Tu âs cirût la peraule
bilengâl monolengâl cognons
Tu âs cirût la peraule
bene
torne indaûr

bilengâl

bene av., inter.
  • 1a

    av. bon Copie

    (in frase negative cul verp 'stare', jessi mâl)
    non sta bene parlare così = nol pâr bon fevelâ cussì

    av. ben Copie

    [FO] (in mût just rispiet a di un criteri morâl, pratic o tecnic o altri)
    funzionare bene = funzionâ ben
    lavorare bene = lavorâ ben
    pulire bene = netâ ben
    ragionare bene = resonâ ben
    studiare bene = studiâ ben
  • 1b

    av. ben Copie

    [FO] (in mût curât e atent)
    contare bene = contâ ben
    stare bene attento = stâ ben atent

    av. ben Copie

    (in mût creançôs e zentîl)
    rispondere bene = rispuindi ben
    trattare bene gli altri = tratâ ben chei altris
  • 1c

    av. ben Copie

    [FO] (in mût plasevul)
    passare bene una giornata = passâ ben une zornade
    pranzare bene = gustâ ben
    riposare bene = polsâ ben

    av. ben Copie

    (in mût biel, esat)
    il disegno è venuto bene = il dissen al è vignût ben

    av. ben Copie

    (a proposit)
    con quel medico sono capitato bene = cun chel miedi o soi colât ben

    av. ben Copie

    (in loc. pragm., te maniere miôr)
    ben che vada siamo in pari = ben che e ledi o sin a pâr
  • 1d

    av. ben Copie

    [FO] (in buinis cundizions di salût psicofisiche)
    sentirsi bene = sintîsi ben
    stare bene = stâ ben
  • 1e

    av. ben Copie

    [FO] (in mût favorevul)
    mi hanno parlato bene di te = mi àn fevelât ben di te
    pensare bene di qcn. = pensâ ben di cdn.
  • 1f

    av. ben Copie

    [FO] (cun abilitât)
    cantare bene = cjantâ ben
    fare bene da mangiare = fâ ben di mangjâ
    giocare bene a calcio = zuiâ ben di balon
  • 1g

    av. ben Copie

    [FO] (in mût vantazôs)
    all'esame scritto sono andato bene = tal esam scrit o soi lât ben
    gli investimenti sono andati abbastanza bene = i invistiments a son lâts avonde ben

    av. ben Copie

    (tant)
    gli investimenti hanno reso bene = i invistiments a àn reonât ben
  • 1h

    av. ben Copie

    [FO] (spec. cun verps di percezion tant che 'capire', 'vedere', 'sentire' e v.i., in mût perfet, esat, just)
    guardare bene = cjalâ ben
    non ho capito bene = no ai capît ben

    av. ben Copie

    (pleonastic)
    ti ricorderai bene di ciò che ti ho detto! = tu ti visarâs ben di ce che ti ai dite!
    verrà ben il momento della rivincita = al vignarà ben il moment di rifâsi
  • 2

    av. biel, ben Copie

    [FO] (infuarcitîf o enfatic)
    sono ben pronto = o soi biel pront
    speriamo bene! = sperìn ben!

    av. tant, une vore Copie

    (tant)
    ben presto verrò a trovarti = une vore in curt o vignarai a cjatâti
    la situazione è ben più grave = la situazion e je tant plui serie

    av. fin, fintremai Copie

    (denant di cuantitâts, tant che infuarcitîf)
    ha vinto ben otto gare = al à vinçût fintremai vot garis
    ho fatto in bicicletta ben trenta chilometri = o ai fat in biciclete fintremai trente chilometris
  • 3

    av. ben Copie

    [FO] (par esclamâ o pandi aprovazion)
    Bene! Bis! Bravo! = Ben! Bis! Brâf!

    av. ben Copie

    (ancje iron.)
    cominciamo bene! = o tachìn ben!

    av. bon, ben, po ben Copie

    (par rompi o tacâ un discors)
    bene, adesso cosa facciamo? = bon, cumò ce fasìno?
    bene, hai finito? = po ben, âstu finît?

    av. bon, ben Copie

    (par pandi acuardi)
    "Ne riparliamo domani?" "Bene!" = "Tornìno a fevelâ doman?" "Bon!"
  • 4

    av. sù, siôr Copie

    [CO] (in funzion di adi.inv., di alt nivel sociâl)
    è fuori stasera tutta la Udine bene = e je fûr usgnot dute la Udin sù
    i quartieri bene = i cuartîrs siôrs oppure sù

