SuperDizionari

voltâ v.tr.
(vol-tâ)

Indreçâ di une cierte bande o di une altre bande (ancje fig.)

sinonimi

dreçâ, indreçâ, mandâ, movi, zirâ

esempi

""No, no pues durmî, o ai tante pene" e e voltà il cjâf sul cussin par scuindi lis lagrimis"

da "Il segno" di Pieri Somede dai Marcs

"jê e voltà i voi spalancâts di chê altre bande cence rispuindi"

da "La aghe dal Ariul" di Maria Forte

"in Friûl - volte la telecjamare di ce bande che tu vûs - a vegnin fûr nome casermis, cjars armâts, polvarieris"

da "I furlans e la television" di Riedo Pup

"Ustin le judà a dismontâ sul marcjepît po al voltà dentri cjaval e caretin"

da "La tiere di Lansing" di Maria Forte

voltâ v.tr.
(vol-tâ)

Meti intune cierte posizion o in posizion contrarie (ancje fig.)

sinonimi

ribaltâ, rivoltâ, zirâ

esempi

"al cjapave la borse vueide, le voltave cu la bocje injù, le spalancave inmò une volte - che nol fos restât cualchi carantan impirât tal ravai de cusidure"

da "I furlans e il muini" di Riedo Pup

"Nando si ferme e le cjale, po al volte une altre pagjine e al lei"

da "Mame..." di Pieri Somede dai Marcs

"«Miôr viodilu muart» i scjampà di dî e par un moment e voltà il ritrat di lui cuintri il mûr"

da "La tiere di Lansing" di Maria Forte

"il spieli al volte lis robis, e ce che al è a man drete lui lu puarte a çampe"

da "Sul florî" di AAVV

voltâ v.tr.
(vol-tâ)

[TS] (sart.) Discusî e tornâ a cusî un vistît doprât, o sim., in maniere che la bande didentri e ledi parfûr e al somei mancul fruiât

esempi

"e veve simpri cusît par dutis lis feminis e fantatis dal paîs, dai capots di voltâ ai vistiduts di bombasine di puartâ par cjase"

da "Il muc" di Roberto Ongaro

voltâ v.tr.
(vol-tâ)

Convinci (fig.)

esempi

"jê e rispuindeve che le vessin lassade in pâs. E no jerin sants a voltâle"

da "Cjase di Dalban" di Maria Forte

"un pôc a la volte sperìn di voltâ la parone"

da "Ursule" di Pieri Somede dai Marcs

"al jevave cuant che al voleve e, se al diseve che une robe no i lave di fâ, nissun lu voltave"

da "Chei di Muraie" di Pieri Menis

voltâ v.tr.
(vol-tâ)

Presentâ un discors, un argoment, une situazion intune cierte maniere (fig.)

sinonimi

ribaltâ, rivolzi, zirâ indaûr, zirâ, rivoltâ

esempi

"al è pussibil che [...] e sedi rivade a voltâje tant ben di lassâlu ca biel che jê e partive cui bêçs"

da "Ah! la provincie" di Sandri Di Suald

voltâ v.tr.
(vol-tâ)

Passâ un test scrit o orâl di une lenghe a une altre, di un nivel espressîf o di un regjistri linguistic a un altri

sinonimi

tradusi

esempi

"Martin Lutar al à voltade la Biblie par todesc in pôcs agns"

da "Memoriis di politiche linguistiche" di Adrian Cescje

"baste pensâ al nestri Busiç, che al à voltât par furlan in otavis dut Virgjili"

da "Friûl e furlans te Histoire de ma vie di Giacomo Casanova" di Pierluigi Visintin

voltâ v.intr.
(vol-tâ)

Cambiâ di direzion

sinonimi

zirâ

esempi

"Zac al coreve come un mat e al someave che al savès dulà lâ: a la prime crosere al voltà a drete"

da "Light my Fire" di Franco Marchetta

"voltarin infin, par scurtâ la strada, a dreta, lontan dal cjampanili isolât di Sant Pieri"

da "Il me paîs" di Federigo Comelli

voltâ v.intr.
(vol-tâ)

Cambiâ di aspiet, forme, sostance, nature e v.i.

sinonimi

voltâsi, cambiâ, mudâ

esempi

"une robe cussì biele no podeve durâ. E di fat no je durade; e je voltade"

da "I furlans e la Vite Catoliche" di Riedo Pup

monolingue