Hai cercato la parola
monolingue
Torna indietro

monolingue

vierzisi v.pron.intr.
(vier-zi-si)
Cjapâ une posizion che e permet la comunicazion, il passaç, la viste e v.i.
esempi
"fin cuant che une puarte si viarç e o colìn dentri e o lassìn fûr, par un moment, il businâ dai dius e il frêt de gnot"
da "Donald dal Tiliment" di Stiefin Morat
"a di un pont il barcon de cjamare finalmentri al piule e si vierç"
da "Serenadis" di Meni Ucel
vierzisi v.pron.intr.
(vier-zi-si)
Di struture che e permet il passaç, la viste o che e à forme ingjavade, jessi orientade di une cierte bande
esempi
"e jere une biele stanzie, grande e lusorose, cui barcons che si vierzevin suntun piçul parc"
da "Aiar di cjase" di Franca Mainardis
"une androne sepulide tra mûrs vieris sporcs di frusin e di jerbe si vierç su la plaçute dal borc"
da "La androne" di Dino Virgili
vierzisi v.pron.intr.
(vier-zi-si)
Di elements o robis fatis di plui elements, ancje di parts dal cuarp o sim., distirâsi, cjapâ une posizion li che i elements a son plui lontans tra di lôr
sinonimi
slargjâsi
esempi
"o vevi viodût il bec dal falcuç maglât di sanc, il sierâsi e il vierzisi gnervôs des sgrifis, seneosis di sbridinâ"
da "Il dolfin" di Carlo Sgorlon
"sù in alt, nui neris a barcjons si corevin daûr, si scjavalgjavin, si ingrumavin, si vierzevin e, daûr di lôr, il celest al sparive come glotût"
da "La bissebove" di Pieri Somede dai Marcs
"pardut che a poin i lôr piduts o li che lis lôr cotulis a cjarecin la jerbe si vierzin lis rosis: cjampanutis, ciclamins, cidivocs, zîs"
da "Salvans!" di Sandri Di Suald
vierzisi v.pron.intr.
(vier-zi-si)
Rompisi, vê une creture, une sbregadure e v.i.
esempi
"“E une mont che si sclape. La gnot a crepe une piere, la piere si viarç...”"
da "Kebar krossè" di Stiefin Morat
"a impirâ i braçs di sio pari muart ta chê gjachituta strenta cha a si vierzeva par duti li cumissuri"
da "La not di Gjoriu" di Novella Cantarutti
"di bon al podeva dome jessi che, se il taramot al tornava, a si vierzès la cjera da scomparî ducj, jo cu la mê zent"
da "Fat di voladia" di Novella Cantarutti
vierzisi v.pron.intr.
(vier-zi-si)
Deventâ plui larc o vê un aspiet plui larc e viert
sinonimi
ingrandîsi, serenâsi, slargjâsi
esempi
"la planure, là jù insom, si vierzeve in tacjis che, di claris, a covis, e deventavin neris"
da "Amîs come prime" di Alan Brusini
"i bûs a tignivin dûr e intor dal music al fumave il flât. I lens a slargjavin i forcjàs cuintri il nulât, pôi e vencjârs a sgriavin il cîl. [...] Po si vierzè une largjure e, là jù a dret, il paîs"
da "L'avôt" di Maria Forte
vierzisi v.pron.intr.
(vier-zi-si)
Scomençâ a podê jessi doprât, traviersât, gjoldût, patît e v.i.
esempi
"chestis specificitâts [...] si palesarin in chei agns parcè che propit in chê volte si vierzerin spazis dulà pandi ideis, aspirazions e dibisugnis"
da "La Cjarte di Strasburc dal 1981. Une Risoluzion “storiche” e ancjemò di atualitât" di Marc Stolf
"denant di te si vierç une strade vueide… cun dute la sô lungje malinconie"
da "Cjase di Dalban" di Maria Forte
"tu viodarâs Rose che une vite gnove si vierzarès ancje par te, une vite serene"
da "Vilie di Nadâl" di Pieri Somede dai Marcs
vierzisi v.pron.intr.
(vier-zi-si)
Deventâ plui facil di viodi, di capî
sinonimi
mostrâsi, pandisi
esempi
"e jere une veretât che si vierzeve e si sclarive, cumò, tant che un miracul"
da "La aghe da pît la cleve" di Dino Virgili
vierzisi v.pron.intr.
(vier-zi-si)
Jessi plui seren, plui biel
sinonimi
serenâsi
esempi
"la sô muse si vierzeve tun ridi maraveôs"
da "I forescj" di Alan Brusini, Gian Paolo Linda
vierzisi v.pron.intr.
(vier-zi-si)
Deventâ disponil, pront al confront, ae colaborazion e v.i.
esempi
"o vin di cjapâ cussience che nô o vin bisugne di vierzisi [cul cumierç] di dutis lis bandis, no dome di une"
da "La nestre storie" di Francesc Placerean
vierzisi v.pron.intr.
(vier-zi-si)
Jentrâ in confidence, o ancje tal specific fâ une confidence, une confession
sinonimi
molâsi, smolâsi
esempi
"sul prin, cun lui, o ai stentât a vierzimi"
da "Trê feminis" di Gianni Gregoricchio
"e veve cirût di fâ alc par judâle, ma la Ulive no si vierzeve"
da "La tiere di Lansing" di Maria Forte
"cumò il Cosac al scomençave a vierzisi un fregul, a dâ confidence e il polizai al profità e al spulzinâ fûr plui che al podè"
da "Cretevierte" di Roberto Ongaro
vierzisi v.pron.intr.
(vier-zi-si)
Jessi sul principi, vê un inizi
sinonimi
scomençâ, tacâ
esempi
"e stave par vierzisi une gnove stagjon, une gnove ete plene di sorpresis e di novitâts"
da "Il sium di Lissandri" di Franca Mainardis
"la cunvigne [...] si vierzarà aes 10 di matine"
da "Cormons capitâl furlane" di Erika Adami
proverbi
"a bati e a tornâ a bati, si vierç la puarte"
Torna in Cima