Hai cercato la parola
monolingue
Torna indietro

monolingue

vuardâ v.tr.
(vuar-dâ)
Tignî sigûr di pericui o di alc di negatîf
sinonimi
protezi, difindi
esempi
"parcè ise une famee, se no à di viodi de fiolance, se no à di menâ par man i fruts tant che a imparin a cjaminâ te vite, se no à di vuardâju dai pericui?"
da "Lis predicjis dal muini" di Josef Marchet
"preìn il Signôr che nus vuardi lui"
da "Trê feminis" di Gianni Gregoricchio
"il gnûf malan al veve vuardât i politics de rabie de int che e stave pierdint la pazience"
da "Cuintristorie dal Friûl dal 1866 fint in dì di vuê" di Francesc Placerean
vuardâ v.tr.
(vuar-dâ)
Tignî di cont, conservâ
sinonimi
tignî cont, travuardâ, vuardiâ, salvâ
esempi
"chês tredis cjartis di dîs mil da la une [...] lis veve cjapadis lui [...]: capitâl di vuardâlu plui de salût, e di staronzâlu un pôc a la volte cul timp a lâ"
da "La vacje" di Meni Ucel
"[lis santis] a jerin passadis tra lis mil tentazions dal mont vuardant la lôr purece"
da "Otavari a Madone" di Meni Ucel
"cheste fraternitât tignìnle; vuardìn i nestris valôrs"
da "Si savarìn a dî fra dîs agns!" di Francesc Placerean
vuardâ v.intr.
(vuar-dâ)
[BF] Stâ atents che nol sucedi alc, soredut di no fâ o di no dî alc
sinonimi
viodi, cjalâ
esempi
"jo us al dîs a vô fantatis, / se no sês in promission, / vuardait ben, no fait lis matis"
da "II, 72" di Ermes di Colorêt
proverbi
"cui che al vuarde la sô vite al vuarde un grant cjistiel"
"dai amîs mi vuardi jo, dai nemîs mi vuardi Gjo"
"dai nemîs mi vuardi jo, dai amîs mi vuardi Gjo"
"Diu nus vuardi dai scalçs di piore e des scuarnassadis di cai"
"Diu nus vuardi dal sut tra lis dôs madonis"
"Diu nus vuardi des scuarnassadis di cai"
"Diu nus vuardi di piês che mâl a 'nd è avonde"
"Diu nus vuardi di un bon Zenâr par podê jemplâ il granâr"
"Diu nus vuardi simpri dal sut"
"i fruts e i mats a àn simpri l'agnul custodi a vuardâju"
"il Signôr nus vuardi dai invidiôs"
"il Signôr nus vuardi dai scalçs di zupet"
"il Signôr nus vuardi des tristis lenghis"
"la femine di mâl fâ, al è dut dibant di fâle vuardâ"
"Sante Barbare benedete vuardaitnus dal ton e de saete"
"Sante Barbare e Sant Simon vuardaitnus dal lamp e dal ton"
"vuardilu ben, vuardilu dut: l'om cence bêçs tant che al è brut"
Torna in Cima