spiçâ fûr, spudâ, spudâ fûr
esempi
"nol veve volût savênt di tirâ fûr nancje une palanche"
da "Îr e doman" di Gianni Gregoricchio
"par tirâ fûr chei cinc mil francs che nus vevin prometût o vin dovût sudâ cent cjamesis"
da "Lis nestris rosis" di Pieri Somede dai Marcs
tirâ fûr loc.v.
Fâ une ecezion, gjavâ di un cont, di une considerazion, di une categorie e v.i.
sinonimi
gjavâ, tirâ vie, gjavâ fûr
esempi
"che anzit, a fâ il calcul tune anade, une volte tirâts fûr ducj i vinars, lis cuatri timporis, l'avent, la cuaresime e cualchi alc altri di fûr vie, si po dî che cuasi nol vanzave nancje il timp di mangjâ un purcitut tarcjot cence fâ pecjâts cuintri la astinence"
da "I furlans e la pinitince" di Riedo Pup
Torna in Cima