Tu âs cirût la peraule
bilengâl monolengâl
Tu âs cirût la peraule
invadere
torne indaûr

bilengâl

invadere v.tr.
  • 1

    v.tr. jentrâ, cjapâ, invadi, vignî dentri Copie

    [FO] (jentrâ cu la fuarce intun teritori par ocupâlu, o ancje par fiscâlu e sim.)
    i barbari avevano invaso il territorio = i barbars a vevin cjapât il teritori
  • 2a

    v.tr. invadi Copie

    [FO] (jentrâ intun sît intune forme no regolâr e no abituâl)
    i dimostranti hanno invaso il palazzo della provincia = i dimostrants a àn invadût il palaç de provincie
    i tifosi hanno invaso il campo = i tifôs a àn invadût il cjamp
  • 2b

    v.tr. jemplâ, invadi Copie

    [FO] (jentrâ intun sît in tancj)
    i ragazzi hanno invaso il cortile = i fruts a àn invadût il curtîl
    i visitatori hanno invaso la mostra = i visitadôrs a àn invadude oppure jemplade la mostre

    v.tr. invadi Copie

    gli amici mi hanno invaso la casa = i amîs mi àn invadude la cjase
  • 3a

    v.tr. slargjâsi, jemplâ, invadi, spandisi, cjapâ possès Copie

    [FO] (di bestiis, plantis e sim., cjapâ pît fasint dam)
    i topi hanno invaso il solaio = lis surîs a àn jemplât il cjast oppure il cjast al è plen di surîs
    le erbacce invadono il giardino = la grame si slargje pal oppure e jemple il zardin
  • 3b

    v.tr. slargjâsi, cjapâ, invadi, spandisi Copie

    [FO] (difondisi tun sît)
    il morbo ha invaso il paese = la malatie si à spandude pal paîs

    v.tr. inagâ, inondâ, spandisi Copie

    (slargjâsi, dit de aghe)
    l'acqua ha invaso anche la strada = la aghe e à inondât ancje la strade
  • 4

    v.tr. slargjâsi, inondâ, invadi, spandisi Copie

    [FO] (di prodot mercantîl)
    i prodotti giapponesi stanno invadendo il mercato = i prodots gjaponês a son daûr a inondâ il marcjât
  • 5

    v.tr. cjapâ, travanâ Copie

    [FO] (di passion, sintiment e sim., cjapâ)
    la paura lo invade completamente = la pôre lu cjape di insom fin da pît
  • 6

    v.tr. invadi Copie

    [FO] (jentrâ in cuistions che a son di competence di altris)
    invadere il campo d'azione del collega = invadi la sfere di azion dal coleghe oppure puartâi vie la vore al coleghe