locuzions

    a fin di bene
  • a fin di ben, par fin di benCopie
    [CO] (cun buinis intenzions)
    ha sbagliato, ma agiva a fin di bene = al à falât ma al faseve par fin di ben
    • alla bene e meglio
  • [CO] (cjale alla bell'e meglio)
    • ben bene
  • ben e no mâl, ben ben, pulîtCopie
    [CO] (une vore ben)
    lo ha sgridato ben bene = i à cridât ben e no mâl prepararsi ben ben = preparâsi ben ben
    • bene accetto
  • [BU] (cjale beneaccetto)
    • bene amato
  • [BU] (cjale beneamato)
    • bene di fortuna
  • ben di fortuneCopie
    [CO] (ricjece patrimoniâl)
    • bene immobile
  • ben imobil, imobilCopie
    [CO], [TS] econ. (proprietât che no si pues trasmudâ tant che cjasis e tieris)
    • bene in arnese
  • ben di sacheteCopie
    [CO] (in buinis cundizions economichis)
    un signore bene in arnese = un siôr che al sta ben di sachete
  • in gjambe, che al pâr bonCopie
    (che al à un biel aspiet)
    un anziano ancora bene in arnese = un anzian ancjemò in gjambe
    • bene in carne
  • ben in cjar, tarondutCopie
    [CO] (taront, no magri e avonde grassut)
    una donna bene in carne = une femine ben in cjar oppure tarondute
    • bene intenzionato
  • [BU], [TS] (cjale benintenzionato)
    • bene o male
  • ben o mâlCopie
    [CO] (intun mût o in chel altri)
    bene o male siamo arrivati = ben o mâl o sin rivâts
    • fare bene
  • fâ ben, confâCopie
    [CO] (zovâ ae salût)
    le vacanze ci possono solo far bene = lis vacancis a puedin dome confânus un po' di riposo ci fa bene = un fregul di polse nus fâs ben
    • fare del bene
  • fâ benCopie
    [CO] (beneficâ, fâ caritât)
    chi fa del bene ha bene = cui che al fâs ben al cjate ben dedica la vita a fare del bene = al avode la vite a fâ ben
    • farsela bene
  • passâse benCopie
    [CO] (gjoldise)
    te la fai bene = tu te passis ben oppure ti va ben a ti
    • mettere bene
  • meti pâs, cuietâCopie
    [CO] (cirî di no fâ barufâ)
    mettere bene tra moglie e marito = meti pâs tra om e femine
  • lâ ben, comodâ, convignîCopie
    [CO] (vignî bon)
    ti mette bene se ci vediamo domani = ti vadie ben se si cjatìn doman?
  • lâ in miôr, butâ benCopie
    (miorâ)
    la situazione mette bene = la situazion e va in miôr
    • nota bene
  • note benCopie
    [CO] (note zontade par segnâ un particolâr impuartant)
    • opera di bene
  • [CO] (cjale opere di carità)
    • pace e bene
  • pâs e ben, ben us vegniCopie
    [CO] (auguri cristian di felicitât e pâs)
    pace e bene a voi, fratelli = pâs e ben a voaltris, fradis
    • portare bene gli anni
  • puartâ ben i agns, puartâju benCopie
    [CO] (someâ plui zovins di ce che si è)
    ha settant'anni ma li porta bene = al à setante agns ma ju puarte ben
    • predicare bene e razzolare male
  • predicjâ blanc e fâ neri, dî blanc e fâ neri, fevelâ ben e rondolâsi mâlCopie
    [CO] (insegnâ une robe e fâ il contrari)
    • prendere bene
  • cjapâ ben, cjolile in dolç, cjapâle in dolçCopie
    [CO] (reagjî ben)
    era una notizia dura, ma per fortuna l'ha presa bene = e jere une gnove grivie, ma par fortune le à cjapade ben
    • sommo bene
  • Ben SupremCopie
    [CO] (par anton., spec. cun iniz. maiusc., titul di Diu)
    • trattare bene
  • tignî di contCopie
    (doprâ cun scrupul)
    tratta bene le mia roba = ten di cont la mê robe
  • tratâ benCopie
    [CO] (puartâsi ben cun cdn.)
    trattalo bene che è un mio amico = tratilu ben che al è un gno amì
    • trovarsi bene
  • cjatâsi benCopie
    (jessi apaiât)
    ho provato quella marca e mi sono trovato bene = o ai provât chê marche e mi soi cjatât ben
  • cjatâsi benCopie
    [CO] (stâ ben intune circostance o intune compagnie o altri)
    trovarsi bene col nuovo lavoro = cjatâsi ben cul lavôr gnûf
    • va bene
  • po ben, va ben, va bon, ben, bonCopie
    [CO] (rispueste positive)
    • volere bene
  • volê ben, volê bonCopie
    [CO] (vê afiet, amôr par cdn.)
    davvero, ti voglio bene = pardabon, ti vuei ben oppure ti vuei bon
    • volere un bene dell'anima
  • volê un ben di viteCopie
    [CO] (volê tant ben che mai)
    vuole un bene dell'anima ai suoi figli = e vûl un ben di vite a siei fîs
    • volersi bene
  • volêsi ben, volêsi bonCopie
    [CO] (vê rispiet e cure di se stes)
    oggi mi voglio bene, mi prendo un giorno di riposo = vuê mi vuei ben, mi cjapi une dì di polse
  • volêsi ben, volêsi bonCopie
    (vê sintiments di amôr un cun chel altri)
    se ci si vuole bene si risolve insieme qualsiasi problema = se si vuelisi ben si juste insiemi cualsisei probleme
    • volersi un bene dell'anima
  • volêsi un ben di viteCopie
    [CO] (volêsi une vore di ben)
    litigano spesso ma si vogliono un bene dell'anima = a barufin dispès ma si vuelin un ben di vite

