Tu âs cirût la peraule
bilengâl monolengâl
Tu âs cirût la peraule
ginepraio
torne indaûr

bilengâl

ginepraio s.m.
  • 1

    s.m. baranclade Copie

    [CO] (lûc li che a cressin baranclis)
    il sentiero attraversa un ginepraio e poi una pineta = il troi al passe par une baranclade e po dopo par une pinede
  • 2a

    s.m. berdei, gredei, baraçâr Copie

    [CO] (situazion un grum complesse)
    la polizia non riusciva a orientarsi in un ginepraio di prove false = la polizie no rivave a cjatâ il dret intun baraçâr di provis falsis
  • 2b

    s.m. berdei, gredei, baraçâr Copie

    [CO] (discors o scrit che no si capìs nuie)
    quel racconto è un ginepraio di citazioni letterarie = chê conte e je un berdei di citazions leterariis

monolengâl

berdei s.m.
(ber-dei)
Grop o grum complicât, disordenât, intrigôs e v.i.
sinonims
garbui, gredei, grop, imberdei, ingredei, intric, involuç, voluç, imbroi
esemplis
"ur racomandà di platâsi parsore di un palc, sot dai trâfs, jenfri grovis e berdeis di ferace inrusinide"
gjavât fûr di "Cjase di Dalban" di Maria Forte
"a son plombâts jù dal cjamin sul paviment dal tunel cun dute la armadure. A jerin lis dôs, e prin di sere no vevin ancjemò no finît di tirâju fûr dal berdei di materiâl"
gjavât fûr di "Fieste di inaugurazion" di Agnul di Spere
Viôt ancje: bredei
berdei s.m.
(ber-dei)
Situazion, discors, concet e v.i. complicât e confusionât (fig.)
sinonims
diauleç, garbui, gredeade, grop, imberdei, ingredei, intric, involuç, pastiç, pastiel, petule, imbroi, gredei, casin, bordel
esemplis
"par savê alc di plui, ma dal berdei dai pinsîrs, dai se e dai ma, i vignive simpri la stesse rispueste"
gjavât fûr di "Il muc" di Roberto Ongaro
"lis cuistions plui minudis a deventin berdeis, i afaruts di aministrazion ordenarie a dismovin davois sore davois"
gjavât fûr di "Barufis" di Josef Marchet
"esemplâr di rincobeât çondarôs bon nome di meti in pins berdeis che no puartin di nissune bande"
gjavât fûr di "Donald dal Tiliment" di Stiefin Morat
berdei s.m.
(ber-dei)
Situazion o fat contrari e dificil di passâ, che al met in dificoltât
sinonims
casin, clotie, cuistion, fastidi, grane, imbroi, impaç, inconvenient, ingredei, intrigatori, lambic, malan, malore, mateç, naine, pastiç, rogne, secjade, vuai, cantin, impediment, pastorie, ostacul, pidiment, complicazion, imberdei, gredei
esemplis
"insome fastidis fin vonde par un om malât e no usât ai berdeis de vite che a risultin tes cumbinis"
gjavât fûr di "Come tai romançs" di Alan Brusini
"pussibil che intun paîs di cent e passe fameis [...] nol sei pussibil cjatâ il cjaveç di un berdei di cheste fate!"
gjavât fûr di "Lis predicjis dal muini" di Josef Marchet
"no tu vignarâs fûr ancje tu a meti berdeis!"
gjavât fûr di "Il figâr dal plevan" di Pieri Menis
berdei s.m.
(ber-dei)
Sensazion di vergogne, di sudizion, di dificoltât psicologjiche o relazionâl cun chei altris (fig.)
sinonims
intric, sudizion, imberdei
esemplis
"me gjoldei cuntune ponte di malizie bonarie a viodi il berdei dal vieli comissari politic partigjan Mario Licêr, cuant che i capità di intervignî a dî la sô in fat di tutele des minorancis"
gjavât fûr di "Memoriis di politiche linguistiche" di Adrian Cescje
torne sù
torne sù