Tu âs cirût la peraule
monolengâl
torne indaûr

monolengâl

tirâsi dongje loc.v.
Tirâ alc dongje di se stes
sinonims
tirâ dongje, tirâ incà
esemplis
"lui al si vicinà a un saût, al si tirà dongje un ramaç par nasâ lis rosis"
gjavât fûr di "Fûr di timp" di Jolanda Mazzon
tirâsi dongje loc.v.
Lâ dongje, movisi fin a rivâ li di alc o li di cdn.
sinonims
lâ dongje, vignî dongje
esemplis
"«Papà» Vigjut si tirà dongje so pari, si rimpinà come un gjatut sù pai zenoi: «Papà, sint… » e cjapât so pari a bracecuel i cisicà te orele"
gjavât fûr di "Nadâl ancje par Gjelmin" di Pieri Menis
"[Anzuline] si tire dongje a planc dute curiose"
gjavât fûr di "Ursule" di Pieri Somede dai Marcs
tirâsi dongje loc.v.
Lâ un plui dongje di chel altri
sinonims
dâsi dongje, tirâsi adun, riunîsi, cjatâsi, dâsi adun
esemplis
"di cheste stagjon si tiravisi dongje di dutis lis bandis, si cirive il clip dal fogolâr, il bonodôr de polente"
gjavât fûr di "Lis predicjis dal muini" di Josef Marchet
tirâsi dongje loc.v.
Lâ o tornâ a cjase
sinonims
tornâ dongje
esemplis
"tal bosc al jere scûr, i siei voi di viele a cimiavin. Al jere miôr scomençâ a tirâsi dongje"
gjavât fûr di "Come tai romançs" di Alan Brusini
tirâsi dongje loc.v.
Leâsi intune relazion amorose o matrimoniâl
sinonims
metisi, compagnâsi, dâsi dongje, tirâ dongje
esemplis
"tu sês intune condizion che no tu âs bisugne di cirî dotis, ne di tirâti dongje int smorfiose e pretenziose che finirès cul fâti deventâ mat"
gjavât fûr di "A ogni cost" di Vittorio Vittorello
""Cemût, po, un om fat e finît no aial une femine, ancje dome un grabatul di tirâsi dongje?""
gjavât fûr di "L'om misteriôs" di Antescûr
tirâsi dongje loc.v.
Svicinâsi intune relazion di amicizie
sinonims
dâsi dongje
esemplis
"di chei vincjedoi talians intropâts tal Radna Grupa di Moravice, Min si tire dongje massime di Turi"
gjavât fûr di "Storie di Min" di Ivano Urli
tirâsi dongje loc.v.
Cjapâ a vore
sinonims
tirâ dongje
esemplis
"si veve tirât dongje [tant che massarie] une biade catusse (che e veve vût une frute parsore filâ) e cun chê e tirave indenant"
gjavât fûr di "Cjase di Dalban" di Maria Forte
tirâsi dongje loc.v.
Causâ a se stes
sinonims
tirâ dongje, tirâsi intor
esemplis
"tirâsi dongje cualchi malatie"
gjavât fûr di "L'orloi de vite" di Giovanni Pillinini
torne sù