monolengâl

bon adi.
Che si caraterize pal ben, che al puarte al ben morâl, che al è stimât ben daûr di une leç morâl comune
sinonims
biel, degn, degnevul, dret, just, morâl, nobil, onest, virtuôs
esemplis
"une glesie che e va masse dacordo cul Stât no po jessi une glesie buine"
gjavât fûr di "La Glesie e à di lassâ i popui come che a son e fâur di levan seont la lôr paste" di Francesc Placerean
"si tratisi cun creance, si à cure di praticâ la morâl e di dâ bogns esemplis"
gjavât fûr di "Int di masnade" di Alviero Negro
bon adi.
Che al è sensibil al ben di chei altris, che al è pront a judâ
sinonims
biel, brâf, cjâr, di bon cûr, ninin, uman
esemplis
"vignî a preâ, a dî gracie a Diu, a chel Bon Diu, par chel che nus à fat e a domandâi il coragjo pal avignî"
gjavât fûr di "Di ducj i dons dal Spiritussant, cumò al covente il don dal coragjo" di Francesc Placerean
"sperâ tune buine brût o tun bon nevôt"
gjavât fûr di "I furlans e la pension" di Riedo Pup
"mê none, puare e buine viele, che mi voleve un ben di vite"
gjavât fûr di "Agnulat" di Pieri Menis
bon adi.
Che al cîr la ligrie, che al vûl viodi dome lis robis bielis de vite
sinonims
biel, compagnon, di compagnie, legri, seren, socievul
esemplis
" san e fuart tant che un zovin, abenât, di bon caratar, se no nol varès resistût cun chê mari che al à vût"
gjavât fûr di "Cretevierte" di Roberto Ongaro
bon adi.
Che al sta cuiet e che al ubidìs
sinonims
brâf, cidin, cuiet, dissiplinât, mugnestri, seren, ubidient
esemplis
"a sedis agns, Menie e jere brave e buine come dutis lis fantatis"
gjavât fûr di "La mulinarie" di Catarine Percude
bon adi.
Di bestie, che e ubidìs, che no je agressive ni pericolose
sinonims
dumiesti, miesti, cuiet, lemit, mugnestri
esemplis
"i bûs a lavin indenant simpri cun chel bot [...] il Biso al jere bon, ma un pôc maturli"
gjavât fûr di "L'avôt" di Maria Forte
bon adi.
Che al promet ben
sinonims
biel, bon v
esemplis
"se e ves ridût di gust - al saveve - al sarès stât bon segn: lis feminis a fasin cussì, cuant che a vuelin dâti strade libare"
gjavât fûr di "Il svol dal Falcone" di Antescûr
bon adi.
In formulis di salût e di auguri, par bramâ fortune, felicitât, serenitât, sucès e v.i.
esemplis
"«Alore buine gnot». «Buine. E bon viaç»"
gjavât fûr di "Prime di sere" di Carlo Sgorlon
"«Mandi frutats… viodêt di volêsi simpri ben e buine fortune… »."
gjavât fûr di "Chei di Muraie" di Pieri Menis
"buinis fiestis! bon principi! bon an! ogni ben! Dut un incrosâsi di salûts e di auguris"
gjavât fûr di "Bastarès fâ Nadâl dut l'an" di Riedo Pup
bon adi.
Che al conven, favorevul, che al permet di vê risultâts positîfs, tant a nivel economic che in altris cjamps
sinonims
convenient, biel, just
esemplis
"o ti fâs un bon presit"
gjavât fûr di "Il Crist sclagn" di Novella Cantarutti
"al à cjatât un bon puest intune fabriche di Lucerne"
gjavât fûr di "Il dolfin" di Carlo Sgorlon
"al jere il moment bon par chel gjenar di cumierç"
gjavât fûr di "Prime di sere" di Carlo Sgorlon
"un bon compromès a pro dai lavoradôrs"
gjavât fûr di "Acuardi firmât pal Compart Unic regjonâl" di Redazion Radio Onde Furlane
"une oportunitât cetant buine par fâ sisteme"
gjavât fûr di "Partît il tren des lenghis" di Erika Adami
"chel che di miôr si podeve fâ al jere otignî buinis cundizions dal nemì"
gjavât fûr di "Zuan Batiste Cavedalis - Une vite esemplâr" di Giovanni Pillinini
bon adi.
Grant di numar, dimension, intensitât, impuartance e v.i.
sinonims
grant, grues, biel, bondant
esemplis
"chei altris doi fradis - Vigji e Bepo inmò vedrans - a jentrarin sot paron, a Gjenue, e a fasevin bogns bêçs"
gjavât fûr di "La division" di Dino Virgili
"beneficiaris di buinis grepiis e di comudis poltronis "
gjavât fûr di "Cjalâ plui inlà" di Josef Marchet
"par scrivi la seconde redazion e je coventade par fuarce une buine dade di timp"
gjavât fûr di "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin
bon adi.
Che al rive dal sigûr a une cierte misure e che ancje le passe
sinonims
bondant
esemplis
" in chel an, la tiere inglaçade un bon metro, e je stade la murie dai farcs"
gjavât fûr di "Cercandui" di Alan Brusini
"chel fracàs al à durât une buine miezore; po si è bonât"
gjavât fûr di "La vuere sul Freikofel" di Pieri Menis
"al mancje ancjemò un bon cuart di zornade"
gjavât fûr di "Pe bocje si scjalde il for" di Catarine Percude
bon adi.
Che al sa fâ ben la sô ativitât
sinonims
babio, bulo, competent, dret, espert, in gjambe, valent, brâf, pratic
esemplis
"a vevin propit dibisugne di un bon fari, pratic di tempare"
gjavât fûr di "Il muc" di Roberto Ongaro
bon adi.
Che al à la capacitât di fâ alc
sinonims
paron, siôr
esemplis
"jo no soi bon di fâ miracui"
gjavât fûr di "Lis scuelis e la nêf" di Pieri Somede dai Marcs
"fruts che a cognossevin e a savevin dut di plantis, di uciei, di stagjons, di lunis e di soreli. Bogns di fâ ducj i lavôrs; di inzegnâsi a comedâ cualsisei imprest; di orientâsi e di puartâsi fûr in dutis lis dificoltâts"
gjavât fûr di "I furlans e i frutins" di Riedo Pup
"la psiche e je buine di scancelâ o ridusi il dolôr parcè che la spiete e pues regolâ la ansie"
gjavât fûr di "Neurosiencis dal dolôr" di Franc Fari
"se tu sês bon di tignî un grant segret, ti fâs viodi une robe"
gjavât fûr di "La salamandrie tal fûc" di Carlo Tolazzi
bon adi.
Che al è in cundizion di fâ ben la sô funzion
