Tu âs cirût la peraule
bilengâl monolengâl cognons
Tu âs cirût la peraule
gamba
torne indaûr

bilengâl

gamba s.f.
  • 1

    s.f. gjambe Copie

    [FO] (ognidun dai doi articui inferiôrs dal cuarp uman)
    alzarsi sulle gambe = jevâsi su lis gjambis
    avere le gambe storte = vê lis gjambis stuartis
    gamba snella = gjambe cervine
    sgranchirsi le gambe = slungjâ lis gjambis

    s.f. gjambe Copie

    (in loc.av., par pandi une misure)
    l'acqua arrivava a mezza gamba = la aghe e rivave a mieze gjambe

    s.f. gjambe Copie

    (ancje artificiâl)
    gamba artificiale = gjambe artificiâl
    gamba di legno = gjambe di len

    s.f. vie Copie

    (tal pl., tant che inter., par dî di scjampâ)
    gambe! Scappiamo! = vie! Scjampìn!

    s.f. gjambe Copie

    [TS] anat. (segment dal art inferiôr, tra zenoli e cjavile)
  • 2

    s.f. gjambe Copie

    [CO] (toc di bregons o cjalcis li che si met dentri la gjambe)
    la gamba destra dei pantaloni va un po' accorciata = la gjambe drete dai bregons e je di scurtâ un alc
  • 3

    s.f. gjambe, talpe Copie

    [CO] (articul dai animâi, talpe)
    le gambe del cane = lis talpis dal cjan
    quel cavallo è un po' debole alle gambe davanti = chel cjaval al è un pôc debil di talpis denant
  • 4

    s.f. gjambe Copie

    [CO] (toc di alc, soredut di un mobil, che al fâs di poie)
    le gambe del letto = i pîts dal jet
    le gambe del tavolino = lis gjambis dal taulin
    le gambe della sedia = lis gjambis de cjadree
  • 5

    s.f. gjambe Copie

    [CO] (ognidune des stangjis dal compàs)
    fissate la punta e regolate le gambe del compasso = fissait la ponte e regolait lis gjambis dal compàs
  • 6

    s.f. gjambe Copie

    [TS] aer. (ognidune des astis che a tegnin lis ruedis di un avion o i natants di un idrovolant)
  • 7

    s.f. gjambe, pît Copie

    [CO] (rie verticâl, spec. di letaris o notis musicâls)
    le gambe dell'acca = lis gjambis dal ache
  • 8

    s.f.

    [TS] gjeol. (cjale fianco)

locuzions

    avere buona gamba
  • vê une buine gjambe, jessi di buine gjambeCopie
    [CO], [TS] (cjaminâ svelt e cence fadie, jessi franc di cjaminâ)
    ha i suoi anni ma ha ancora buona gamba = al à i siei agns ma al à ancjemò une buine gjambe oppure al è ancjemò di buine gjambe
    • avere la gamba gigia
  • vê la gjambe mateCopie
    [CO] (cjaminâ çuet par vie di une malformazion)
    • fare il passo più lungo della gamba
  • fâ il pas plui lunc de gjambe, fâ il pêt plui grant de buse, fâ il gnoc plui grant de buseCopie
    [CO] (olsâ, infidâsi a fâ plui di ce che si pues)
    sono finiti tra i debiti per aver fatto il passo più lungo della gamba = si son inclaudâts tai debits par vê fat il pas plui lunc de gjambe
    • in gamba
  • in gjambeCopie
    [CO] (in buine salût, ancje tant che formule di auguri)
    in gamba eh! = mi racomandi, in gjambe! un vecchietto ancora in gamba = un vecjut ancjemò in gjambe
  • in gjambe, valentCopie
    [CO] (brâf, soredut in sens professionâl)
    mi serve un artigiano in gamba = mi covente un artesan in gjambe
  • in gjambe, valentCopie
    (brâf e inteligjent, cun spirt di iniziative)
    dei ragazzi in gamba = fantats in gjambe oppure valents
    • prendere sotto gamba
  • cjapâ sot gjambe, cjoli sot gjambeCopie
    [CO] (stimâ une situazion o ce che al dîs cdn. mancul impuartants di ce che a varessin di sei)
    è meglio non prendere la situazione sotto gamba = al è miôr no cjoli la situazion sot gjambe

