SuperDizionari

monolingue

vignî jù loc.v.

Movisi, in câs ancje svicinantsi, di un puest che al è adalt a di un che al è abàs o di Nord a Sud

esempi

"dôs lagrimis i vignivin jù pe muse"

da "La fuiace de Madone" di Catarine Percude

"vegnin jù i cjargnei de Cjargne / vegnin jù batint il tac"

da "Vegnin jù i cjargnei de Cjargne" di Popolâr

"vignît jù une scjale, / cjalait, rimiraitle, / ce splendide sale"

da "Ai Piombi" di Romeo Battistig (?)

vignî jù loc.v.

In particolâr di ploie, nêf, tampieste, colâ dal cîl

esempi

"plovisine minudine, / lizerine, / tu vens jù cussì cidine / sence tons e sence lamps, / e tu dâs di bevi ai cjamps"

da "La plovisine" di Pieri Çorut

"subit al sune il bot, ma ce frêt che al è difûr, al scomence a neveâ, e ven jù une nêf fine fine e za par tiere al è dut blanc"

da "Gnot di Nadâl" di Pieri Somede dai Marcs

vignî jù loc.v.

Pierdi ecuilibri, fuarce struturâl, o coesion, aderence e v.i. e colâ

sinonimi

sdrumâ, sdrumâsi, lâ jù, colâ

esempi

"[cul taramot] tancj fabricâts a son vignûts jù o a son stâts butâts jù"

da "La culine furlane" di Mauro Pascolini, Andrea Guaran

"centenârs di metros cubos di cret e di arzilo e jero vignûts jù intun colp, fasint sparî la pachero"

da "Geologicamente impossibile" di Fulvio ReddKaa Romanin

vignî jù loc.v.

Vê une posizion che e je determinade dal pês che al tire injù

sinonimi

colâ, pindulâ, pendâ

esempi

"i vignivin jù i cjavei pal cerneli, a lazaron vie"

da "La aghe da pît la cleve" di Dino Virgili

proverbi

"a clopin plui i zenoi di disore a vignî jù, che no di abàs a lâ insù"

"i bêçs no vegnin jù pai cops"

"i bêçs no vegnin jù pal cjamin"

"i dîs il cuviert al paron: se no tu vegnis sù tu, o ven jù jo"

Torna in Cima