esemplis
"al tirà fûr une cjarte, si sigurà che il penin al jere bon, po al butà jù dôs riis di scriture"
gjavât fûr di "La tiere di Lansing" di Maria Forte
bon adi.
Che al va ben, che al funzione, che al à une utilitât, in gjenerâl o par une situazion o ativitât specifiche
sinonims
adat, adatât, just
esemplis
"il cjaval al jere bon pai naulis e par tignî sù la sô braùre"
gjavât fûr di "Il Bulo di Crodio" di Maria Forte
"sirop di rosis di saût, tant bon par gjavâ la sêt"
gjavât fûr di "Une regjon di cerçâ" di Sandri Carrozzo
"l'esperanto al ven considerât [...] come imprest bon par fermâ l'imperialisim linguistic"
gjavât fûr di "Il lunari mai jessût - Tellini te prime vuere mondiâl" di Donato Toffoli
bon adi.
Che al è di alte cualitât, che al à carateristichis tecnichis di nivel alt
sinonims
preseât
esemplis
"otignî un bon prodot e di fâlu cognossi al public"
gjavât fûr di "Pachyderm a Tumieç: breis artigjanâls su ruedis" di Marta Vezzi
"a la base di dut e reste la professionalitât te comunicazion e la cussience che no baste une buine grafiche a fâ un bon messaç"
gjavât fûr di "Comunicâ la autonomie" di Sandri Di Suald
bon adi.
Di savôr, di odôr o di ce che al à odôr e savôr, che al plâs
sinonims
deliziôs, gustôs, saurît, scuisît
esemplis
"si metè a mangjâ di gust chel bon pan e ardiel"
gjavât fûr di "Il mierli" di Angelo Covazzi
"il vin bon no tu lu fasis te cantine, ma su la plante"
gjavât fûr di "Il paleontolic dal vin furlan" di Redazion il Diari
"la cjase e je adalt, tal soreli, travanade dal bon odôr de polente cuete e dal fum"
gjavât fûr di "In scolte..." di Dino Virgili
bon adi.
Di alc, plui di valôr o plui elegant di ce che si dopre ogni dì
sinonims
di fieste
esemplis
"la int e veve dome une mude buine e e stentave a tirâ indenant"
gjavât fûr di "Prime di sere" di Carlo Sgorlon
bon adi.
Che al à efiet, validitât, atualitât
sinonims
valit
esemplis
"cualchi conclusion aromai e je passade, cualchi altre e podarès jessi calcolade ancjemò buine"
gjavât fûr di "Rotgaut e la politiche furlane langobarde" di Sandri Carrozzo
"al è simpri bon l'invît che o vevin fat"
gjavât fûr di "25 di Avrîl: Fieste de Liberazion, Fieste dal Friûl" di Marc Stolf
bon adi.
Che al à par fonde elements sigûrs o almancul coerents
sinonims
ciert, just, justificât, legjitim, motivât, provât, salt, sigûr, valit
esemplis
"il fat che tal cjâf di cualchi politic talian e esisti (ancjemò…!!!) cheste presumude distinzion [tra "minorancis nazionâls" e "comunitâts regjonâls"] nol è un bon motîf ni par crodi [...] che cheste vision ideologjiche e sedi la realtât"
gjavât fûr di ""Minorancis nazionâls" e "comunitâts regjonâls". «Continuiamo così, facciamoci del male»" di Marc Stolf
bon adi.
Che al è in salût, in fuarce
esemplis
"il Çuet al puartà incà la gjambe di fier, si infrontà sun chê buine [...] e al jevà sù"
gjavât fûr di "I zimuluts dal Çuet" di Riedo Pup
"dincj bogns usâts a mastiâ lops"
gjavât fûr di "Il bal spasimât des ombrenis" di Maria Forte
bon adi.
Che al fâs o che al pues fâ ben pe salût
esemplis
"cu la buine pratiche cuotidiane di fâ ativitât fisiche, une diete adate, belançade e svariade, e je un bon imprest par prevignî o par curâ miôr o par sopuartâ cun plui facilitât ciertis malatiis"
gjavât fûr di "Mangje san 1" di Guglielmo Pitzalis
"fûr de tende, a respirâ aiar bon – al veve pensât – che almancul chel in mont nol mancje"
gjavât fûr di "Salvans su la Bivare" di Carli Pup
bon adi.
[CO] (med.) Di malatie, che e à une prognosi favorevule
esemplis
"un tumôr bon, che nol fâs metastasi"
bon adi.
Di timp meteorologjic, caraterizât di soreli, mancjance di perturbazion e temperaduris plasevulis
sinonims
biel
esemplis
"timp bon ma al podarès vignî cualchi temporâl"
gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador
bon adi.
Di batude o idee gustose, legre
esemplis
"a 'nd conte di chês che a son propit buinis!"
bon adi.
Che al à dutis lis carateristichis che a coventin par jessi considerât intune cierte maniere, intune cierte categorie
sinonims
vêr, autentic, patoc, sclet, brâf, rampit
esemplis
"di bon alpin, i plaseve il got e cualchi pipine di fieste le cjapave ancje lui"
gjavât fûr di "A jerin lagrimis" di Pieri Somede dai Marcs
bon adi.
Di persone, soredut femine, di aspiet che al plâs (pop.)
sinonims
biel
esemplis
""Âstu viodût chê more la?" "Buine!""
bon adi.
Al pues vê valôr enfatic o infuarcitîf, dispès dopo di un possessîf
esemplis
"une vore che e compuarte ancje jê la sô buine rate di strache"
gjavât fûr di "Storie di Vera" di Ivano Urli
"al calcolà a voli di nâs che al varès vût un bon ce fâ"
gjavât fûr di "Eivissa mon amour" di Fabian Ros
"se al si moveve un pôc di masse al cjapave cualchi bon pataf"
gjavât fûr di "La Madone dai siet dolôrs" di Pieri Somede dai Marcs
bon adi.
Tant che apelatîf di cortesie (enf.)
esemplis
"Us prei, buine femine, vignît cul frut che o vês te scune"
gjavât fûr di "Lis leiendis di Buie" di Pieri Menis
"Ce vêso bon om che o sês tant disperât? "
gjavât fûr di "Pipeta Sclagarot" di Andreina Nicoloso Ciceri
bon adi.
Soredut in critichis o espressions di rabie (antifr.)
esemplis
"al sindic - bon ancje chel! - e ai conseîrs i àn metût i bregons di un pieç"
gjavât fûr di "Lassait che mi sbrochi!" di Pieri Somede dai Marcs
bon s.m.
Persone di cûr, sensibile, pronte a judâ chei altris
