Hai cercato la parola
bilingue monolingue
Hai cercato la parola
entrare
Torna indietro

bilingue

entrare , ,
  • 1

    v.intr. jentrâ, vignî dentri Copia

    (vignî dentri)
    entra! = jentre!

    v.intr. jentrâ, cjapâ Copia

    (intun lûc viert)
    era entrato in autostrada a Latisana = al veve cjapât la autostrade a Tisane

    v.intr. jentrâ, infondâsi Copia

    (te aghe)
    entrare in mare = jentrâ tal mâr

    v.intr. jentrâ, passâ dentri Copia

    (passâ dentri)
    il filo non entra nella cruna dell'ago = il fîl nol jentre te gusiele

    v.intr. jentrâ, lâ dentri Copia

    [FO] (passâ dal fûr al dentri)
    entrare a scuola = jentrâ a scuele
    il vento entra dalla finestra = l'aiar al jentre dal barcon
  • 2

    v.intr. jentrâ, stâ Copia

    [FO] (stâ dentri)
    non entrare in una scatola = no jentrâ intune scjate

    v.intr. lâ, jentrâ Copia

    (passâ par une viertidure)
    la chiave non entra nella toppa = la clâf no va oppure no jentre te buse

    v.intr. jentrâ, stâ Copia

    (dite di un numar, jessi dentri)
    il due entra nell'otto quattro volte = il doi al jentre tal vot cuatri voltis

    v.intr. jentrâ, insedâsi, penetrâ, vignî sù Copia

    (penetrâ)
    gli è entrata in corpo una paura folle = i è vignude sù une pôre mate
    in loro è entrata la disperazione = in lôr e je jentrade la disperazion
  • 3

    v.intr. jentrâ Copia

    [FO] (spec. tes frasis neg., rivâ a meti)
    non entro più nella camicia = no jentri plui te cjamese

    v.intr. lâ, jentrâ Copia

    (larc avonde par jessi metût o cjalçât)
    la scarpa mi entra bene = la scarpe mi jentre ben
  • 4

    v.intr. jentrâ Copia

    [FO] (jentrâ membri di un grup)
    vuole entrare come volontaria nella protezione civile = e vûl jentrâ volontarie inte protezion civîl
  • 5

    v.intr. lâ, jentrâ Copia

    [FO] (cjapâ un puest di vore o une incarghe, tacâ une cariere)
    entrare in ufficio = jentrâ in ufici
    entrare nell'esercito = jentrâ tal esercit oppure lâ soldât
  • 6

    v.intr. lâ, jentrâ Copia

    [FO] (cjatâsi intune cundizion gnove)
    era entrato in agitazione = al jere lât in conturbie oppure si jere conturbât

    v.intr. jevâ Copia

    (bulî)
    l'acqua entrava in ebollizione = la aghe e jevave il bol

    v.intr. jentrâ, disniçâ Copia

    (cjatâsi di un periodi gnûf da cjâf)
    entrare in una nuova era = jentrâ intune ere gnove

    v.intr. jentrâ, vignî Copia

    (unitât di timp, che e scomence di li a pôc)
    il mese che entra = il mês che al ven
  • 7

    v.intr. jentrâ, metisi Copia

    [FO] (lâ cu la presince o cul discors dentri di une situazion o di un discors)
    entrare nel merito della faccenda = jentrâ tal pont de facende
    voleva entrare in gioco anche lui = al voleve ancje lui metisi tal zûc
  • 8

    v.intr. jentrâ, rivâ Copia

    [FO] (di bêçs, che a rivin e a deventin di proprietât di cdn.)
    nelle sue tasche entrano molti soldi = tes sôs sachetis a jentrin un grum di bêçs
  • 11

    v.intr. jentrâ Copia

    [TS] (tal balon, rivâ a realizâ un intervent cuintri l'aversari che al à il balon)
  • 12