monolengâl

cjapâ v.tr.
(cja-pâ)
Strenzi o tacâ a strenzi e a tignî cu lis mans
sinonims
brancâ, brincâ, cjapâ sù, cjoli, cjoli sù, gafâ, grampâ, imbrincâ, ingrampâ, racuei, tirâ sù
esemplis
"Zuantoni in serpe al cjalave fis devant, tal scûr. Ogni tant al cjapave lis redinis tune man sole e cun chê altre al palpave un pac, in bande, di no pierdilu"
gjavât fûr di "La massarie" di Dino Virgili
"la fie che e jere furbe, e cjape piron, curtìs e sedon che a jerin di aur, e ju sgnache te sachete di so pari"
gjavât fûr di "Maletegne" di Andreina Nicoloso Ciceri
"al lusôr dal frigo viert Zac Moraulis al scrusignâ chel vueit cence sperance dai riplans, po al cjapà un bussulot di jogurt, al controlà la date e lu butà vie parcè che al jere scjadût"
gjavât fûr di "Light my Fire" di Franco Marchetta
cjapâ v.tr.
(cja-pâ)
Strenzi o tacâ a strenzi cdn. e a tignîlu, massime cu lis mans e cui braçs, ancje tirantlu sù, sedi par afiet, che par judâ, che par fâ dal mâl e v.i.
sinonims
brincâ, cjoli, cjoli sù, grampâ, imbrincâ, ingrampâ, tirâ sù, strenzi, striçâ, strucâ
esemplis
"Vera e cjape Werner tal braç, che al è spaurît e nol sa ce fâ e indulà lâ a platâsi, lu ten parât sot di se e lu cuiete a sun di bussadis"
gjavât fûr di "Storie di Vera" di Ivano Urli
"intun empit di rabie, i salte intor e lu cjape pal stomi"
gjavât fûr di "Int di masnade" di Alviero Negro
cjapâ v.tr.
(cja-pâ)
[CO] (zûcs) Ancje ass., intai zûcs di cjartis, meti une cjarte che e jere su la taule, tal mac o zuiade di chei altris, tra chês che si à in man o tra chês vinçudis
sinonims
cjapâ sù, cjoli, cjoli sù, tirâ sù, pescjâ
esemplis
"al sarès bastât cjapâ un fant, dome un umil fant ma, par disgracie, il so compagn Meni al jere parimentri dordel come Mario e nol capì che l’amì al veve il capon"
gjavât fûr di "Se ti perdi tuo danno" di Checo Tam
"Toful al cjapà il pio e al poià lis cjartis sieradis sul ôr de taule, al ingrampà la sô tace e le scolà tune glotude butant il cjâf indaûr"
gjavât fûr di "La aghe da pît la cleve" di Dino Virgili
cjapâ v.tr.
(cja-pâ)
Fâ in mût di vê alc a disposizion, cul lâ a procurâsal e cul tignîlu sot man par podê doprâlu
sinonims
cjapâ sù, cjoli, cjoli sù
esemplis
"cjapâ 1 litri di lat di mandule: gjavâ un cop par disfâ l'amit di blave intune scudiele e meti a boli il rest cu la piel di limon e la bachete di canele, cuant che al jeve il bol studâ e lassâ in infusion"
gjavât fûr di "Menjar blanc" di Sandri Carrozzo
cjapâ v.tr.
(cja-pâ)
Sielzi e comprâ
sinonims
cjoli, comprâ, cuistâ
esemplis
"o cjapi trê etos di formadi di chel vecjo, par plasê"
"za che tu vâs fûr, passe ancje a cjapâ il pan"
cjapâ v.tr.
(cja-pâ)
Doprâ come mieç di traspuart
sinonims
cjoli
esemplis
"scuintiât, scanât, scunît e avilît no i restave nuie altri che cjapâ l'avion e tornâ a cjase"
gjavât fûr di "Eivissa mon amour" di Fabian Ros
"no cjapâ la machine co no si à di slontanâsi plui di chel tant; fâ lis scjalis e no cjapâ l'assensôr"
gjavât fûr di "Metiti in moto!" di Guglielmo Pitzalis
"ogni an lis solitis robis: la bande, il pichet di onôr, i intervents des autoritâts, i discors dai uficiâi de caserme e po il president dai combatents… e finalmentri il ghiringhel prime di tornâ a cjapâ la coriere"