esemplis
"che no stedin a fâ pierdi la pazience al bon e al tolerant"
gjavât fûr di "Di ducj i dons dal Spiritussant, cumò al covente il don dal coragjo" di Francesc Placerean
"ancje i bogns a àn alc di trist"
gjavât fûr di "Ligjeris, barabis e pacifiscj" di Riedo Pup
bon s.m.
Ce che al è indreçât al ben, che al è de bande dal ben, che intune cualsisei maniere al è positîf
esemplis
"no savêso che cuant che si fâs dut un misturot di bon e di trist (altri che unitât!), nol è il piês che al miore, ma al è il bon che al peiore "
gjavât fûr di "I furlans e l'ambient" di Riedo Pup
"no pierdi di voli ce che inte vite al è di biel e di bon"
gjavât fûr di "Storie di Min" di Ivano Urli
"la dibisugne di aurî al biel, al bon e al vêr"
gjavât fûr di "Pre Bepo Marchet" di Roberto Jacovissi
bon s.m.
Dome sing., aspiet, element positîf
sinonims
ben, biel
esemplis
"la gnove regjon e tentà di ingrumâ dut a Triest, puartant vie ai furlans dut ce che e podeve, cirint di fâ crodi che il bon al sarès vignût daspò"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
"[ancje se no ti capìs] il bon al è che o soi vignût achì juste par tratâ di capîti"
gjavât fûr di "Ricuarts e inlusions" di Enrico Martina
bon s.m.
Document che al da il dirit a cui che lu à, di vê un servizi, di ritirâ une robe o di scuedi bêçs, e v.i.
sinonims
cedule, ricevude
esemplis
"informazions par comprâ e doprâ i bogns pal gustâ"
gjavât fûr di "Il servizi di ristorazion scolastiche" di Aministrazion Publiche
bon inter.
Espression par rompi, par tacâ, par tornâ a cjapâ, par finî un discors (fam.)
sinonims
ben po, juste ben, po ben, ben, po bon
esemplis
"dopo no sai trop timp o tornai in me. Bon. O jeri san e salf"
gjavât fûr di "Sense" di Checo Tam
"bon, viôt di niçâti!"
gjavât fûr di "Grivôr" di Franca Mainardis
"“No ai nuie in contrari”. “Bon, alore e je robe fate”"
gjavât fûr di "Memoriis di politiche linguistiche" di Adrian Cescje
bon av., inter.
Tant che rispueste positive
sinonims
ben, sigûr, sì, va ben, va bon
esemplis
""Si viodìno doman tor cuatri dopomisdì?" "Bon""
detulis
"a bon intindidôr, pocjis peraulis i bastin"
"a bon vin no i covente frascje"
"a fâ bon pan, al vûl bon gran"
"a jessi masse bogns, si è tratâts di piore"
"a muerin simpri i plui bogns"
"a tignî i dincj denant de lenghe, al è simpri un bon consei"
"a tignî i dincj sierâts in bocje, al è simpri un bon consei"
"a vuelin trê robis par salvâsi: bon voli, buine gjambe e puarte vierte"
"al è bon il bon, ma il miôr al è miôr"
"al è bon no chel che al fevele ben ma chel che lu fâs"
"al è devot al bon e ancje al trist ladron"
"al vâl plui un bon consei che no une borse di bêçs"
"baste che si rivi, ogni strade e je buine"
"bisugne savê fâ il levan par vê bon pan"
"bogns i parincj, bogns i amîs, ma cuant che no 'nd è nuie a son ducj triscj"
"bon pe bocje, trist pe borse"
"bon scuedidôr, cjatîf paiadôr"
"buine bocje a fâs bon ardiel"
"ce che nol è bon par se, no fâjal a nissun"
"cent mistîrs, nissun di bon"
"chê persone che no ten la mortificade, no vignarà mai ni buine ni brave"
"cjapon al è simpri bon"
"cjar viere e fâs bon brût"
"cuant che il bon al mancje, il trist si met a vivi"
"cuant che il bon al mûr, il trist si mende"
"cuant che il bon al mûr, il trist si met a fâ judizi"
"cuant che si à fam, dut al è bon"
"cui bogns si fâs ce che si vûl, cui triscj miôr che si po"
"cui che al à bagnât al è ancje bon di suiâ"
"cui che al à bon nâs lis nase a la lontane"
"cui che al à bon vin in cjase nol va ta la ostarie"
"cui che al cognòs il mont e nol è bon al vîf di mincjon"
"cui che al è bon di robâ la vacje, al è ancje bon di zurâ che no le à robade"
"cui che al è trê voltis bon, al è mincjon"
"cui che al servìs Diu al à un bon paron"
"cui che al va e torne al fâs bon viaç"
"cui che al vûl une buine fantate che se fasi"
"cui che di lunis nol fâs tant che di domenie nol è nassût di buine femine"
"cui che nol è bon fi nol è bon marît"
"cui triscj bisugne fâ miôr che si po, cui bogns si fâs cemût che si vûl"
"cul bon fâs ce che tu vûs, cul trist ce che tu pûs"
"cul bon vin si fâs bon asêt"
"cul perdonâ ai triscj si puarte dam ai bogns"
"dal bon timp e de buine int no si stufisi mai"
"dal bon timp no si stufisi mai"
"dal bon vin al ven bon asêt"
"daspò dal bon timp e torne la ploie"
"daspò dal trist al ven il bon"
"daspò de ploie al torne il bontimp"
"di bogns proponiments al è plen cjadaldiaul"
"di zenâr al è bon il rovedâl"
"Diu al è un bon infant, al viôt e nol pant, al paie ducj e no si sa cuant"
"Diu nus vuardi di un bon Zenâr par podê jemplâ il granâr"
"dôs robis a son buinis daspò muartis: avâr e purcit"
"dûr cun dûr nol fâs bon mûr"
"dutis lis flôrs a son buinis fûr che chês dal vin"
"e vûl fam par savê ce che al è bon"
"farine blancje a fâs bon pan, tiere nere e fâs bon gran"
"fumate basse, bon timp e lasse"
"fumate basse, bon timp e lasse; fumate alte, al plûf cuant che i salte"
"fumate la sere, bontimp si spere; fumate la doman, la sere al è pantan"
"gjaline rosse e fâs bon brût"
"gjaline viere a fâs bon brût"
"i bogns bocons a tirin in malore"
"i bogns bocons ur plasin a ducj"
"i bogns che a vadin in paradîs in tiere no si sa ce fâ di lôr"
"i fruts a àn gust di dî: pari gno bon e no pari gno biel"
"i gjambars a son bogns in chel mês che al jentre l'ere"
