Hai cercato la parola
monolingue
Torna indietro

monolingue

tradizionâl adi.
(tra-di-zi-o-nâl)
Che al nas di une tradizion, fondât suntune tradizion
esempi
"il cjant tradizionâl furlan plui carateristic al è di sigûr la vilote"
da "Musiche furlane" di Walter Colle
"par chel che al rivuarde lis televisions privadis, bisugnarès sfrancjâsi de vision folcloristiche e tradizionâl dal Friûl, une vore presinte in cetancj programs"
da "La promozion de lenghe furlane sui mass media" di Erika Adami
"i mudaments che la nobiltât e cirive di meti in at a levin a tocjâ in maniere direte chel sisteme di regulis, di normis tradizionâls, di dirits che a jerin la fonde primarie de struture e, duncje, de identitât di une comunitât"
da "Il Friûl de Joibe Grasse dal 1511" di Carli Pup
tradizionâl adi.
(tra-di-zi-o-nâl)
Che al corispuint a modei tipics e maioritaris o che al è leât a modei dal passât
sinonimi
convenzionâl, normâl
esempi
"fintremai intal mieç dai agns Otante a 'nd jere un grum di linguiscj di orientazion tradizionâl che a cjalavin suspietôs a lis gnovis tindincis dal studi da la lenghe naturâl cul jutori de matematiche e de informatiche"
da "Corpus linguistics" di Vladimir Petkevic
"chescj presits [dal cumierç just] a son par solit plui alts di chei dal marcjât “tradizionâl”, che al sta sù sul profit"
da "Guide par un consum just e solidâl" di Buteghe dal Mont, Luche Nazzi
"cun chestis bataiis che Onde Furlane e marche une funzion di riferiment inte societât furlane, metint in dificoltât i partîts tradizionâi e obleantju a vierzi i voi su chestis cuistions"
da "Un Friûl difarent: i 90 mhz di Onde Furlane" di Max Mauro
tradizionâl adi.
(tra-di-zi-o-nâl)
Che si use, che al è tipic di une cierte occasion o circostance (fam.)
sinonimi
ordenari, rituâl, usât, usuâl, solit
esempi
"cuindis dîs prime dal matrimoni, une domenie dopomisdì, si son cjatâts a «contentâ», come che si usave in chê volte. [...] a son jentrâts tal tinelut risiervât pes circostancis dulà che e jere preparade la taule cu la mirinde tradizionâl"
da "Chei di Muraie" di Pieri Menis
Torna in Cima