Hai cercato la parola
bilingue monolingue
Hai cercato la parola
dritto
Torna indietro

bilingue

dritto , ,
  • 1a

    adi. dret Copia

    [FO] (che al va daûr di une linie cence mudaments di direzion)
    una riga dritta = une rie drete
  • 1b

    adi. dret, dreçât Copia

    [FO] (che si alce in verticâl)
    il tronco si ergeva alto e diritto = il tronc al jevave sù alt e dret
  • 1c

    adi. dret Copia

    [FO] (in riferiment al cuarp uman o a une sô part, vê une forme che e va daûr di une linie regolâr)
    avere la schiena dritta = vê la schene drete
    avere le gambe dritte = vê lis gjambis dretis

    adi. dret Copia

    stai dritto! = sta dret!

    adi. dret Copia

    (dite dal pêl des bestiis, dreçât par pôre o par menace)
    il gatto si è sentito in pericolo e gli è venuto il pelo dritto = il gjat si è sintût in pericul e i è vignût il pêl dret

    adi. dret, petât Copia

    (dite dai cjavei, che no àn ondis o riçots)
    capelli dritti come spaghetti = cjavei drets come spaghets
  • 2

    s.m. dret Copia

    [FO] (che al à une inteligjence svelte, ancje se no simpri oneste)
    quello là è un dritto = chel là al è un dret
  • 3

    av. dret Copia

    [CO] (in linie drete)
    camminare dritto = cjaminâ dret
  • 4

    av. dret Copia

    [CO] (cence fermadis, interuzions, deviazions e v.i.)
    vai dritto a scuola! = va dret a scuele!
  • 5

    s.m. dret Copia

    [CO] (dite dai vistîts e sim., la bande juste, chê che si viôt)
    il dritto del cappotto = il dret dal capot
  • 6

    s.m. dret Copia

    [CO] (un dai ponts fondamentâi de gucje)
    lavorare una maglia a dritto = lavorâ une maie a dret

    s.m. dret Copia

    (ancje adi.)
    una sciarpa lavorata tutta a dritto = une siarpe fate dute a dret
  • 7

    s.m. dret Copia

    [CO] (bande di une monede)
  • 9

    s.m. dret Copia

    [TS] (ognidun dai elements verticâi che a sierin il scaf des barcjis aes sôs estremitâts)

locuzioni

    andare dritto
  • lâ dretCopia
    [CO] (-)
    vai dritto a lavorare = va dret a lavorâ
    • dritto filato
  • biel dret, dret tant che un sivilot, dret tant che un pichetCopia
    [CO], [TS] (-)
    l'ho visto che andava dritto filato a casa = lu ai viodût che al leve a cjase dret tant che un sivilot
    • filare dritto
  • [CO] (vedi rigare dritto)
    • rigare dritto
  • stâ in stangje, stâ in rime, lâ par un fîl, filâ dret, filâ pal dret, cjaminâ pal dret, marcjâ par un fîl, stâ in cjarezade, tirâ dretCopia
    [CO] (vivi onestementri massime daspò di sei stât visât o punît)
    e guarda di rigare dritto! = e viôt di lâ par un fîl oppure di tirâ dret
    • tagliare dritto
  • tirâ dretCopia
    [CO] (lâ daûr di une linie rete)
    vai a casa, taglia dritto senza fare troppi giri! = va a cjase, tire dret cence fâ masse zîrs!
  • tirâ dretCopia
    (cjalâ dret viers une mete)
    taglia dritto, vede solo la laurea adesso = al tire dret, al viôt dome la lauree cumò
    • tirare dritto
  • tirâ dilunc, lâ dret, lâ indenant pe sô strade, lâ dret pe sô strade, tirâ dretCopia
    [CO] (lâ dilunc pe sô strade)
  • lâ indenant dret, lâ dret pe sô stradeCopia
    (cjalâ dret a un fin)

