SuperDizionari

unic adi.
(u-nic)

Che al è dome chel di chel gjenar, cence compagns, antecessôrs o sucessôrs, dispès ancje cun valôr enfatic

sinonimi

singul, sôl

esempi

"al veve reson il nono di dîle cussì spes, che la ignorance e je la uniche robe che no si impare"

da "Come tai romançs" di Alan Brusini

"la Furlanie [...] e rinunzie a cheste uniche pussibilitât, che si presente, di domandâ e otignî almancul un pôc di ce che i parten"

da "Cuarde e savon" di Josef Marchet

"la uniche robe che a vevin di diferent e jere che a fevelavin une altre lenghe"

da "Just, cence di" di Checo Tam

unic adi.
(u-nic)

Che al è fûr dal ordenari par une cierte cualitât, capacitât, pussibilitât e v.i.

sinonimi

cence pâr, ecezionâl, straordenari

esempi

"l'incuintri vêr cuntune culture diferente e je une ocasion uniche par deventâ ducj plui siôrs"

da "Guide par un consum just e solidâl" di Buteghe dal Mont, Luche Nazzi

unic s.m.
(u-nic)

Cui o ce che al è bessôl, ancje in contrast cun ducj chei altris, a vê ciertis carateristichis

sinonimi

sôl

esempi

"tu cognossis la art; tu saressis duncje l'unic tra di nô che al podarès compagnâ cheste zoventût tel zîr che àn di fâ pel convent"

da "La Madalene" di Zuan Lurinçon

"chei Batistons! i unics che no jerin vignûts mai di mai, a butâsi in zenoglon denant di lui, cu la man vierte"

da "La aghe da pît la cleve" di Dino Virgili

monolingue