monolengâl

vie s.f.
(vi-e)
Strade, spec. cun edificis in bande
sinonims
borc, contrade, strade
esemplis
"une vie secondarie"
"un paisut che cumò al conte a pene dusinte animis e dôs viis metudis in crôs"
gjavât fûr di "Faliscjis" di Cristina Noacco
vie s.f.
(vi-e)
Percors, itinerari, direzion
sinonims
itinerari, percors, strade
esemplis
"la scuadre si incjaminà pe vie de montagne puartant cun se l'inglês"
gjavât fûr di "Il muc" di Roberto Ongaro
"a tacâ dal insediament etrusc di Spina la viticulture si sparnice inte planure padane, viers ocident e viers orient, dilunc la vie de ambre che e rivave al Baltic passant pal Friûl"
gjavât fûr di "Storie curte de vît in Friûl" di Enrico Peterlunger
vie s.f.
(vi-e)
Puest par li che si pues passâ
sinonims
pas, passaç
esemplis
"chê int e dîs che li e scomence une galarie che e taie la valadute di Socastoie e po e va sù fin tal cjistiel di Mont. Duncje, une vie segrete"
gjavât fûr di "Lis leiendis di Buie" di Pieri Menis
"cuntun baston di fier spiçât al jere za rivât a fâ une biele buse tal solâr de sô cele [...] par la cuâl la vie di scjampâ e jere biele che pronte"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
vie s.f.
(vi-e)
[TS] (sport) Intal alpinisim, itinerari in rimpinade fat di une cuardade o di un scjaladôr singul
esemplis
"[Julius Kugy] al vierzè cetantis viis gnovis, sicu la diretissime Nord dal Montâs"
gjavât fûr di "Cuatri peraulis su Julius Kugy" di Ermanno Dentesano
vie s.f.
(vi-e)
Maniere di procedi intal fâ alc, complès di azions, imprescj e v.i. doprâts par rivâ a un fin (fig.)
sinonims
forme, maniere, metodi, mieç, mût, sisteme
esemplis
"e sarès une vie par salvâ la tô anime"
gjavât fûr di "Cretevierte" di Roberto Ongaro
"Malignani al met a pont la sô tecniche [par fâ il vueit] che e seguìs la vie chimiche"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
vie s.f.
(vi-e)
Strât
esemplis
"si bute parsore chel biel façoleton di tûl a trê viis di ricam"
gjavât fûr di "La plui biele" di Catarine Percude
vie s.f.
(vi-e)
[TS] (agr.) Linie lungje e strete di jerbe, forment e v.i. che e derive di un ciert lavôr o che e je prontade par un ciert lavôr
esemplis
"il soreli si sbassave daûr lis polessis altis là vie e al petave ca a stris su lis viis de jerbe seade"
gjavât fûr di "La massarie" di Dino Virgili
"Sant Pieri [...] al corè jù in curtîl a cjapâ il batali e a scomençâ la prime vie"
gjavât fûr di "Il prin sarasin" di Catarine Percude
vie s.f.
(vi-e)
[TS] (anat.) Canâl dal organisim
esemplis
"Cemût si cjapie [la influence]? De int za malade traviers lis viis respiratoriis cul tossi, il stranudâ..."
gjavât fûr di "No stâ a fâti influençâ. Vaciniti." di Aministrazion Publiche
vie av.
(vi-e)
Al pant slontanament o lontanance
sinonims
lontan
esemplis
"la polizie, cirint di mandâ vie dai zovins che si jerin sentâts sul pedrât e dopre lis manieris fuartis"
gjavât fûr di "Il fotogram mancjant. Un Friûl cence memorie storiche audiovisive" di Fabian Ros
"la sô femine e veve parturît intant che lui al jere vie"
gjavât fûr di "Cretevierte" di Roberto Ongaro
vie av., inter.
(vi-e)
Al forme locuzions di comant par dâ il vie a une gare, a un zûc e v.i.
esemplis
"pronts, vie!"
"un, doi, trê, vie!"
vie av., inter.
(vi-e)
Tant che esortazion gjeneriche
sinonims
sù, sù mo, sù po, anìn
esemplis
"o cjampanis, cjampanis / vie sunait sul nestri tor, / sunait la pâs fra i umign / e la glorie dal Signôr"
gjavât fûr di "L'ultin cordo" di Pieri Somede dai Marcs
vie av.
(vi-e)
Cun prime la preposizion "a" e un adietîf o sostantîf al forme locuzions di mût
esemplis
"i mûrs di colôr simpri resint e cuadris in suaze e mobilie di lustrifin, a siôr vie"
gjavât fûr di "La aghe da pît la cleve" di Dino Virgili
"jo mi sintivi seneôs di fâ come lui, come se cumò o pierdès a stupit vie il gno timp"
gjavât fûr di "Il dolfin" di Carlo Sgorlon
"a tornavin a cjase ducj i fornasîrs, plumis tirolesis di fasan o di gjal cedron sul cjapiel vert, a muc vie"
gjavât fûr di "Varc di confin" di Maria Forte
"jo o cognòs la int di Gargagnà: chê che e fâs Nadâl a cristian vie, e chê che lu fâs in altris manieris"
gjavât fûr di "Lis predicjis dal muini" di Josef Marchet
"un Friûl – furlan, sloven, todesc e talian – che ae europeane vie si pues definîlu «unît inte diversitât»"
gjavât fûr di "La Patrie, la Fieste e la propueste di leç regjonâl" di Marc Stolf
vie prep.
(vi-e)
Par segnâ une operazion di sotrazion
sinonims
mancul, gjave, gjavât
esemplis
"dodis vie doi, dîs"
gjavât fûr di "Marilenghe gramatiche furlane" di Zuan Nazzi Matalon
vie prep.
(vi-e)
[BF] Par introdusi un complement di mieç
sinonims
par, cun
esemplis
"fâ che la divulgazion de opare presentade e sedi davuelte inte forme che e je plui economiche: la difusion vie web"
gjavât fûr di "Memoriis di politiche linguistiche" di Adrian Cescje
vie prep.
(vi-e)
[BF] Par indicâ une secuence
sinonims
daûr
esemplis
"Alvise al tacà a tirâ une lame vie chê altre dulintor de figure de fantate, poiade cuintri une bree piturade di neri"
gjavât fûr di "Prime di sere" di Carlo Sgorlon
detulis
"cui trê rês de Pifanie va decîs par la tô vie"
"fûr il dint e vie il dolôr"
"la bausie e à curte vie"
"la femine e à di vê braçs di açâl, panze di furmie e lenghe scjampe vie"
"un solt butât vie di un mat, al è racolt di un savi"
torne sù