"i rîs a son la mignestre plui buine e la plui triste"
"i rîs par che a sedin bogns a àn di valê un solt dal un"
"i uciei a son bogns chei dal bec zentîl"
"il bausâr al scuen vê buine memorie"
"il biel e il bon a jemplin la bocje"
"il biel e il bon al plaseve une volte"
"il biel e il bon i plâs a ogni mincjon"
"il biel e il bon ur plâs a ducj"
"il bon al crôt ducj bogns, il trist al crôt ducj compagns di lui"
"il bon al sta sul fonts"
"il bon formadi al è chel cu la gote"
"il bon i crôt a ducj, il trist al fâs ducj come lui"
"il bon marît al fâs buine la muîr"
"il bon non al ingrasse i vues"
"il bon soldât si lu cognòs in vuere"
"il bon vin nol à bisugne di frascje"
"il cjapon al è bon di ogni stagjon"
"il fûc fin che al è sclâf al è biel e bon, ma vuai a lassâlu deventâ paron"
"il mulin al è un bon cjamp e la glesie une grande famee"
"il necessari al è bon pardut"
"il pan dai altris, chel plui bon, al à siet crostis e chel plui dûr ind à nûf"
"il pari bon al dopre il baston"
"il pevar al è bon pal mâl di panze"
"il plui bon mus al cope il paron"
"il semenâ tart se al fâs bon prodot e je une sorte"
"il tegnôs al è come il purcit che al è bon dome daspò muart"
"il timp al è un bon testemoni"
"il trist al sparagne il bon"
"il trist che si fenç bon al è un grant baron"
"il vier al tache simpri il miluç plui bon"
"il vier al tache simpri il pom plui bon"
"il vin al è bon di Avrîl pûr e Mai temperât"
"il vin al fâs bon sanc"
"la buine cjar e fâs putrope sbrume"
"la buine dote le da il pari, la buine femine il Signôr"
"la buine fame a ingrasse i vues"
"la buine femine a fâs la cjase, la triste le disfâs"
"la buine femine e à di vê: braç di açâl, panze di furmie e lenghe scjampe vie"
"la buine muîr a fâs il bon marît"
"la buine robe no je mai cjare"
"la buine robe si laude da se"
"la cjar e ven buine cuant che e je frole"
"la cussience nete e je un bon cjaveçâl"
"la fam e je un bon cuincîr"
"la fam i da bon savôr al pan"
"la frascje biele no fâs buine la ufierte"
"la galere e la preson no fâs mai nissun di bon"
"la gnot e je un bon conseîr"
"la lenghe e je il plui bon bocon e il plui trist"
"la plui buine salse e je il pitic"
"la preson no fâs mai nissun di bon"
"la robe e je buine fûr di stagjon"
"la robe e je simpri buine cuant che si à fam"
"la vacje dal bon bovâr e bute jù il pêl il mês di Zenâr"
"lis disgraciis no fasin bon bevi"
"lis macis di Zenâr la buine filandere e à di parâlis a ponâr"
"lis madonis a son buinis chês che a son te nicje"
"lune sabidine di cent une buine"
"matrimoni bon, femine e om un pôc parom"
"miôr un trist marît che no un bon fradi"
"miôr une buine femine che no une biele cjase"
"ni dal bon timp ni de buine int no si stufisi"
"nissune gnove, buine gnove"
"no bisugne domandâi al ostîr se il vin al è bon"
"no bisugne fâsi fâ gole de robe a bon marcjât"
"no je mai stade ploie che il bontimp nol sei tornât"
"nuie al è bon pai voi"
"nûl lizêr la sere, bon timp si spere"
"ogni biel bal al stufe, ogni bon pan al fâs la mufe"
"ogni biel zûc al stufe, ogni bon pan al fâs la mufe"
"ogni farine no je buine par fâ ostiis"
"ogni puar om, al sa lâ pal timp bon"
"ogni scuse e je buine par tant che e tache"
"pal fat so, ognidun al è bon"
"par che al sedi bon il cafè a vuelin trê robis: cualitât, cuantitât e savêlu fâ"
"par distudâ il fûc ogni aghe e je buine"
"par fâ il fat so ognidun al è bon"
"par salvâsi a vuelin trê robis: bon voli, buine gjambe e puarte vierte"
"Pasche tafanie e je buine la luianie"
"ploie che e sune a mene bon timp"
"pôc e bon e plen un podin"
"pôc ma bon"
"ros la sere, bon timp si spere; ros la matine, la ploie e je vicine"
"se a Sant Bartolomiu al è bon timp, al è bon timp dute la vendeme"
"se al è bon timp a Sant Zorzon, siet bogns timps e un bon timpon"
"se al è bon timp il dì di Sant Zorzon, la vendeme a va benon"
"se al è bon timp il prin martars di lune, al è bon timp dute la lune"
"se il gjal al cjante daspò di misdì, il bontimp al è par finî"
"se il matrimoni al fos stât un bon sacrament, sal saressin tignût i predis"
"se si à voie di vê un bon poltron, bisugne mandâlu a scuele o a passon"
"se tu amis a son ducj bogns, se tu odeis a son ducj triscj"
"si da il bundì e il bon an daûr de persone"
"sta cul to avuâl se tu vûs fâ bon carnevâl"
"sul ultin dal marcjât si à la robe simpri a plui bon presit"
"tal torgul al è bon pescjâ"
"tiere nere a fâs bon pan, tiere blancje e fâs ledan"
"tiere nere e fâs bon gran, farine blancje a fâs bon pan"
"tiere nere e fâs bon gran, tiere blancje a lasse murî di fam"
"tiere nere e fâs bon gran, tiere blancje e fâs murî di fam"
"tiere rosse e fâs bon gran, tiere blancje a lasse murî di fam"
"trê voltis bon, al vûl dî coion"
"trops mistîrs, nissun di bon"
"un biel viodi al fâs bon crodi"
"un bon avocat al fâs passâ par cjan ancje il gjat"
"un bon consei cjolilu ancje di un cjalçumit"
"un bon vassiel di vin e une brave fantate si vendiju a cjase"
"un brâf om e un bon vassiel di vin a durin pôc"
"un pari al manten dîs fîs, dîs fîs no son bogns nancje di mantignî une mari"
"un pari al nudrìs dîs fîs e dîs fis no son bogns di mantignî il pari"
"un trist paiadôr, un bon scuedidôr"
"une buine polente e je un bon tapon pal stomi"
"une ore di bon soreli e suie plui di une lissie"
"vin, aghe e fûc a son bogns, se no si ju lasse deventâ parons"
torne sù

