Hai cercato la parola
monolingue
Torna indietro

monolingue

vert adi., s.m.
Colôr jenfri il zâl e il celest, tipic par esempli de jerbe
esempi
"lis monts plui dongje a jerin dutis verdis di boscs e di prâts"
da "Il dolfin" di Carlo Sgorlon
"E drece viers di me i siei voi verts, cuiets e biei"
da "I forescj" di Alan Brusini, Gian Paolo Linda
"dal barcon al cjalave fûr tal fogôr dal ort i zâi e i verts des fueis des vîts"
da "Vivi a Codroip" di Agnul di Spere
"lis gratulis cui peltris colorâts di vert e ros"
da "La aghe da pît la cleve" di Dino Virgili
vert s.m.
Part di alc caraterizade di chel colôr
esempi
"al roseave lis scussis de angurie fin sul vert"
da "La tiere di Lansing" di Maria Forte
vert adi.
Spec. di plante o part di plante, sane e vive
esempi
"pecjât che rosis e ramaçs no durin verts trop a lunc!"
da "Lis predicjis dal muini" di Josef Marchet
vert adi.
Spec. di pomis, no ancjemò maduris
sinonimi
agri, crei, crût, garp, malmadûr, indaûr
esempi
"i piruçs a son ancjemò masse verts"
vert adi.
No ancjemò madûr, tipic di une fase no madure (fig.)
esempi
"chê vite verde che e jere in dirit di vivi lis sôs stagjons"
da "La tiere di Lansing" di Maria Forte
vert adi.
Di estension di tiere, caraterizade de presince di plantis
esempi
"e jere une biele stanzie, grande e lusorose, cui barcons che si vierzevin suntun piçul parc, bielzà vert e profumât in chê stagjon"
da "Aiar di cjase" di Franca Mainardis
vert adi.
Cun espression e ciere de muse che a pandin rabie, gnervôs, vergogne e v.i. (fig.)
esempi
"Jacum al jere restât cui dêts fers sui botons, vert di rabie, e i veve zigât come ofindût"
da "La cjase dal Murat" di Maria Forte
"lis possadis a jerin propit te sô sachete: il re al devente vert"
da "Maletegne" di Andreina Nicoloso Ciceri
"ridons, dulintor! E la Fiorine e je verde. Di chel istès no si rint"
da "Tirâ sù fruts" di Meni Ucel
vert adi.
Che al rispiete l'ambient, che al va daûr dai criteris de ecologjie (fig.)
sinonimi
ecologjic
esempi
"mistîrs peâts ae economie verde, come che e ven clamade chê che e strace pocje energjie e e ten cont dal ambient"
da "Artesans devant de crisi, problemis e sperancis: interviste al president di Confartigianato Tilatti" di Antonella Lanfrit
vert adi., s.m.
[TS] (polit.) Che, cui che al à obietîfs politics incentrâts su la ecologjie
esempi
"te formazion verde regjonâl al fo elet conseîr Elie Mion, un dai oms che cun Cjaval a vevin contribuît a fondâ la linie nazionalitarie furlane di Democrazie Proletarie dal Friûl tai agns 80"
da "Memoriis di politiche linguistiche" di Adrian Cescje
"Pieri Fontanin, che al sarà prin conseîr provinciâl pai Verts e plui tart [...] deputât tal Parlament sot de bandiere de Lega Nord"
da "Un Friûl difarent: i 90 mhz di Onde Furlane" di Max Mauro
vert adi., s.m.
(stor.) Ae fin de seconde vuere mondiâl e tai agns dopo de fin de vuere, di persone o formazion politiche, di ispirazion laiche o catoliche, in contraposizion cul fassisim, caraterizât dal colôr neri, e cul comunisim, caraterizât dal colôr ros
esempi
"ce us impuartial se un al è ros o vert? Pensait a lavorà"
da "La cjase di Toni" di Tarcisio Venuti
proverbi
"a brusâ lens verts, si fâs fum e no fûc"
"al è miôr deventâ ros e dî di no, che no deventâ verts par vê il so"
"al è miôr gjavâ il sterp che no mangjâ la nole verde"
"i lens verts a fasin fum"
"la sperance e je simpri verde"
"un len sec al cjape plui prest che no un vert"
"un len sec al cjape prime che no un vert"
"vuê al è Sant Benedet se nol pie di vert al pie di sec"
Torna in Cima