Hai cercato la parola
monolingue
Torna indietro

monolingue

tirâsi dongje loc.v.
Tirâ alc dongje di se stes
sinonimi
tirâ dongje, tirâ incà
esempi
"lui al si vicinà a un saût, al si tirà dongje un ramaç par nasâ lis rosis"
da "Fûr di timp" di Jolanda Mazzon
tirâsi dongje loc.v.
Lâ dongje, movisi fin a rivâ li di alc o li di cdn.
sinonimi
lâ dongje, vignî dongje
esempi
"«Papà» Vigjut si tirà dongje so pari, si rimpinà come un gjatut sù pai zenoi: «Papà, sint… » e cjapât so pari a bracecuel i cisicà te orele"
da "Nadâl ancje par Gjelmin" di Pieri Menis
"[Anzuline] si tire dongje a planc dute curiose"
da "Ursule" di Pieri Somede dai Marcs
tirâsi dongje loc.v.
Lâ un plui dongje di chel altri
sinonimi
dâsi dongje, tirâsi adun, riunîsi, cjatâsi, dâsi adun
esempi
"di cheste stagjon si tiravisi dongje di dutis lis bandis, si cirive il clip dal fogolâr, il bonodôr de polente"
da "Lis predicjis dal muini" di Josef Marchet
tirâsi dongje loc.v.
Lâ o tornâ a cjase
sinonimi
tornâ dongje
esempi
"tal bosc al jere scûr, i siei voi di viele a cimiavin. Al jere miôr scomençâ a tirâsi dongje"
da "Come tai romançs" di Alan Brusini
tirâsi dongje loc.v.
Leâsi intune relazion amorose o matrimoniâl
sinonimi
metisi, compagnâsi, dâsi dongje, tirâ dongje
esempi
"tu sês intune condizion che no tu âs bisugne di cirî dotis, ne di tirâti dongje int smorfiose e pretenziose che finirès cul fâti deventâ mat"
da "A ogni cost" di Vittorio Vittorello
""Cemût, po, un om fat e finît no aial une femine, ancje dome un grabatul di tirâsi dongje?""
da "L'om misteriôs" di Antescûr
tirâsi dongje loc.v.
Svicinâsi intune relazion di amicizie
sinonimi
dâsi dongje
esempi
"di chei vincjedoi talians intropâts tal Radna Grupa di Moravice, Min si tire dongje massime di Turi"
da "Storie di Min" di Ivano Urli
tirâsi dongje loc.v.
Cjapâ a vore
sinonimi
tirâ dongje
esempi
"si veve tirât dongje [tant che massarie] une biade catusse (che e veve vût une frute parsore filâ) e cun chê e tirave indenant"
da "Cjase di Dalban" di Maria Forte
tirâsi dongje loc.v.
Causâ a se stes
sinonimi
tirâ dongje, tirâsi intor
esempi
"tirâsi dongje cualchi malatie"
da "L'orloi de vite" di Giovanni Pillinini
Torna in Cima