cognons

Benedét, Benedetti, Benedetto
Dal non di persone “Benedetto”. Intal Schedari Corgnali: 1299 Benedicto agoselario de Goud a Glemone; 1301 Iacobo f. q. Benedeti de Glemone; 1316 Benedicti fil. Iacometti a Cividât; 1318 Benedicto q. Savarissii a Puart; 1319 Benedicti q. Iacomati de Civitate; 1343 Benedicto de Atems; 1346 Benedictus de Basaglia; 1369 Io mag.co Benedeto da Udene; 1375 presb. Benedicto plebano S. Andree de Portogruaro; 1458 Benedicti Judey habit. Venzoni; 1502 Lenart Benedet de Lignidis. La forme Benedét e je difondude te planure ocidentâl (Sacîl, Çopule, Brugnere, Pasian di Pordenon, Cjanive, Pordenon, Vildiflum, Lavorêt, Purcie). La forme Benedetti, une vore difondude a Verone e a Triest, e je avonde ben rapresentade a Udin, Sacîl, San Durì (Flaiban), Palaçûl, Monfalcon, Colorêt di Montalban (chi il toponim Casa Benedetti inte mape IGM), Tresesin, Pasian di Prât, Paulêt; e je presinte a San Vît dal Tiliment, Prissinins, Gurize (chi italianizazion di ete fassiste di Benedetic e Benedettig), Vilès, Spilimberc, Pordenon, Dimpeç, Basilian (documentade tal 1659), Tarcint, San Marc (Merêt di Tombe), Dôtris (Dimpeç). I cognons Benedetti e Benedetto a son avonde difondûts a Sapade dulà che si fevele un dialet todesc e dulà che si pues sintî ancje la version Benedikter (viodi Piller Puicher, 1995). De Stefani 2003, 83 al segnale un document scrit tal 1574 dulà che a son Ambrosio Benedicti, Osvaldo Benedicti, Christoforo Benedicti Iohannis Benedicti nati q. Iacobi Benedicti de Som Sapada.
fonts
"1429, ai 3 di Novembar Ser Benedetto di Ampezzo in vertenza per pagar dote 25 marche alla q. sua sorella madre di ser Ant. e ser Franc. q. ser Daniele Carlevari di Luincis (ANU 3873). Biasutti: forsit progjenitôr. 1452 Ant. q. Benedicti de Fanna, teste (ASU Perusini 728.7); 1471 m.° Benedetto de Castello di Treviso fisico salariato in Udine (AB); 1488 nob. Giovanni Benedetto di Udine gastaldo di Cividale (ANU 730); 1500 presintis a Frate di Cjanive cinc fameis dai Benedet, dits ancje Benedetti o Beneti, oriunts di Valligaro (Luchini, 1997); 1514 Maso di Zan di Benedetto di Portovecchio (ASU CRS 498/2); 1524 Zuan q. Benedetto di Ara; 1530 Toni di Zuan Benedetto (di un rodul di Are); 1549 Valent di Benedetto di Entesano fittuale nobb. Colloredo (ASU Perusini 741); 1551 don Cristoforo Zugliano capp. S. Giorgio Udine, si dichiara debitore di £ 122 a Ser Benedetto da Polcenigo q. Ant. Benedetto da Locatelli per tele (AB); 1555 padre fra Beneto da Bressa vichario de San Francesco dentro a Udine (Corgnali); Pirona: Beneto = Benedetto. 1566 don Giovanni de Benedettis da Magredis vicecurato di Attimis (AB), nel 1569, ai 3 di Dicembar presentato piev. di Faedis dai conti Zucco, esaminato e approvato. Conosceva italiano e slavo (Mandatorum); 1576 Donazione fatta da Paulo q. Benedetto di Vacil alla Chiesa di Valeriano d’un campo arr. piantato di due piante frutiffere posto in Vacil loco chiamato sopra Jstrago (ASU CRS 831); 1594 Culau de Benedet de Bertiul fitt. nobb. Colloredo (ASU Colorêt-Mels part I 13.112); 1596 Nicolaus q. Joannis Benedicti de Berteolo (ASU CRS 30); 1598 Jernej Benedizizh de Vipava (ACAU 719/1); 1604 Valentino di Benedetto notaio da Nimis (ASU); 1616 Tomaso Benedetti di Giac. q. Benedetto q. Zuane Benedetto da Sappada sposa Gaia di Osvaldo Stavel di Sappada (AB); 1624 don Stefano Beneditiz – aveva cura anime nella pieve di Vipacco (Filze); 1627 Benedetto q. Jacomo di Benedetto de S.to Odorigo, fittuale nobb. Zucco (ASU Zucco 5); 1634 don Zuane Benedictis piev. di Nimis nativo di Coia figlio di Marino già officiale di Tarcento (Filze); 1635 al nas a San Zuan di Cjasarse Zuan Benedet (Luchini, 1995); 1643, ai 26 di Novembar don Francesco Benedictis di Ser Gio. Batta da S. Odorico nato nel 1622 – il padre gli fa patrim. eccl. (Patrimonis) / 1648, il 1n di Avrîl fatto economo di Flaibano per morte don Giulio Pirona / ai 15 di Avrîl anche licenza di cura anime durante il giubileo quale coop. di S. Odorico / il 1n di Mai fatto economo anche di Rodeano in luogo di don Simone Fabris di Buia (Patriarcalis); 1670 Gio. Batta Spangaro di Giovanni e di Giovanna Benedetti di Benedetto q. Giacomo da Oltris di Ampezzo sposa Osvalda Burba di Modesto e di Maria Benedetti / Benedetto q. Pietro pure da Oltris (Filze); 1677 Zuanne Benedetto di Bertiul, teste in Villacaccia (ASU CRS 842/1); 1682 Lorenzo et f.lli Benedetti di Sterpo, fittuali Coo. Colloredo (ASU Colorêt-Mels 24.261); 1693, ai 15 di Setembar don Gio. Domenico Benedetto q. Luca q. Dom. da Tarcento nato nel 1671 – i f.lli Bartol. e Pietro gli fanno patrim. eccl. (Patrimonis); 1710 Angela di Giovanni Benedetti q. Valent. q. Gio. Batta da S. Odorico sposa Gio. Batta di Antonio Zamucco da Grions di Sedegliano – Sebast. Zanussi da Sedegliano fece opposiz. al matrimonio (Filze); 1715 m.° Daniel Benedet (ancje di Benedetto) di Fanna, teste in docum. della Fraterna del SS.mo Rosario di Poffabro (ASU CRS 352); 1719 Franc. Benedetti di Gius. e Gasparina da Ampezzo nato nel 1701 studiò matem. e retorica sotto don Gio. Ellero piev. di Invillino (AB); 1720 Benedetto Benedetti, cameraro Fraterna SS.mo di Ravosa (ASU CRS 401/2); 1722 Pietro q. Mattia Benedet, cameraro della Fraterna della B.V. di Sapada di Cargna (ASU CRS 464); 1731 Giacomo Benedetti q. Daniele notaio da S. Odorico (ASU); 1742 Leonardo Benedetto di Oltris (De Stefani 2003, 83); 1743 Giovanna di Girol. Benedetto q. Gio. q. Giac. q. Franc. di Sterpo di Bertiolo sposa Gio. Giuseppe Mantoano di Gius. e di Giovanna Benedetto pure di Sterpo (Filze); 1747 Eredi q. Gio. Batta e F.lli q. Zuanne Benedetto, -i di Ara, pieggi e cessionari Sbrojavaca (ASU CRS 529/6); 1754 Osvaldo Antonio Benedetto di Giobatta Bernardinis da Vissandone (A.P. Vissandon); 1759 Giacomo di Bernardino di Michiel q. Giacomo q. Bernardino q. Osvaldo da S. Odorico sposa Maria di Benedetto Benedetti (Filze); 1760 Gio. Batta di Benedetto della Vicinia di Povoletto (ASU CRS 395/1); 1765 Andrea q. Angelo Benedeto di S. Odorico, fittuale Fraterna di S. Giuseppe di Coderno (ASU CRS 190/2); 1765, ai 20 di Mai don Gio. Batta Benedetti q. Domenico da Ara di Tricesimo i cugini Gio. e Dom. q. Gio. Batta Benedetto gli fanno patrim. eccl. duc. 1013 (AB); 1775 M.