gjavât fûr di "Lis pinessis" di Checo Tam
cjapâ v.tr.
(cja-pâ)
Ricevi, acetâ alc che al ven proferît
sinonims
cjoli, ricevi, vê
esemplis
"la prevision de radiazion di fonts a 3 grâts Kelvin e je stade sperimentalmentri verificade (e i verificadôrs a àn par chest cjapât il premi Nobel)"
gjavât fûr di "Teologjie algjebriche" di Sergio Cecotti
"il dì di sant Roc si menin li, in rie sul ôr de strade, i nemâi dal Borc a cjapâ la benedizion"
gjavât fûr di "La Çucule" di Dino Virgili
cjapâ v.tr.
(cja-pâ)
Jentrâ in possès ma no in proprietât di alc, a ciertis cundizion
sinonims
cjoli
esemplis
"cjapâ un libri de biblioteche publiche"
"cjapâ a fit un apartament"
cjapâ v.tr.
(cja-pâ)
Jentrâ in possès di alc che al ven consegnât, che al jere stât mandât e v.i.
sinonims
cjapâ sù, cjoli sù, tirâ, tirâ sù, vê, ricevi
esemplis
"al è stât cussì che une dì o cjapi une letare dal prefet che al mi dîs di tornâ a studiâ la pratiche e intant di spietâ prin di lâ indenant"
gjavât fûr di "Lis scuelis e la nêf" di Pieri Somede dai Marcs
"lâ a cjapâ un certificât in comun"
cjapâ v.tr.
(cja-pâ)
Puartâ vie alc, spec. cu la fuarce, cul imbroi o cence vê dirit
sinonims
cjoli sù, cucâ, curâ, puartâ vie, cjoli, netâ, netâ sù, netâ vie
esemplis
"i laris a son jentrâts di gnot e a àn cjapât bêçs e robe di valôr"
"Pine i veve contât a Tite la vitace che e veve fate di zovine e ce che e faseve cui vedrans par cjapâur i bêçs e la robe, e i veve domandât perdon imbroiantlu ancjemò une volte par che al murìs in pâs"
gjavât fûr di "Chei di Muraie" di Pieri Menis
cjapâ v.tr.
(cja-pâ)
Rivâ a otignî un titul di studi, une licence, un titul e v.i.
sinonims
cjoli
esemplis
"si sin fats il cûl noaltris par laureâsi, par cjapâ la specializazion, altri che pierdi timp ator pes stradis come chei ca"
gjavât fûr di "La maiute di Zidane" di Maurizio Mattiuzza
"cuant che a sintirin che al veve cjapade la patente si ingrisularin e si domandarin scaturîts cui che al jere stât chel batecul che i veve dât in man une arme tant pericolose"
gjavât fûr di "Pre Pitin" di Antoni Beline
cjapâ v.tr.
(cja-pâ)
Rivâ a otignî alc di no materiâl, massime alc che al ven dât di altris par fiducie
sinonims
vê, ricevi
esemplis
"cjaparìno avonde vôts par jessi determinants, al ven a stâi par mudâ il cors de storie tune direzion positive?"
gjavât fûr di "Il risultât eletorâl dai partîts di identitât teritoriâl - A case study: Scottish National Party" di Sergio Cecotti
"pe assemblee ogni soci al pues cjapâ la deleghe di un sôl altri soci che nol pues vignî"
"se alc al funzione, nuie di miôr che fâlu incressi e cjapâ i compliments"
gjavât fûr di "Comunicâ la autonomie" di Sandri Di Suald
cjapâ v.tr.
(cja-pâ)
Rivâ in timp par scoltâ, viodi e v.i.
esemplis
""Sêstu lât ae conference?" "Sì ma o soi rivât tart e o ai cjapât dome la code""
"a lavin a cjapâ un toc de Messe e dal Jespui di Pre Zaneto"
gjavât fûr di "Cjase di Dalban" di Maria Forte
cjapâ v.tr.
(cja-pâ)
Vê di patî alc di negatîf
sinonims
becâ, vê, vanzâ, puartâ dongje, puartâ a cjase
esemplis
"la Gjermanie aie cjapadis chês vuadulis che le fasin cainâ cumò, cuant che e jere une federazion di tancj stâts scuasi indipendents?"