    v.intr. jentrâ, lâ dentri Copia

    [CO], [TS] (ingranâ)
    non entra la terza = no jentre la tierce

locuzioni

    entrare da un orecchio e uscire dall'altro
  • jentrâ di une bande e jessî di chê altre, jentrâ di une orele e lâ fûr di chê altreCopia
    [CO] (jessi dismenteât daurman)
    tutta la storia gli era entrata da un orecchio e uscita dall'altro = dute la storie i jere jentrade di une bande e jessude di chê altre
    • entrare da un'orecchia e uscire dall'altra
    entrare in argomento
  • jentrâ in argoment, tocjâ chel cantin, jentrâ in discorsCopia
    [CO] (introdusi une cuistion, soredut delicade)
    • entrare in azione
  • tacâ sot, jentrâ in azion, lâ in voreCopia
    [CO] (butâsi dentri intune situazion, e operâ par un fin determinât, che si cognòs)
    • entrare in ballo
  • vê part, vê pês, jentrâ in bal, jentrâCopia
    [CO] (jessi implicât e influî intune situazion)
    • entrare in campo
  • jentrâ in cjampCopia
    [TS] (di un zuiadôr, jessi metût te scuadre che e zuie)
  • tacâ sot, cjoli la perauleCopia
    [CO] (intervignî intune discussion, intun dibatiment)
    • entrare in capo
  • [CO] (vedi entrare in testa)
    • entrare in carica
  • tacâ sot, jentrâ in carghe, jentrâ in cjarie, tacâ il so mandâtCopia
    [CO] (scomençâ un lavôr, spec. di responsabilitât)
    il presidente è entrato in carica all'inizio dell'anno = il president al è jentrât in cjarie cui prins dal an
    • entrare in collisione
  • dâsi dentri, lâ in colisionCopia
    [CO], [TS] (di mieçs di traspuarts, trussâsi)
    due macchine sono entrate in collisione = dôs machinis a son ladis in colision oppure si son dadis dentri
    • entrare in confidenza
  • cjapâ confidence, cjolisi confidenceCopia
    [CO] (vê rapuarts di intrinsichece cun cdn., cjapâ a man)
    ormai è entrato in confidenza coi suoceri = aromai al à cjapade confidence cui missêrs
    • entrare in contatto
  • cjapâ contat, jentrâ in contatCopia
    [CO] (tacâ a vê un contat)
    gli agenti segreti erano entrati in contatto con la resistenza = i agjents segrets a jerin jentrâts in contat cu la resistence
    • entrare in convento
  • lâ frari, fâsi frari, fâsi muinie, jentrâ in convent, lâ in convent, lâ muinieCopia
    [CO] (deventâ frari o muinie)
    era entrata in convento per volere della famiglia = e jere lade muinie par volê de famee non era più tanto giovane quando entrò in convento = nol jere plui tant zovin cuant che al le frari
    • entrare in gioco
  • [CO] (vedi entrare in ballo)
    • entrare in guerra
  • tacâ vuere, jentrâ in vuereCopia
    [CO] (scomençâ un conflit militâr)
    l'Italia entrò in guerra il 24 maggio 1915 = la Italie e tacà vuere ai 24 di Mai dal 1915
  • tacâ vuere, jentrâ in vuereCopia
    (jessi in contrast cun cdn.)
    è entrato in guerra coi parenti = al è jentrât in vuere cui parincj
    • entrare in lizza
  • jentrâ in cjampCopia
    [CO] (partecipâ a un torneament di cavalîrs)
  • [CO] (vedi entrare in campo)
    • entrare in ospedale
  • jentrâ in ospedâl, lâ in ospedâlCopia
    [CO], [TS] (jessi ricoverât)
    è entrato in ospedale per un piccolo intervento = al è jentrât in ospedâl par un piçul intervent
    • entrare in possesso
  • vignî in possès, jentrâ in possèsCopia
    [CO] (deventâ paron)
    entrare in possesso di una casa = vignî in possès di une cjase
    • entrare in scena
  • jentrâ in seneCopia
    [TS] (aparî sul palc e tacâ a recitâ)
  • jentrâ in sene, vignî in seneCopia
    [CO] (intervignî)
    • entrare in società
  • metisi in societâtCopia
    [CO] (fâ une societât)
    è entrato in società con un parente = si à metût in societât cuntun parint
  • jentrâ in societâtCopia
    [CO] (tacâ a jentrâ in ambients impuartants)
    • entrare in tasca
  • vignî in sacheteCopia
    [CO] (jessi vuadagnât)
    per quell'affare gli sono entrati in tasca molti soldi = par chel afâr i son vignûts in sachete biei bêçs
    • entrare in testa
  • jentrâ tal cjâfCopia
    [CO] (jessi capît e tignût a ments)
    una regola che non mi entra in testa = une regule che no mi jentre tal cjâf
    • entrare in urto
  • dâsi dentriCopia
    [CO] (dite di nâfs o veicui, lâ un cuintri di chel altri)
  • lâ in rotisCopia
    (dite di persone, vê un conflit di ideis, di interès cun cdn.)
    è entrato in urto coi colleghi = al è lât in rotis cui coleghis
    • entrare in vigore
  • jentrâ in voreCopia
    [CO] (tacâ a funzionâ, a vê efiet)
    • entrare in, nel discorso
  • [CO] (vedi entrare in argomento)
    • entrare nei dettagli
  • jentrâ tai detais, jentrâ tai particolârsCopia
    [CO] (contâ tai particolârs)
    entreremo ora nei dettagli della questione = o jentrarìn cumò tai detais de cuistion
    • entrare nel merito
  • tocjâ il pont, jentrâ tal pontCopia
    [CO] (frontâ in maniere drete e precise un probleme)
    • entrare nel personaggio
  • [CO] (vedi entrare nella parte)
    • entrare nel vivo
  • jentrâ tal vîfCopia
    [CO] (rivâ ae part plui impuartante di alc)
    entrare nel vivo di una discussione = jentrâ tal vîf di une discussion
    • entrare nell'arengo
  • tacâ a balâCopia
    [CO] (preparâsi a fâ alc di dificil)
    • entrare nella leggenda
  • jentrâ te liende, jentrâ te storieCopia
    [CO] (deventâ famôs, mitic)
    un personaggio che è entrato nella leggenda = un personaç che al è jentrât te liende
    • entrare nella parte
  • jentrâ te partCopia
    [CO] (identificâsi, ancje fig.)
    da quando è direttore è entrato nella parte e cerca di darsi un tono = di cuant che al è diretôr al è jentrât te part e si ten insù un attore che non riesce ad entrare nella parte = un atôr che nol rive a jentrâ te part