° Zuane di Benedetto Ebedrath (o Ghedrath) cameraro della Fraterna della B.V. di Sapada di Cargna (ASU CRS 464); 1804 don Ioannes Benedetti de Oltris al è predi (ACAU); 1816 muore a Sacile Giacomo Benedet di anni 37, questuante, nativo di Rugolo e figlio di Pietro Benedet (A.P. Sacîl); 1816 Giuseppe Bogaro di Giacomo nato in Viscone nel 1755, agricoltore, abit. in Udine, sposa Paula Benedetto di Dom.co nata nel 1772 nella Villa d’Ara sotto Tricesimo (A.P. Udin S. Nicolau); 1816 Gio. Battista Pagnutti di Pietro nato in Nogaredo di Prato nel 1795, agricoltore, sposa Giovanna Benedetto di Amadio nata in Faugnacco nel 1798, contadina (A.P. Martignà); 1817 Marco Benedetti di Antonio detto Malutta, nato a S. Cassiano Mesco nel 1795, domic. a Cavolano Frazione di Sacile, villico, sposa Antonia Brieda di Franc. di Francenigo (A.P. Sacîl); 1819 Santa Comissi di Bernardino nata in Palazzolo nel 1800, villica, sposa Pietro Benedetti di Angelo agricoltore di Palazzolo (A.P. Palaçûl); 1819 Niccolò Caretta di Paolo, tessitore da Cavolano domic. in Sacile, sposa Rosa Maria Benedetti detta Ros da Sacile figlia di Andrea da S. Cassiano (A.P. Sacîl).
Benetollo
Al ven cun probabilitât di Benèt o Benet(t) o, forme scurtade dal non di persone Benedetto, cu la zonte di un sufìs diminutîf. Al è presint a Udin ma, stant ae difusion che al à in provincie di Padue (in particolâr a Vigonza, dulà che e je ancje une localitât che e à non Ca’ Benetollo) si pues ritignî che al sedi origjinari di chê zone.
Benetti
Forme contrate di Benedetti (dal non di persone Benedetto). Presint a Cint e a Puart. A Budoie il Landre (= landri) di Benedét al è dit ancje Landre di Benét (Sanson, 2000).
fonts
1463 Joannis q. Dom.ci Benetti de Sudri, teste in Zuglio (ASU CRS 847/1); 1500 presintis a Frate di Cjanive cinc fameis dai Benedet, dits ancje Benedetti o Beneti, oriunts di Valligaro (Luchini, 1997); 1530 Maso di Menego e Daniel de Benetto de Frassenedo in Portovecchio (ASU CRS 498/2); 1586 Joannutus Benetti della Vicinia di Brazzano (ASU CRS 139/1); 1609 Her. q. M.° Benetto da Udene debitore Sigg. Popaite (ASU Popaite 7.3); 1649, ai 3 di Avrîl Girolamo Benetti, -o da Padova abit. in Palma accusato di eresia e lettura di libri proibiti (ACAU – Inq. pr. 51); 1676, ai 2 di Zenâr p. Benedetto Benetti dei Minori – guardiano del conv. di S. Franc. di Palma, accusato di stregoneria: aveva ricercato un teschio (ACAU – Inc. pr. 488).
Benès
Cognon presint a Monfalcon e San Ganzian. La pronunzie tant furlane che bisiache e je Benès, ma e tint a prevalê la dizion triestine Bènes. La etimologjie e je incierte. A podaressin vê un rûl un non romanic, augurâl e gratulatori Ben(e), un antroponim gjermanic tant che Benno / Behn, presint te Ete di Mieç ancje fra i Latins (viodi i cognons talians Benni, Benelli) cu la zonte dal sufìs antroponimic –ès. O pûr un personaç antîc slâf, cun confronts pôc clârs: viodi il cognon Benez a Insic tal secul XVI, il vecjo cognon Benesa di Dubrovnik, il microtoponim Beneži a Sudovest di Pinguente / Buzet, il cognon cec Beneš e v.i. No si pues invezit confrontâ cul cognon venit Benetto (-etti) che al derive di Benedictus cu la pierdite de dentâl, fenomen no presint tal bisiac, in plui si varès di postulâ un plurâl sigmatic furlan in -ès (Maurizio Puntin).
fonts
1593 Stefano Benès della Scola di S. Nicolò di Monfalcon (ACAU 737); 1665 Mattio Benes di Monfalcon (ASU CRS 107/3); 1734 Andrea Benes di S. Nicolò di Monfalcon (ASU CRS 290); 1746 Sig.ra Lucia Benessa Anima di Comunione di Monfalcone (ACAU 737); 1767 Marco Benes della Vicinia di Pieris di Monfalcon (ACAU 742).
De Benedet
Dal non di persone Benedét, “Benedetto" par talian. Si lu cjate a Cordenons.
fonts
1567 Valentin di Zuan di Benedetto di Driulassa fittuale nobb. Colloredo (ASU Perusini 609); 1666, ai 25 di Avost Ser Zanut de Benedetto, degan della Vicinia di Bania (ACAU Bannia); 1680 Barba Franc.co de Benedetti di Cordenons, vende terreno alla Fraterna dei S.ti Sebastiano e Floriano di Cordenons (ASU CRS 197); 1686 don Giacomo De Benedet da Orsago (Filze); 1711 Ser Pietro di Benedett, cameraro Fraterna S.ti Sebast. e Floriano Cordenons (ASU CRS 197); 1747 Gio. Batta Benedetto, cameraro Fraterna del SS.mo Rosario di Pocenia (ASU CRS 351); 1794, 1n di Lui don Giuseppe De Benedet di d.no ZanMaria q. Giacomo da Ponte di S. Cassan di Mesco – il padre gli fa patrim. eccl. (Patrimoni); 1917 il Caporâl Antonio De Benedet di Cordenons cl. 1892, al mûr inte Prime Vuere Mondiâl (Ongaro-Piccolo, 2005). Viodi ancje Di Benedetto.
Di Benedetto
Dal non di persone talian Benedetto. Si lu cjate a Udin, Marignane (Siest), Pordenon, Pasian di Pordenon, Basilian, Spilimberc, Rivis Darcjan, Tavagnà, Gonârs.
fonts
1505, ai 20 di Lui Ser Nicolò Masero di Udine fa sequestro a Franc. di Benedetto di Remanzacco ma non trova nulla (ANU 732); 1604 Valentino di Benedetto notaio da Nimis (ASU); 1531 Batista di Jacomo de Benedetto di Fossalta, cede beni alla Scola del SS.mo Crocifisso di Portogruaro (ASU CRS 390); 1534 Piero fiolo di Benedetto detto Toton (o Toter) di Ziraco, fittuale nobb. Zucco (ASU Zucco 58); 1555 Peresutto et F.lli de Benedetto da Noncello, fittuali Scola SS.ma Immacolata di Pordenone (ASU CRS 370/3); 1586 Batista di Benedet fittuale in Villa Orba di Maso osentato Locho et focho dei nobb. Colloredo (ASU Coll.-Mels I parte 13.112); 1613 Battista e Leonardo f.lli figli di Zuan di Benedetto da Vissandone (A.P. Vissandon); 1654 Zuane di Benedetto portador di Biava di Udene, teste (ASU Perusini 568.3); 1700 Ser Simon e Osvaldo (abit. in Murano) f.lli q. Giacomo Di Benedet da Maniago (ACR 255/1); 1710, ai 6 di Zenâr m.° Benedetto di Benedet da Nogaredo Prato q. Ser Giac. attuando pia intenzione del padre dà livello pes. 2 frum. alla chiesa per 2 messe annue (Filze); 1717 M.° Giacomo di Benedet q. Fedrico di Monteregale, teste in docum. della Scuola del SS.mo Rosario di Montereale (ASU CRS 291); 1742, ai 25 di Fevrâr Ser Domenico Di Benedetto di borgo Prachiuso a Udine (Masutti 91); 1744 Gio. Batta di Benedetto di Nogaredo possiede Terreni in Trombetta pertin. di Martignaco (ASU CRS 409 bis/9); 1767 Ser Franc. q. Ant. di Benedetto, cameraro Fraterna B.V. della Centura di Nogaredo di Prato (ASU CRS 301); 1816 Valentino Luchino nato a Orgnano nel 1771 di Valent. nativo di S. Bernardo e morto ad Orgnano sposa Maria Di Benedetto di Antonio nata nel 1785 a Nogaredo di Prato (A.P. Colorêt di Prât).
torne sù