Hai cercato la parola
monolingue
Torna indietro

monolingue

vinci v.tr.
(vin-ci)
Vignî fûr cun sucès di un scuintri, di une competizion, di un confront, di un zûc e v.i. (ancje ass.)
esempi
"a crodevin, lôr, che al bastàs fâ berlâ a la int "Vincere" par vinci la vuere"
da "Il muc" di Roberto Ongaro
"Carli, visât dal pape, si môf bande la Italie, dai conzurâts nome Rotgaut e il duche di Trevîs so missêr a tegnin dûr tai lôr intindiments. Te bataie che e ven fûr i Francs a vincin e Rotgaut al mûr"
da "Rotgaut e la politiche furlane langobarde" di Sandri Carrozzo
"tu ti alenarâs, tu âs doi mês par tornâ a vê un pôc di ce che si dîs cul balon tal pît. Chê partide o vin di vincile"
da "Donald dal Tiliment" di Stiefin Morat
"ae ultime di Avost il fantat al vinceve a Tresesin cun distac la corse di Sante Filumene"
da "Come tai romançs" di Alan Brusini
vinci v.tr., v.intr.
(vin-ci)
Superâ cdn. intun scuintri armât, intune competizion, intun confront, intun zûc e v.i.
sinonimi
sbaraiâ, sconfizi, sdramassâ, bati
esempi
"i Langobarts a jerin rivâts (cui sa dontri) te Panonie e tal Noric in compagnie dai Avarics, e cun lôr a vevin vinçût i Gjepidis"
da "Cuintristorie dal Friûl fin sot la Italie" di Josef Marchet
vinci v.tr.
(vin-ci)
Otignî un risultât, ricognossiment, un premi e v.i. che a puedin presuponi un confront o une selezion rispiet a altris
sinonimi
cjapâ, concuistâ, otignî, rivâ
esempi
"tes elezions regjonâls dal 1968, il Moviment Friûl al vincè 3 conseîrs"
da "Cuintristorie dal Friûl dal 1866 fint in dì di vuê" di Francesc Placerean
"ouh, o soi daûr a vinci money a camionadis, fradi!"
da "Donald dal Tiliment" di Stiefin Morat
"tal 1984 propit un furlan dal Lusinç [...], Carlo Rubbia, al vinç il premi Nobel studiant la interazion eletromagnetiche fra lis parteselis elementârs"
da "Cuintristorie dal Nûfcent 1980-1990" di Angelo Floramo
"tal 1930 [Afro Basaldella] al vinç une borse di studi che i permet di lâ a studiâ a Rome"
da "Afro Basaldella" di Luca De Clara
vinci v.tr.
(vin-ci)
Controlâ, dominâ emozions, istints, compuartaments
sinonimi
controlâ, dominâ, frenâ, somerzi, tignî, tignî sot
esempi
"si sfuarçave di vinci chê maluserie calme, ma insot, che e veve il so riflès scûr ancje su la sô muse"
da "La tiere di Lansing" di Maria Forte
"dafonts da la anime tu âs di vê une naturate, un brut temperament, che a fuarce di stratignîti e di stâ atent, tu sês rivât adore di vincilu e di corezilu"
da "Lis predicjis dal muini" di Josef Marchet
proverbi
"cui che al ten dûr le vinç"
"cui che al vinç se stes al fâs une grant vitorie"
"cui che le dure le vinç"
"fuart cui che no si lasse vinci dal pudôr, plui fuart cui che no si lasse vinci de necessitât"
"se al plûf a Ssant Laurinç, la campagne le vinç"
Torna in Cima