monolingue

cjapâ v.tr.
(cja-pâ)
Strenzi o tacâ a strenzi e a tignî cu lis mans
sinonimi
brancâ, brincâ, cjapâ sù, cjoli, cjoli sù, gafâ, grampâ, imbrincâ, ingrampâ, racuei, tirâ sù
esempi
"Zuantoni in serpe al cjalave fis devant, tal scûr. Ogni tant al cjapave lis redinis tune man sole e cun chê altre al palpave un pac, in bande, di no pierdilu"
da "La massarie" di Dino Virgili
"la fie che e jere furbe, e cjape piron, curtìs e sedon che a jerin di aur, e ju sgnache te sachete di so pari"
da "Maletegne" di Andreina Nicoloso Ciceri
"al lusôr dal frigo viert Zac Moraulis al scrusignâ chel vueit cence sperance dai riplans, po al cjapà un bussulot di jogurt, al controlà la date e lu butà vie parcè che al jere scjadût"
da "Light my Fire" di Franco Marchetta
cjapâ v.tr.
(cja-pâ)
Strenzi o tacâ a strenzi cdn. e a tignîlu, massime cu lis mans e cui braçs, ancje tirantlu sù, sedi par afiet, che par judâ, che par fâ dal mâl e v.i.
sinonimi
brincâ, cjoli, cjoli sù, grampâ, imbrincâ, ingrampâ, tirâ sù, strenzi, striçâ, strucâ
esempi
"Vera e cjape Werner tal braç, che al è spaurît e nol sa ce fâ e indulà lâ a platâsi, lu ten parât sot di se e lu cuiete a sun di bussadis"
da "Storie di Vera" di Ivano Urli
"intun empit di rabie, i salte intor e lu cjape pal stomi"
da "Int di masnade" di Alviero Negro
cjapâ v.tr.
(cja-pâ)
[CO] (zûcs) Ancje ass., intai zûcs di cjartis, meti une cjarte che e jere su la taule, tal mac o zuiade di chei altris, tra chês che si à in man o tra chês vinçudis
sinonimi
cjapâ sù, cjoli, cjoli sù, tirâ sù, pescjâ
esempi
"al sarès bastât cjapâ un fant, dome un umil fant ma, par disgracie, il so compagn Meni al jere parimentri dordel come Mario e nol capì che l’amì al veve il capon"
da "Se ti perdi tuo danno" di Checo Tam
"Toful al cjapà il pio e al poià lis cjartis sieradis sul ôr de taule, al ingrampà la sô tace e le scolà tune glotude butant il cjâf indaûr"
da "La aghe da pît la cleve" di Dino Virgili
cjapâ v.tr.
(cja-pâ)
Fâ in mût di vê alc a disposizion, cul lâ a procurâsal e cul tignîlu sot man par podê doprâlu
sinonimi
cjapâ sù, cjoli, cjoli sù
esempi
"cjapâ 1 litri di lat di mandule: gjavâ un cop par disfâ l'amit di blave intune scudiele e meti a boli il rest cu la piel di limon e la bachete di canele, cuant che al jeve il bol studâ e lassâ in infusion"
da "Menjar blanc" di Sandri Carrozzo
cjapâ v.tr.
(cja-pâ)
Sielzi e comprâ
sinonimi
cjoli, comprâ, cuistâ
esempi
"o cjapi trê etos di formadi di chel vecjo, par plasê"
"za che tu vâs fûr, passe ancje a cjapâ il pan"
cjapâ v.tr.
(cja-pâ)
Doprâ come mieç di traspuart
sinonimi
cjoli
esempi
"scuintiât, scanât, scunît e avilît no i restave nuie altri che cjapâ l'avion e tornâ a cjase"
da "Eivissa mon amour" di Fabian Ros
"no cjapâ la machine co no si à di slontanâsi plui di chel tant; fâ lis scjalis e no cjapâ l'assensôr"
da "Metiti in moto!" di Guglielmo Pitzalis
"ogni an lis solitis robis: la bande, il pichet di onôr, i intervents des autoritâts, i discors dai uficiâi de caserme e po il president dai combatents… e finalmentri il ghiringhel prime di tornâ a cjapâ la coriere"
da "Lis pinessis" di Checo Tam
cjapâ v.tr.
(cja-pâ)
Ricevi, acetâ alc che al ven proferît
sinonimi
cjoli, ricevi, vê
esempi
"la prevision de radiazion di fonts a 3 grâts Kelvin e je stade sperimentalmentri verificade (e i verificadôrs a àn par chest cjapât il premi Nobel)"
da "Teologjie algjebriche" di Sergio Cecotti
"il dì di sant Roc si menin li, in rie sul ôr de strade, i nemâi dal Borc a cjapâ la benedizion"
da "La Çucule" di Dino Virgili
cjapâ v.tr.
(cja-pâ)
Jentrâ in possès ma no in proprietât di alc, a ciertis cundizion
sinonimi
cjoli
esempi
"cjapâ un libri de biblioteche publiche"
"cjapâ a fit un apartament"
cjapâ v.tr.
(cja-pâ)
Jentrâ in possès di alc che al ven consegnât, che al jere stât mandât e v.i.
sinonimi
cjapâ sù, cjoli sù, tirâ, tirâ sù, vê, ricevi
esempi
"al è stât cussì che une dì o cjapi une letare dal prefet che al mi dîs di tornâ a studiâ la pratiche e intant di spietâ prin di lâ indenant"
da "Lis scuelis e la nêf" di Pieri Somede dai Marcs
"lâ a cjapâ un certificât in comun"