monolingue

dret adi.
Che nol à volts, cjantons, mudaments di forme o di direzion
esempi
"un cjariesâr cul tronc taront e dret come une colone"
da "Prime di sere" di Carlo Sgorlon
"la Tresemane, simpri drete, vualive, fûr di Cjavrîs a Tresesin, jenfri di dôs moraradis, cence paîs di mieç"
da "La aghe da pît la cleve" di Dino Virgili
"alt e ben tressât, bocje sutile, nâs dret e doi voi colôr di une lame di curtìs"
da "Il muc" di Roberto Ongaro
dret adi.
Di vistiari, che al à un tai cuntune forme lineâr, che no si slargje e no si siere
esempi
"un pâr di bregons drets"
dret adi.
Che al è intune posizion precise, che e podarès jessi segnade di une linie ideâl
esempi
"Tresesin al è dret a Nord di Udin"
"di gnot, doi voi ros discocolâts a fissavin drets devant tal scûr e la lôr viste e butave lontan: lis sinis, i fii dal telegraf, i pâi, i lens a vevin sgrisui luncs di lûs"
da "La aghe da pît la cleve" di Dino Virgili
dret adi.
Cun valôr di av., cence polsis, deviazions o cence fâ altris robis dilunc vie
sinonimi
diret
esempi
"deis mil cjavai e sincsent a pie che a vegnin drets sul nustri paîs. A no si scjampa; e a no è pi nuia da fâ"
da "I Turcs tal Friûl" di Pier Paolo Pasolini
"al jere scûr cuant che e cjapà il troi che al menave dret te cjase di Nardon"
da "Nardon e Vigjute di Nani" di Pieri Somede dai Marcs
dret adi.
Che al à une relazion di parintât strente
esempi
"o jerin dome jo e Oglala, mio cusin dret"
da "Sense" di Checo Tam
"tal indoman jê e mande a passon sô fie drete [dopo che la dì prime e jere stade la fiastre] e i da tante cjanaipe di filâ"
da "La fie e la fiastre" di Andreina Nicoloso Ciceri
"siôr Svualdin, nevôt dret dal cont, fi di un so fradi che al jere a Udin "
da "La aghe da pît la cleve" di Dino Virgili
dret adi.
Che al sta sù impins, che al à une posizion o un moviment verticâl
sinonimi
impins, sù
esempi
"alt, dret come un pichet, sec incandît al puartave i bregons luncs e la velade curte e nol saltave mai fûr di cjase cence la cane"
da "Pre Josef" di Pieri Somede dai Marcs
"e cjaminave drete nancje che e ves il fîl de schene tignût a plomp di une stangje di fier"
da "Trê feminis" di Gianni Gregoricchio
"la siore e cjalave il fum des napis che al jesseve dret tal cîl"
da "Par stradis lungjis" di Alan Brusini
"mi jeri inviât dentri pal bosc, in chê frescure che e nulive di pês, tra chei lens alts e drets che si ingredeavin cui ramaçs là sù"
da "La scuele dai fornasîrs" di Pieri Menis
dret adi.
Dal cjâf e sim., tignût sù, ancje in segn di fuarce morâl,ardiment e v.i.
sinonimi
jevât, alt
esempi
"al veve ancjemò un aspiet dignitôs. Al tignive il cjâf dret e a voltis al zirave il cuel, a planc, cui voi fis"
da "Il dolfin" di Carlo Sgorlon
dret adi.
Di pêi o cjavei, che al sta perpendicolâr rispiet ae piel, soredut per une reazion istintive di pôre
sinonimi
dreçât
esempi
"nissun di chescj al à mai vût il coragjo di lâ a viodi ce che al è. La maiôr part a scjampavin cui cjavei drets"
da "Lis leiendis di Buie" di Pieri Menis
"veju… i “dark”! A rivin a piçui trops o di bessôi cui cjavei drets, cotonâts"
da "Cocteau Twins su Netun (ma no il planet)" di Checo Tam
dret adi.
Dai cjavei, che no son ni a ondis ni riçots
sinonimi
slis
dret s.m.
In alc che al à dôs bandis, la bande principâl, chê che si dopre di plui o che si viôt di plui
sinonimi
denant, fûr
esempi
"fotocopiâ il dret de pagjine"
"cjalâ il dret e il ledrôs di un ricam"
dret s.m.
[TS] (numism.) Bande principâl di une monede, cu la figure che e je simbul de autoritât che e à mandât fûr la monede
esempi
"lis monedis celtichis cjatadis in Friûl a àn pal solit un cjâf di Apol tal dret e un cavalîr tal ledrôs"
dret s.m., adi.
[TS] (artes.) Pont fondamentâl de gucje, che passant la maie di un fier a chel altri al forme un anel plan verticâl
esempi
"imparâ il pont dret e il pont ledrôs"
"une maie a cuestis fate alternant doi drets e doi ledrôs"
dret s.m.
[TS] (tess.) Bande di une tiessidure che e restarà in viste tai vistîts cusîts cun chê stofe
dret s.m.
[TS] (sport) Tal tenis, colp dât cuntun moviment dal braç che al va a sierâsi devant dal zuiadôr
dret s.m.
[TS] (sport) Te boxe, colp dât cu la man plui fuarte e cuntun moviment frontâl
sinonimi
diret
dret adi.
De bande diestre dal cuarp
sinonimi
diestri
esempi
"al veve il braç dret fassât strent fin sul comedon"
da "Tal ospedâl" di Amedeo Giacomini
"o cirivin di socâ un pessut di chê bande de aghe basse, cuant che o sintii come une sgrifade te gjambe drete"
