Tu âs cirût la peraule
bilengâl monolengâl
Tu âs cirût la peraule
bell'e
torne indaûr

bilengâl

bell'e
  • 1

    loc.av. biel che, biel, biel e, bielzà Copie

    [CO] (cun daspò un adi., al pant la conclusion di une azion)
    i biglietti sono bell'e finiti = i biliets a son biei e finîts
    il danno è bell'e fatto = il dam al è biel fat
    il treno è bell'e partito = il tren al è biel che partît

locuzions

    alla bell'e meglio
  • a la mancul piês, a la buine di diu, un tant al braç, a la miei cu sei, a la buinace, a la miôr cu sei, a la carlone, a sanfassonCopie
    [CO] (cence tante precision)
    un articolo arrangiato alla bell'e meglio = un articul argagnât sù a la mancul piês
    • bell'e buono
  • biel e bon, cence spine ni vues, di pês e di misure, spacât, patocCopie
    (propit tâl)
    un inganno bell'e buono = un ingjan spacât una bugia bell'e buona = une bausie cence spine ni vues

monolengâl

biel adi.
Che al à un aspiet gradevul, che al plâs
sinonims
deliziôs, di incjant, gradevul, ninin, plasevul
esemplis
"une fantate bielonone, alte, fate ben, rosse di cjavei"
gjavât fûr di "Evelin" di Gianfranco Pellegrini
"il dissen dal puint di trê arcadis su la Save al spiche mai tant biel e lizêr tal sflandôr dai lusôrs"
gjavât fûr di "Storie di Min" di Ivano Urli
"une motociclete di no si sa tropis mans, ma biele e sflandorose"
gjavât fûr di "Il svol dal Falcone" di Antescûr
biel adi.
Che al da o che al à dât buinis sensazions
sinonims
plasint, plasevul
esemplis
"e je une biele serade parcè che i vecjos a son lâts a durmî e jo e gno cusin o podìn viodi bessôi la tele"
gjavât fûr di "Eurocontest" di Checo Tam
"la mê veture e je modeste, ma e sarà une biele gjite"
gjavât fûr di "I forescj" di Alan Brusini, Gian Paolo Linda
"i vignivin iniment i biei moments di cuant che al jere frut"
gjavât fûr di "Gjoldiments forescj" di Checo Tam
biel adi.
Positîf, bon
sinonims
bon, positîf, favorevul
esemplis
"sêstu content parcè che tu âs cjapât un biel vôt a scuele?"
gjavât fûr di "Il zûc de emozions" di Erika Adami
biel adi.
Dal timp atmosferic, seren, bon
sinonims
bon, seren
esemplis
""Il tramontan al à puartât biel timp" mi dîs cjalant par aiar"
gjavât fûr di "I forescj" di Alan Brusini, Gian Paolo Linda
"la Primevere sul principi biele, / darà fûr sul sierâ cualchi schinele"
gjavât fûr di "Pronostic del 1836" di Pieri Çorut
biel adi.
Grant di cuantitât, intensitât, cualitât e v.i., ancje di robis no positivis
sinonims
grant, grues, bondant, notevul
esemplis
"a mangjarin in presse un biel plat di macarons parom"
gjavât fûr di "I macarons" di Meni Ucel
"une biele sume"
gjavât fûr di "Eivissa mon amour" di Fabian Ros
"al po puartâ a cjase biei bêçs"
gjavât fûr di "Mabile la Lunghine" di Maria Forte
"e à di vê fat une biele fadie a tirâle sù"
gjavât fûr di "Madalene" di Franco Marchetta
biel adi.
Caraterizât di robis buinis, di prosperitât, di fortune (fig.)
sinonims
di buine vignude, favorevul, fortunât, gaiôs, gjubiâl, positîf, propizi, seren
esemplis
"i gjenitôrs a progjetavin par lui un biel avignî"
gjavât fûr di "I biei voi di Baldin" di Gianfranco Grion
biel adi.
Zentîl, creançôs
sinonims
bon, cortês, cortesan, creançôs
esemplis
"jo mi soi contentade di fâti une cualchi osservazion cun biele maniere"