cjapâ v.tr.
(cja-pâ)
Puartâ vie alc, spec. cu la fuarce, cul imbroi o cence vê dirit
sinonimi
cjoli sù, cucâ, curâ, puartâ vie, cjoli, netâ, netâ sù, netâ vie
esempi
"i laris a son jentrâts di gnot e a àn cjapât bêçs e robe di valôr"
"Pine i veve contât a Tite la vitace che e veve fate di zovine e ce che e faseve cui vedrans par cjapâur i bêçs e la robe, e i veve domandât perdon imbroiantlu ancjemò une volte par che al murìs in pâs"
da "Chei di Muraie" di Pieri Menis
cjapâ v.tr.
(cja-pâ)
Rivâ a otignî un titul di studi, une licence, un titul e v.i.
sinonimi
cjoli
esempi
"si sin fats il cûl noaltris par laureâsi, par cjapâ la specializazion, altri che pierdi timp ator pes stradis come chei ca"
da "La maiute di Zidane" di Maurizio Mattiuzza
"cuant che a sintirin che al veve cjapade la patente si ingrisularin e si domandarin scaturîts cui che al jere stât chel batecul che i veve dât in man une arme tant pericolose"
da "Pre Pitin" di Antoni Beline
cjapâ v.tr.
(cja-pâ)
Rivâ a otignî alc di no materiâl, massime alc che al ven dât di altris par fiducie
sinonimi
vê, ricevi
esempi
"cjaparìno avonde vôts par jessi determinants, al ven a stâi par mudâ il cors de storie tune direzion positive?"
da "Il risultât eletorâl dai partîts di identitât teritoriâl - A case study: Scottish National Party" di Sergio Cecotti
"pe assemblee ogni soci al pues cjapâ la deleghe di un sôl altri soci che nol pues vignî"
"se alc al funzione, nuie di miôr che fâlu incressi e cjapâ i compliments"
da "Comunicâ la autonomie" di Sandri Di Suald
cjapâ v.tr.
(cja-pâ)
Rivâ in timp par scoltâ, viodi e v.i.
esempi
""Sêstu lât ae conference?" "Sì ma o soi rivât tart e o ai cjapât dome la code""
"a lavin a cjapâ un toc de Messe e dal Jespui di Pre Zaneto"
da "Cjase di Dalban" di Maria Forte
cjapâ v.tr.
(cja-pâ)
Vê di patî alc di negatîf
sinonimi
becâ, vê, vanzâ, puartâ dongje, puartâ a cjase
esempi
"la Gjermanie aie cjapadis chês vuadulis che le fasin cainâ cumò, cuant che e jere une federazion di tancj stâts scuasi indipendents?"
da "Cjalâ plui inlà" di Josef Marchet
"scugnî stâ zitos e cuços, di une pestadice a chê altre, a sopuartâ robariis, mangjariis e a cjapâ rips tal cûl di ognidun che al rivave"
da "Int di masnade" di Alviero Negro
cjapâ v.tr.
(cja-pâ)
Vê une pene, une condane, un cjastì e v.i.
esempi
"la uniche lenghe che si podeve doprâ a scuele e jere il talian, intant che a fevelâ par furlan (e ancjemò di plui par sloven), si podeve cjapâ une multe"
da "La colonie" di Sandri Carrozzo
"si spietave la fusilazion. E invezit al à cjapât nome sîs mês di galere"
da "Il prin moto" di Riedo Pup
cjapâ v.tr.
(cja-pâ)
Rivâ un bersai
sinonimi
cucâ, rivâ
esempi
"dal 1941 lis primis bombis a àn cjapât Berlin e la aministrazion e à stabilît di stramudâ fûr de citât lis oparis artistichis e i documents storics"
da "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin
"ogni un tant de rive çampe de Vorska i canons a sbaravin. I ricovars che i alpins a vevin prontâts in presse a tignivin dûr, se no ju cjapavin in plen"
da "Cjalant la rive" di Agnul di Spere
cjapâ v.tr.
(cja-pâ)
Rivâ a pâr cun cualchidun altri
esempi
"par i siei cutuardis agn al jere ben metût, al veve zaromai cjapât il pari in altece"
da "La salamandrie tal fûc" di Carlo Tolazzi
"cheste domenie, se l'Udin al vinç al cjape il Milan"
cjapâ v.tr.
(cja-pâ)
Racuei e puartâ vie alc che si cjate
sinonimi
cjoli, cjapâ sù, cjoli su
esempi
"lâ tal bosc a cjapâ sparcs di ruscli"
cjapâ v.tr.
(cja-pâ)
Rivâ a tignî o a copâ une bestie, spec. cjaçant o pescjant
sinonimi
becâ, brincâ, cjaçâ, cucâ, curâ, pescjâ
esempi
"fin sot la rive di Sant Pieri si slungjavin pocis e poçalis e plui injù la roie e il lavio dulà che Diu al semenave par lui vriutis, tencjis, gjavedons, bisatis, sgjardui e temui. Se l'om al cjapave alc di plui preseât, Taresie i diseve: - Chest vendilu ae Siore"
da "Il vivi al è chel rangjâsi" di Maria Forte
"al pensave che, dopo, chei uciei ju cjapave lui te sô bressane incurnisade di vert"
da "Il vivi al è chel rangjâsi" di Maria Forte
cjapâ v.tr.
(cja-pâ)
Rivâ a tocjâ, a tignî o a stratignî cdn.