da "Tal Cuar" di Lucio Perès
dret adi.
Che si dopre cu la man diestre o che al funzione tal viers calcolât normâl
esempi
"cetancj struments: ghitaras dretas e çampas, un mandulin e un bouzouki e un violin e un liron"
da "In forma di peraulas..." di Giorgio Ferigo
dret adi., s.m.
Che, cui che al dopre la man diestre in prevalence rispiet ae man çampe
esempi
"i drets e i çampins"
dret adi.
Che al è de bande de man che pe plui part de int e à plui fuarce e precision
esempi
"e je une azion dai francês su la fasse drete, une azion che e somee pluitost complicade, ancje intorteade, ce vitis par puartâ un om dongje de puarte taliane e metilu in cundizion di bati in gol"
da "Vincjedoi" di Laurin Zuan Nardin
dret adi.
Che al à buinis cualitâts inteletivis, morâls, buinis capacitâts
sinonimi
just
esempi
"siôr Dalban nol puartave dongje [bêçs], e une femine, par tant drete che e sei, no pues fâ miracui"
da "Cjase di Dalban" di Maria Forte
"je ore che ognidun fasi ce che al crôt sô dovê cuntune cussience plui drete e positive e no par efiet di bufulis propagandistichis"
da "Cuintristorie dal Friûl fin sot la Italie" di Josef Marchet
dret adi., s.m.
Che, cui che al à avonde inteligjence di no fâsi imbroiâ, e che al pues doprâle par imbroiâ chei altris o par vê un pro
sinonimi
acuart, bolpin, diestri, furp, gjeniâl, inzegnôs, sutîl, svelt, tamesât, babio, bulo, dreton, furbat, garlat, industriât, gjat, moscardin, sveât, sbîr, cjai, dreçagne
esempi
"chei che a son drets a profitin di ce che i mats a stracin"
da "Friûl e furlans te Histoire de ma vie di Giacomo Casanova" di Pierluigi Visintin
dret adi.
Che al pant la veretât cun sigurece
sinonimi
just, sigûr, ciert
esempi
"e po no si rigjavà cjaveç ancje se dut al fo tentât par savê alc di dret"
da "Sul cjar di Pauli Gurin" di Maria Forte
dret s.m.
Informazion, insegnament, deduzion che a àn logjiche e che a puedin tornâ cont
esempi
"o jeri tant strac che no rivavi a meti in rie pinsîrs par rigjavânt un dret"
da "I forescj" di Alan Brusini, Gian Paolo Linda
"il vot di Setembar lu cjatà là jù a scoltâ ordins come zigos pierdûts. Nissun dret, nissune vôs sigure"
da "Cjase di Dalban" di Maria Forte
"dal 1967 il mês di Novembar, e saltà fûr une «Mozion dai predis» cun 529 firmis che e diseve il so dret a la politiche: su la universitât furlane, lis servitûts militârs, la migrazion, i puescj di lavôr, i contadins, la lenghe e la culture furlane"
da "Cuintristorie dal Friûl dal 1866 fint in dì di vuê" di Francesc Placerean
dret s.m.
Capacitât, ocasion di fâ alc
sinonimi
capacitât, câs, facoltât, mût, ocasion, oportunitât, podê
esempi
"Sgorlon lu veve scrit par talian par fâur lei ai talians alc sul Friûl, ma cussì i furlans a pierdevin il dret di podê lei alc di bon te lôr lenghe"
da "In viaç di domenie" di Agnul di Spere
"[la espansion di Vignesie] e començà cu lis tieris plui dongje, spietant cun pazience che i vignìs il dret di rivâ plui incà"
da "Cuintristorie dal Friûl fin sot la Italie" di Josef Marchet
dret adi.
Teignût ben, in ordin, in buinis cundizions, ancje in sens morâl
sinonimi
just, ordenât, regolât
esempi
"done Menie Durie e jere stade une femine di coragjo che dopo vê salvade la cjase di so pari, e à tignût drete chê dal marît e implantadis cuatri fameis cu la sô gjernazie"
da "La mulinarie" di Catarine Percude
dret adi.
Fat ben, cun bon risultât
sinonimi
just, bon
esempi
"[Raimont de Tor] come vescul no 'ndi cumbinà une di drete, e come princip al imbastì une falope parsore la altre"
da "Cuintristorie dal Friûl fin sot la Italie" di Josef Marchet
dret s.m.
Robe fate ben, cun costrut
esempi
"jo invezit no rivi a cumbinâ un dret se no mi gjolt un pâr di cjicaris di cafè"
da "I forescj" di Alan Brusini, Gian Paolo Linda
"[la espansion di Vignesie] e començà cu lis tieris plui dongje, spietant cun pazience che i vignìs il dret di rivâ plui incà"
da "Cuintristorie dal Friûl fin sot la Italie" di Josef Marchet
proverbi
"cuant che no ti impuarte no stâ cjalâ se e va drete o stuarte"
"cui che al va dret nol fale la strade"
"cui che al vûl jessi masse dret nol è maladet"
"cui che al vûl jessi masse maladet nol va dret"
"cuntune redine si va drets, cun tantis si va tal fossâl"
"dret o stuart un om al è simpri om"
"il prometi al è dret, il mantignî al è çuet"
"la strade drete e je la plui curte"
"ogni dret il so ruviers"
Torna in Cima
Torna in Cima