Hai cercato la parola
monolingue
Torna indietro

monolingue

urlâ v.intr.
(ur-lâ)
Dal lôf, dal cjan o di altris canidis, fâ viers luncs e acûts
esempi
"un cjanat che al urlave di lôf vie pes gnots di maltimp"
da "La aghe da pît la cleve" di Dino Virgili
"chel cjan, daspò che al à ben vuacât e cu lis çatis raspade la tiare, al alce il music e al si met a urlâ a lunc che al pâr che la clami"
da "Il cjan blanc di Alturis" di Catarine Percude
urlâ v.intr., v.tr.
(ur-lâ)
Mandâ fûr la vôs une vore a fuart, sedi cun peraulis che dome cun viers o sunsûrs, par clamâ, laudâ, protestâ, cridâ e v.i.
sinonimi
berlaçâ, ciulâ, craçâ, cragnâ, cridâ, cuarnâ, disgosâsi, fâ vôs di Atile, fricâ, sbardaiâ, scriulâ, spampanâ, tambarlâ, tampiestâ, trombonâ, ucâ, berlâ, vosonâ, vuacâ, vuicâ, zigâ, sberlâ, vosâ, berghelâ, sberghelâ, businâ
esempi
"lis feminis a urlavin platantsi la muse tes mans"
da "Sflamiadis" di Pieri Menis
"cun dute la vôs che al veve e menant la forcje al urlà: « Fermaitsi un moment! Orco boie!»"
da "La cjase di Toni" di Tarcisio Venuti
proverbi
"cuant che si è cul lôf, si scuen urlâ"
"cui che al va cul lôf al impare a urlâ"
"cul lôf si è, cul lôf si urle"
Torna in Cima