esempi
"e Nando a clamâju [i fruts], a berlâur, a scufiotâju ancje, co al rivave a cjapâju, che nol jere tant facil, che a jerin tant che faìnis"
da "Il muini" di Meni Ucel
cjapâ v.tr.
(cja-pâ)
Vê une relazion sessuâl, o ancje obleâ a vê une relazion sessuâl
sinonimi
doprâ, foti, fotâ
esempi
"un che mi è jentrât tal jet che o jeri dome une frutine e che mi à cjapade cun fuarce e dispresit"
da "Se Diu al vûl" di Antescûr
cjapâ v.tr.
(cja-pâ)
Intun rapuart sessuâl, jessi penetrât o fâsi penetrâ
esempi
"i lavris [...] si fasin infûr, si strenzin intor di lui, lu cjapin dut, sù e jù, e la lenghe e bale une musiche dolce e disperade"
da "Anime" di Spirt Anonim
cjapâ v.tr.
(cja-pâ)
Meti in stât di fer o di arest
sinonimi
arestâ, becâ, brincâ, cucâ, curâ, grampâ, piâ, scuaiâ, gafâ, gatamâ
esempi
"une dì lu cjapin des sôs bandis che al ven jù de montagne e nol à documents, une robe che ai Todescs ur puce di stiç tant di calcolâlu partigjan"
da "Storie di Min" di Ivano Urli
"i dodis sotans che a vevin cjapâts e mandâts sot procès par cheste istesse reson, a son stâts ricognossûts inocents e molâts"
da "Int di masnade" di Alviero Negro
cjapâ v.tr.
(cja-pâ)
Rivâ dongje o intor, cjatâ intune cierte situazion o posizion
esempi
"i Vanuts a lavin [li di dôs muracis vanzadis di une bressane] a parâsi dal maltimp se ju cjapave a tradiment tal mieç dal cjamp"
da "Devant di dut il cîl" di Dino Virgili
"o vignîs ca di nô a parâsi se us cjape la ploie a viert"
da "La aghe da pît la cleve" di Dino Virgili
cjapâ v.tr.
(cja-pâ)
Rivâ a someti, a controlâ in graciis di une azion militâr
sinonimi
concuistâ, meti sot, ocupâ, sotanâ
esempi
"ta chei agns e je la vuere jenfri Vignesie e l'Imperi. Il conflit tra la Republiche di Sant Marc e i Asburcs al tache intal 1508 e al va indenant a sangloç fin al 1516. Ta chescj agns la Patrie dal Friûl e ven cjapade e molade dai doi esercits plui di une volte"
da "Il Friûl de Joibe Grasse dal 1511" di Carli Pup
"i comandants - i scriveve so pari - a capissin nome la lôr: par cjapâ une culine a son bogns come nuie di riscjâ un zovin. No san, lôr, un om ce che al vâl"
da "Dreute" di Riedo Pup
cjapâ v.tr.
(cja-pâ)
Sedusi, cjapâ tal laç
sinonimi
cjapâ tal laç, cjapâ te vuate, concuistâ, inmagâ, piâ, sedusi
esempi
"mi à cjapât cul so mût di fâ di misteri"
cjapâ v.tr.
(cja-pâ)
Tignî un ciert spazi
sinonimi
tignî, puartâ vie
esempi
"il puest che chel grant om al veve sielzût pes scuelis, al cjapave un toc di vignâl di un paron, mieç cjamp di une puare femine cun cuatri fruts che e no veve che chel, un toc di ort di un che al jere in Americhe e po par mieç al passave il canâl di irigazion"
da "Lis scuelis e la nêf" di Pieri Somede dai Marcs
"i cjistiei [di jets] a cjapin il sît par lunc, par traviers e cun di plui par adalt, stant che ogni cjistiel al à cuatri plans, ven a stâi cuatri brandis"
da "Storie di Vera" di Ivano Urli
"da une viertidure che e cjape mieze parêt cu la vereade a cuadrei di cristal e jentre une lûs sflandorose e a traviers i veris si viôt da lontan lis napis altis altis di une fabriche"
da "Un pugn di moscjis" di Pieri Somede dai Marcs
"al tirà fûr un libron che al cjapave dut il taulin, si sentà da gnûf lecantsi il dêt poleâr"
da "La aghe da pît la cleve" di Dino Virgili
cjapâ v.tr.
(cja-pâ)
Tignî impegnât
sinonimi
puartâ vie, domandâ, mangjâ
esempi
"individuâ un argoment dissiplinâr, un par classe, che al cjapàs ancje dome pocjis oris di lezion"
da "Memoriis di politiche linguistiche" di Adrian Cescje
"ancje in ducj chei altris dîs a son ingropâts un cul altri dutrine, alenament, compits di scuele, messis, voris di cjase, che mi cjapin la setemane complete"
da "Sul florî" di AAVV
cjapâ v.tr., v.intr.
(cja-pâ)
Di sensazions fisichis o psicologjichis, di sintiments, estris, atitudins e v.i., fâsi sintî a fuart, dominâ la persone (fig.)
sinonimi
becâ, dominâ, grampâ, cjoli, tacâ, travanâ, strenzi, muardi
esempi
"i veve tocjât la sede de piel e si jere sintût a cjapà di un sgrisul, dai pîts ae lidrîs de cope"
da "La tiere di Lansing" di Maria Forte