cognons

Gamba
Di un sorenon che al fâs intindi cualchi carateristiche fisiche de persone. Si lu cjate a Udin e a Pordenon.
fonts
1581 Menigo della Gamba de Fossalta, acquista beni in Portogr. (ASU CRS 390); 1609 Rev.do Ant. Gamba curato Villarum Vinarij et Basaldella, teste a Testam. in Fanna (ASU CRS 219/1); 1658 Angiola Gamba fornara, salariata del Co. Florio di Udine (ASU Florio 115); 1695 Sig. Mathia Gamba mercante in Aiello, debitore nobb. Zucco (ASU Zucco 27); 1781 Nob. Sig. Gio. Dom.co Gamba, fittuale in Perteole (ASU CRS 350).
Gambarini
Diminutîf dal non di persone di origjin gjermaniche Gàmbara; in principi si lu deve sedi ai masclis che aes feminis, po al è deventât un masculin, Gàmbaro, par vie dal adatament ae morfologjie taliane, ancje pe influence dal non dal crustaci "gambero" ("gjambar" par furlan) (Rapelli, 1995). Intal Schedari Corgnali: 1408 Petrum Gambarutij a Glemone; 1491 Leonardus Dominici Gambarini de Topo; 1556 Mathia Gambarutto de Viscon. Tal 1574 m. G. B. Gamberin da Pordenone, campanaro della Confraternita SS. Rocco, Sebastiano e Gottardo (Biasutti). Presint a Udin.
fonts
Atestazions par Gàmbaro. Intal Schedari Corgnali: 1343 Gambera de Gruario; 1522 del Gambaro a Muscli; 1556 Culau dal Gambaro de Rividischia; 1573 Colao di Mattia del Gambaro a Muscli. 1543 Lonardo del Gambaro di Muscletto fitt. nobb. Colloredo (ASU Perusini 761.8); 1583 Leonardo Gambaro de Berteolo (ASU CRS 30).
Gambato
Di gamba, cu la zonte dal classic sufìs cognominâl venit -ato. Al pues jessi duncje un patronimic: “fi di un dit Gamba ". Presint a Cjaurlis.
torne sù