gjavât fûr di "Vieri e gnûf" di Pieri Piçul
biel adi.
Bon, nobil daûr de morâl
sinonims
bon, just, nobil
esemplis
"l'amôr al è il sintiment plui biel di chest mont"
gjavât fûr di "Trê feminis" di Gianni Gregoricchio
" i lavôrs a tornaran a vuestre utilitât, e o varês dât un biel esempli di solidarietât e di patriotisim"
gjavât fûr di "La aghe da pît la cleve" di Dino Virgili
biel adi.
Cun valôr enfatic e infuarcitîf, ancje in costruzions che a puedin valê di superlatîf
esemplis
"Pre Checo al veve zirade la letare a pre Antoni Beline, che i rispuindeve cuntun document biel lunc"
gjavât fûr di "Memoriis di politiche linguistiche" di Adrian Cescje
"Par me la rispueste e je un biel no! "
gjavât fûr di "Il cjâf dai furlans" di Franc Fari
"un cartel scrit in stampatel, biel in grant"
gjavât fûr di "Il dint" di Angelo Covazzi
biel adi.
Prime di un infinît sostantivât, par dî che al è dibant o che al domande fadie
esemplis
"tal doman so pari al veve un biel clamâlu par puartâlu cun se"
gjavât fûr di "Par stradis lungjis" di Alan Brusini
biel adi., av.
Prime un participi, in câs ancje in costruzion cun "che", al pues pandi o dâ plui enfasi ae conclusion di une azion
sinonims
za, bielzà, benzà, aromai, zaromai
esemplis
"mi jeri biel rassegnât a fâ la mê talpinade dopo di vê cjapât cumiât definitîf de mê tiere e de mê int "
gjavât fûr di "Sant Jacum, là che al finìs il mont" di Antoni Beline
"ta chel soreli che al nase di Viarte, cun chei morârs di fuee za biel che nassude"
gjavât fûr di "La furlane" di Dolfo Zorzut
biel adi.
Che al è muart
sinonims
puar, biât
esemplis
"tal armâr a son ancjemò duj i vistîts di biel so fi, no je rivade a dâ vie nuie"
biel s.m.
Dome sing., ce che al à valôr dal pont di viste estetic, cualitât di ce che al vâl dal pont di viste estetic
sinonims
bielece
esemplis
"Zuan al infondà i stivai in chel fof cence sintî dut il biel di chê mondisie e cussì al segnà la prime ferade"
gjavât fûr di "La tiere di Lansing" di Maria Forte
"si smaraveà che une frutate cussì biele, di un biel che al resisteve ancje ai vistîts taiâts mâl e cence l'aiût di un bordin, i fos passade dongje par tant timp cence che lui, scuasit, si fos inacuart di jê"
gjavât fûr di "Cjase di Dalban" di Maria Forte
biel s.m.
Dome sing., aspiet positîf
sinonims
bon
esemplis
"il biel dal caratar di Nedo al jere propit chest so rivâ a gloti ogni marum"
gjavât fûr di "Trê feminis" di Gianni Gregoricchio
biel s.m.
Persone di aspiet gradevul
esemplis
"il biel di borc"
gjavât fûr di "La aghe da pît la cleve" di Dino Virgili
biel s.m.
La persone che si ame
sinonims
inamorât, morôs, zovin, fantat
esemplis
"e cîr ogni pretest par cjatâsi cul so biel"
gjavât fûr di "Co l'amôr al cimie" di Costantino Smaniotto
"no viodevi la ore di viodi la mê biele e bussâle"
gjavât fûr di "Jo e Graziella" di Mario Beltramini
biel s.m.
Dome sing., timp meteorologjic cun soreli e cence perturbazions
sinonims
biel timp, bon timp, seren
esemplis
"a son stâts doi dîs di biel e daspò e je tornade la ploie"
biel av.
Devant di un verp tal gjerundi al infuarcìs il sens di contemporaneitât
esemplis
"biel tornant da la Ongjarie / le cjatai sul lavadôr / bandonai la compagnie / mi metei a fâ l'amôr"
gjavât fûr di "" di Popolâr