"biel che la lûs e leve murint sul imbrunî, mi à cjapât come un afan, une malinconie, une ribelion a chest scugnî simpri lassâ lis robis bielis a pene che si à scomençât a gjoldilis"
da "Sant Jacum, là che al finìs il mont" di Antoni Beline
"al scole ancjemò un pocjis di tacis e al monte sù sul cjadreon: la cjoche oratorie lu cjape dal dut… Al piert la reson, al tache a çavariâ e al dismentee dut"
da "Filosofie padronâl" di Riedo Pup
"ur veve cjapade la rabie, par vie, che al jere stât concedût ancje ai forescj di vignî a bati la aste"
da "Int di masnade" di Alviero Negro
"cjapât di une pôre istintive o sieravi une altre volte la puarte cu la clâf"
da "I forescj" di Alan Brusini, Gian Paolo Linda
"ma ce smanie us aie cjapâts, dulà vêso il sintiment, dulà intindêso e dulà crodêso di rivà?"
da "No sin bogns di fâ fieste" di Riedo Pup
cjapâ v.tr.
(cja-pâ)
Sintî, vê une sensazion fisiche o psicologjiche, un sintiment, un estri e v.i.
sinonimi
vê
esempi
"o ai cjapade tante di chê pôre, che il sanc mi è lât dut in aghe"
da "Il sium di Lissandri" di Franca Mainardis
"il princip che al veve cjapât simpatie tal gnûf amì lu pree di stâ cun lui un pôcs di dîs"
da "I trê cjadreons" di Andreina Nicoloso Ciceri
cjapâ v.tr.
(cja-pâ)
Sielzi e tignî a vore
sinonimi
cjapâ sù, cjoli a vore, cjoli, cjoli sù, tignî, cjapâ a vore
esempi
"cjapâ un lavorent"
"par cuvierzi i puescj di responsabil di cualifiche dirigjenziâl o di alte specializazion si pues cjapâ personâl a contrat a timp determinât"
da "Statût de Provincie di Udin" di
cjapâ v.tr.
(cja-pâ)
Tacâ a fâ une cierte funzion
sinonimi
cjapâ sù, cjoli
esempi
"cheste liberalitât e podeve produsi situazions creativis, ma par sigûr no cjatave la adesion di Tosoni, che cuntune vision plui pragmatiche a pene cjapade la incarghe [di diretôr] al invie di pet une riorganizazion de radio e de programazion"
da "Un Friûl difarent: i 90 mhz di Onde Furlane" di Max Mauro
cjapâ v.tr.
(cja-pâ)
Sielzi e tignî tant che compagn o compagne sentimentâl
sinonimi
cjoli, tirâ sù, tirâ dongje
esempi
"par fuarce che al è vedran: brut, stupit e ancje trist, cui aie di cjapâlu?"
cjapâ v.tr.
(cja-pâ)
Sielzi e meti in vore dopo di vê considerât plui pussibilitâts
sinonimi
cjoli
esempi
"Pierluigi Visintin al à let, studiât e in cualchi câs doprât soluzions za cjapadis di chescj tradutôrs"
da "Note dal curadôr ae traduzion dal Infier di Dante" di Sandri Carrozzo
"la linie uficiâl in Italie e je che nol è sucedût nuie, che il conflit linguistic nol esist, che no je mai stade cjapade nissune misure agressive par rivâ ae sostituzion linguistiche"
da "Il Friûl tra conflit invisibil e alienazion" di Sandri Carrozzo
"la vicinie si riunive sot il tei, in place, par che la int e fevelàs, e discutès e po e decidès. Li si sintive il pro e il cuintri e li si cjapave la decision"
da "I furlans e la partecipazion" di Riedo Pup
cjapâ v.tr.
(cja-pâ)
Sielzi e lâ par une strade, di une cierte bande, daûr di un ciert percors e v.i.
sinonimi
cjoli, fâ
esempi
"il prin toc si fasevilu a zigzag fra plantis vidricis di faiâr, po si cjapave une scjalute cui scjalins larcs che si strenzevin simpri plui"
da "La vuere sul Freikofel" di Pieri Menis
"Baldo al cjapà il troi dal ronc"
da "Devant di dut il cîl" di Dino Virgili
cjapâ v.tr.
(cja-pâ)
Acetâ alc o cdn. intun ciert mût, tignî intune cierte considerazion
esempi
"chei altris doi no si scomponin cuissà ce, tant che se no cjapassin la robe pardabon"
da "Par stradis lungjis" di Alan Brusini
"al veve imparât une robe che chei altris no savevin, ven a dî cjapâ lis robis cemût che a vignivin, cjalâlis di adalt, cun distance e cence passion"
da "Prime di sere" di Carlo Sgorlon
"tu cjapis lis robis masse sul tragjic tu"
da "Co l'amôr al cimie" di Costantino Smaniotto
cjapâ v.tr.
(cja-pâ)
Tratâ cdn. intun ciert mût (fig.)
esempi
"- No si sa ce maniere cjapâju! - al zonte Zaneto. - Siôrs po! Se o soi jo, o duar tun batifier!"
da "La gjambe di Zaneto" di Riedo Pup
"se jo o fos in te, chel frutat o provarès a cjapâlu cu lis buinis"
da "Chei di Muraie" di Pieri Menis
"ancje se si rabiisi nol covente cjapâ la int a malis peraulis"
cjapâ v.tr.
(cja-pâ)
In costruzions cu la preposizion "a", dâ jù, dâ pachis
esempi
"jo us cjapi ducj a bastonadis se no si tirais di bande"
da "La foghere" di Luciano Rocco
"sfaçât al jere stât! Ma lui no si jere inrabiât; se jal ves dite cualchidun altri lu varès cjapât a patafs"
da "Ta la ombre dal santuari" di Pieri Somede dai Marcs
cjapâ v.tr.
(cja-pâ)
Frontâ un ciert argoment, metisi a esaminâ cdn. o alc, dispès tal imperatîf in formis cun valôr enfatic o retoric
sinonimi
cjalâ, viodi, considerâ
esempi
"cjapìn, par esempli, la peraule «caritât». Par latin e ancje par talian al vûl dî «amôr»; amôr par Diu e pal prossim"
da "I furlans e la caritât" di Riedo Pup
cjapâ v.tr.
(cja-pâ)
Fâ jentrâ tal organisim, soredut mangjant o bevint
sinonimi
cjoli, bevi, gloti, mangjâ, parâ jù
esempi
"il miedi no mi à dât nissune punture, dome medisinis di cjapâ par bocje"
cjapâ v.tr.
(cja-pâ)
Di flum, lât, mâr e v.i., jessi destinatari de aghe puartade di un altri flum
esempi
"il Tiliment al cjape la aghe de Bût a ret di Cjanive di Tumieç "
cjapâ v.tr.
(cja-pâ)
Esponisi ai elements naturâi
sinonimi
cjoli
esempi
"tignî une plante dongje dal barcon par che e cjapi un pocje di lûs"
"taponiti di no cjapâ umit"
cjapâ v.tr.
(cja-pâ)
Jessi infetât di une malatie o tocjât di un stât patologjic o di un traume
sinonimi
becâ
esempi
"ma parcè stâstu intal frêt? Ma sêstu mat? E cence scarpis? Tu ti cjapis une polmonite, tu, frut, crôs di Diu!"
da "Il rucjin" di Laurin Zuan Nardin
"un dolôr sort. No mâl: un fastidi, come se o ves cjapât un cric o une slocje"
da "Tant parom" di Meni Ucel
cjapâ v.tr., v.intr.
(cja-pâ)
Tacâ a vê une cierte carateristiche
sinonimi
cuistâ
esempi
"il cogo si indurmidìs e tes pagjelis dut al cjape di stiç"
da "La fie e la fiastre" di Andreina Nicoloso Ciceri
"cui râfs si prepare un altri plat che si cjate dome te cusine furlane: la broade, fate cun chestis lidrîs tignudis a cjapâ di garp inte trape, gratadis, cuetis e servidis in gjenar par compagnâ cjar bulide o in altris ricetis"
da "Une regjon di cerçâ" di Sandri Carrozzo
"lis oris i puartarin un spi di clâr e la nêf e cjapà alc come di lune"
da "L'avôt" di Maria Forte
"o vin une alternance di senis che si davuelzin in plene nature, une nature salvadie e fuarte che ae fin e cjape un aspiet infernâl"
da "A esmorga" di Fabian Ros
cjapâ v.tr.
(cja-pâ)
Tacâ a compuartâsi intune cierte maniere
esempi
"Min e Barban lant dongjelaltris pe strade a àn cjapade cun di plui la mende di robâ cualchi robe a suiâ sul ôr dai curtîi, une gjachete, une cotule, un pâr di bregons"
da "Storie di Min" di Ivano Urli
"Michêl al veve cjapade la ande di lâ ogni domenie tor la une dopomisdì in cjase di gno barbe Grispi"
da "I macarons" di Meni Ucel
cjapâ v.intr.
(cja-pâ)
Preparâsi e lâ o tacâ o fâ alc a la svelte
sinonimi
cjapâ sù, cjapâsi sù
esempi
"tu cjapis e tu vâs cjase a polsâ"
da "Contis sot spirt" di Raffaele Serafini
cjapâ v.tr.
(cja-pâ)
Vê par vie di une origjin, di une cause e v.i. (fig.)
sinonimi
cjoli, ereditâ, trai
esempi
"une localitât impuartante dilunc de vie Postumie e jere chê di Ad Quadruvium (Codroip), che e cjapave il non de crosere cu la vie che di Concuardie e leve bande il Noric"
da "Protostorie e storie romane in Friûl" di AAVV
cjapâ v.tr.
(cja-pâ)
Riprodusi une figure, un ogjet, un ambient
sinonimi
fâ, tirâ jù, cjoli
esempi
"cjapâ un model di profîl"
cjapâ v.tr.
(cja-pâ)
Osservâ e regjistrâ un dât, une carateristiche e v.i.
sinonimi
misurâ
esempi
"cul jutori di robots si à proviodût a netâ il fabricât dal reatôr (1 Lui) e a cjapâ misuris dosimetrichis (2 Lui)"
da "Il disastri de centrâl nucleâr di Fukushima Dai-ichi" di Alessandro Pascolini
"cemût vuê? Âstu cjapade la pression? Ise simpri alte? "
cjapâ v.tr.
(cja-pâ)
Ancje ass., rivâ a vê un segnâl, spec. cuntune radio o une television
sinonimi
ricevi
esempi
"Checut al zire la manopule [de radio]: Beromünster… Monteceneri… Blue blue the love is blue… "Cjapade" al dîs il frutut"
da "Beromünster e Monteceneri" di Checo Tam
"o jeri in mont e il telefon nol cjapave"
cjapâ v.tr.
(cja-pâ)
Interpretâ intun ciert mût une peraule, une espression, un discors e sim.