"lui al rispuint biel lavorant cence fermâ la scove di sanzit"
gjavât fûr di "Fadie come ale" di Maria Forte
biel av.
Cun valôr temporâl, cul stes sens di bielzà
sinonims
bielzà, benzà, za, zaromai, aromai, di za
esemplis
"e sintì a sunâ cjampanis, e cjalà l’orloi, al jere biel misdì, e veve di lâ a viodi dal gustâ"
gjavât fûr di "Fûr di timp" di Jolanda Mazzon
biel inter.
In escl., par pandi contentece
sinonims
ben, oro
esemplis
""O ai propit cjatât il libri che tu cirivis" "Biel! Puedistu prestâmal?""
detulis
"a fantate biele, brut fantat"
"biel il timp; e je la int che e je carogne"
"biele la vacje, biel il vidiel"
"bielis peraulis e cjatîfs fats a incjanin savis e mats"
"brut di piçul, biel di grant; biel di piçul, brut di grant"
"brut in fasse, biel in place; biel in fasse, brut in place"
"chês che a mangjin crostis e lat, no cjataran un biel fantat"
"cu lis bielis peraulis e i bruts fats si ingjane savis e mats"
"cu lis bielis peraulis no si jemple la panze"
"cualchi volte cui che al à il plui biel tasê, al cjacare"
"cui che al à il plui biel tasê, plui al fevele"
"cui che al è di biele forme in avrîl al torne"
"cui che si conserve al conserve un biel cjistiel"
"dal dâ al vê e passe une biele diference"
"di gnûf dut al è biel"
"di une brute scarpe no vignarà mai fûr une biele çavate"
"dulà che si passe la etât biele ogni piere a fevele"
"i bêçs siei a son i plui biei"
"i fruts a àn gust di dî: pari gno bon e no pari gno biel"
"i fruts no disin papà biel e mame biele ma a cjalin se a 'nd è te scudiele"
"i fruts no disin: pari biel, mari biele; ma: dami alc in te scudiele"
"il biel e il bon a jemplin la bocje"
"il biel e il bon al plaseve une volte"
"il biel e il bon i plâs a ogni mincjon"
"il biel e il bon ur plâs a ducj"
"il biel ur plâs a ducj"
"il dì plui biel de vite al è cuant che si purcite"
"il fûc fin che al è sclâf al è biel e bon, ma vuai a lassâlu deventâ paron"
"il fum al va a riviel, al va dongje dal plui biel"
"il mont al è biel parcè che al è variabil"
"il mont al è biel parcè che al è variât"
"il mont al è biel pe sô varietât"
"il mont al è simpri biel par cui che lu sa cjoli"
"il plui biel tesaur e je la salût"
"la femine dal mulinâr e ten simpri un biel gjalinâr"
"lauditi cjan che tu âs une biele code"
"lavôr mieç fat al è biel finît"
"lis belecis a fasin plui biel"
"mai laudâ il biel dì prin di sere"
"miôr une buine femine che no une biele cjase"
"nol è biel ce che al è biel, al è biel ce che al plâs"
"nol pâr mai tant biel che a cjase so"
"ogni biel bal al stufe, ogni bon pan al fâs la mufe"
"ogni biel zûc al stufe, ogni bon pan al fâs la mufe"
"ogni biele rose a va in fen"
"ogni mincjon al sa lâ pal biel timp"
"pan e vin al fâs nassi un biel fantulin"
"par che e vegni biele ue e biele blave a vuelin cjantadis lis implorazions de ciale"
"par cognossi il biel, bisugne viodi il brut"
"par ogni uciel il so nît al è biel"
"par vê biele la blave bisugne arâ di bessôi"
"piçule magle e ruvine un biel tapêt"
"se al sta ben l'anel, marît biel"
"sorc biel in jerbe, brut in panole"
"su di un biel porton al pâr bon un biel batel"
"Tarcint, biel il paîs, triste la int"
"un biel predicjâ il dizun a panze plene"
"un biel tasê nol fo mai scrit"
"une biele scarpe a fâs une biele çavate"
torne sù
torne sù