sinonimi
intindi, interpretâ, capî
esempi
"il contest al è chel de maledizion di Caìn, ma si pues cjapâlu come une maledizion o un pês de vite stesse, cence implicazions di colpe e di pecjât"
da "Sant Jacum, là che al finìs il mont" di Antoni Beline
cjapâ v.tr.
(cja-pâ)
Pensâ che cdn. o alc a sedin cualchidun o alc altri che si somee
sinonimi
scambiâ, cjoli
esempi
"jê e la sô femine [dal protagonist de conte] a jerin tant che dôs gotis di aghe. Lis varessin cjapadis par zimulis"
da "Un piçul particolâr" di Fabian Ros
"un om che al à chê di cognossi la veretât al à di jessi bon di fâ la diference e di no cjapâ une cuarde par un sarpint o une lusigne par un ferâl"
da "Il lôf" di Fabian Ros
"a Casere Pâl Grant, barachis e barachins, restâts tant timp sepulîts sot de coltre blancje, si mostravin tal soreli: si varès podût cjapâju benissim par cjasutis di un borc di montagne"
da "La gleseute dai alpins" di Pieri Menis
cjapâ v.intr.
(cja-pâ)
Di une plante, meti lis lidrîs tal teren
sinonimi
inlidrisâsi, insedâsi
esempi
"intant il tei plantât za grant si jere brincât a fuart a la tiere. Al veve cjapât ben"
da "Il tei" di Maria Forte
cjapâ v.intr., v.tr.
(cja-pâ)
Di fûc, flame, combustibil e v.i., scomençâ a brusâ
sinonimi
piâsi, impiâsi, piâ, brusâ, impiâ
esempi
"il fûc al à cjapât il palaç dongje"
da "La salamandrie tal fûc" di Carlo Tolazzi
"dâi fûc al gjornâl; e soflâ par che a cjapin i stecs; e meti dentri i vidiçs par che il fûc si nudrissi"
da "La Gjis" di Meni Ucel
"voltait la çocje di chê altre bande, e cjape plui ben"
da "Vilie di Nadâl" di Pieri Somede dai Marcs
cjapâ v.intr.
(cja-pâ)
Di materiâl che si da sù tenar, e che dopo al à di leâ, di tignî dongje e v.i., indurîsi
esempi
"lassâ i tocs te smuarse par une ore par che la cole e cjapi ben"
"lassâ che il zes al cjapi e si sui par une dì prime di piturâ"
proverbi
"a fâ un plasê, si cjape doi displasês"
"al vûl mistîr in dut e lassâur cjapâ lis surîs ai gjats"
"ancje lis bolps vielis si lis cjape"
"bisugne cjapâ i uciei cuant che a passin"
"bisugne cjapâ lis vuitis cuant che a passin"
"bisugne lescjâ par cjapâ gjambars"
"cuant che il nûl al va a soreli jevât, mole il bo e va pal prât; cuant che il nûl al va a soreli a mont, cjape il bo e va a disconç"
"cuant che l'uciel al è fûr de scjaipule, si stente a cjapâlu"
"cui che al cjape il lot al cjape disgracie"
"cui che al da al torne a cjapâ"
"cui che al duar nol cjape pes"
"cui che al vûl cjapâ ducj i uciei che a passin no 'nt cjape nissun"
"cui che al vûl cjapâ il gût, bisugne che si bagni il cûl"
"cui che di gjat al nas al cjape surîs a scûr"
"cui che lis cjape a son sôs"
"cui che no si inzegne al cjape la tegne"
"cui sglavaçs no si cjape uciei"
"cul plui bati la strade, la bolp si cjape tal fier"
"cuntun sôl laç no si cjape il jeur"
"cuntune sole fave no si po cjapâ doi colomps"
"da la aghe si cjape il pes, dal fûc nuie"
"dut chel che di gjat al nas surîs al cjape"
"i cjatîfs: cjapâju cuant che a vegnin e lassâju lâ cuant che a van"
"i umign si cjapiju pe peraule, i bûs pai cuars"
"il durmion nol cjape pes"
"il mont al è come che si sa cjapâlu"
"il mont al è di cui che al sa cjapâlu"
"il ragn cu la sô tele al cjape moscjis ma no moscjons"
"il solt che si cjape a sotet al è un solt benedet"
"in vuere si va cun doi sacs: un par dâlis e un par cjapâlis"
"l'aur nol cjape magle"
"la strade plui curte a je chê che si cjape daurman"
"lasse cjapâ lis surîs ai gjats"
"lassii cjapâ la surîs al gjat"
"lis moscjis si lis cjape plui prest cu la mîl che no cul asêt"
"mâl par cui che lis da, piês par cui che lis cjape"
"more nere e intenç la ue: lasse la more, cjape la ue"
"no bisugne cjapâ dutis lis moscjis che a svolin"
"no si cjape lis moscjis cul asêt"
"plui adalt si va, plui grant bot si cjape"
"plui si cjape, plui si cjante"
"se nol è spavent no si cjape uciei"
"si cjape plui moscjis cuntune tace di mil, che no cuntune bote di asêt"
"tes barufis si va cun doi sacs: un par dâlis e un par cjapâlis"
"un len sec al cjape plui prest che no un vert"
"un len sec al cjape prime che no un vert"
Torna in Cima
Torna in Cima