gjavât fûr di "Cjalâ plui inlà" di Josef Marchet
"scugnî stâ zitos e cuços, di une pestadice a chê altre, a sopuartâ robariis, mangjariis e a cjapâ rips tal cûl di ognidun che al rivave"
gjavât fûr di "Int di masnade" di Alviero Negro
cjapâ v.tr.
(cja-pâ)
Vê une pene, une condane, un cjastì e v.i.
esemplis
"la uniche lenghe che si podeve doprâ a scuele e jere il talian, intant che a fevelâ par furlan (e ancjemò di plui par sloven), si podeve cjapâ une multe"
gjavât fûr di "La colonie" di Sandri Carrozzo
"si spietave la fusilazion. E invezit al à cjapât nome sîs mês di galere"
gjavât fûr di "Il prin moto" di Riedo Pup
cjapâ v.tr.
(cja-pâ)
Rivâ un bersai
sinonims
cucâ, rivâ
esemplis
"dal 1941 lis primis bombis a àn cjapât Berlin e la aministrazion e à stabilît di stramudâ fûr de citât lis oparis artistichis e i documents storics"
gjavât fûr di "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin
"ogni un tant de rive çampe de Vorska i canons a sbaravin. I ricovars che i alpins a vevin prontâts in presse a tignivin dûr, se no ju cjapavin in plen"
gjavât fûr di "Cjalant la rive" di Agnul di Spere
cjapâ v.tr.
(cja-pâ)
Rivâ a pâr cun cualchidun altri
esemplis
"par i siei cutuardis agn al jere ben metût, al veve zaromai cjapât il pari in altece"
gjavât fûr di "La salamandrie tal fûc" di Carlo Tolazzi
"cheste domenie, se l'Udin al vinç al cjape il Milan"
cjapâ v.tr.
(cja-pâ)
Racuei e puartâ vie alc che si cjate
sinonims
cjoli, cjapâ sù, cjoli su
esemplis
"lâ tal bosc a cjapâ sparcs di ruscli"
cjapâ v.tr.
(cja-pâ)
Rivâ a tignî o a copâ une bestie, spec. cjaçant o pescjant
sinonims
becâ, brincâ, cjaçâ, cucâ, curâ, pescjâ
esemplis
"fin sot la rive di Sant Pieri si slungjavin pocis e poçalis e plui injù la roie e il lavio dulà che Diu al semenave par lui vriutis, tencjis, gjavedons, bisatis, sgjardui e temui. Se l'om al cjapave alc di plui preseât, Taresie i diseve: - Chest vendilu ae Siore"
gjavât fûr di "Il vivi al è chel rangjâsi" di Maria Forte
"al pensave che, dopo, chei uciei ju cjapave lui te sô bressane incurnisade di vert"
gjavât fûr di "Il vivi al è chel rangjâsi" di Maria Forte
cjapâ v.tr.
(cja-pâ)
Rivâ a tocjâ, a tignî o a stratignî cdn.
esemplis
"e Nando a clamâju [i fruts], a berlâur, a scufiotâju ancje, co al rivave a cjapâju, che nol jere tant facil, che a jerin tant che faìnis"
gjavât fûr di "Il muini" di Meni Ucel
cjapâ v.tr.
(cja-pâ)
Vê une relazion sessuâl, o ancje obleâ a vê une relazion sessuâl
sinonims
doprâ, foti, fotâ
esemplis
"un che mi è jentrât tal jet che o jeri dome une frutine e che mi à cjapade cun fuarce e dispresit"
gjavât fûr di "Se Diu al vûl" di Antescûr
cjapâ v.tr.
(cja-pâ)
Intun rapuart sessuâl, jessi penetrât o fâsi penetrâ
esemplis
"i lavris [...] si fasin infûr, si strenzin intor di lui, lu cjapin dut, sù e jù, e la lenghe e bale une musiche dolce e disperade"
gjavât fûr di "Anime" di Spirt Anonim
cjapâ v.tr.
(cja-pâ)
Meti in stât di fer o di arest
sinonims
arestâ, becâ, brincâ, cucâ, curâ, grampâ, piâ, scuaiâ, gafâ, gatamâ
esemplis
"une dì lu cjapin des sôs bandis che al ven jù de montagne e nol à documents, une robe che ai Todescs ur puce di stiç tant di calcolâlu partigjan"
gjavât fûr di "Storie di Min" di Ivano Urli
"i dodis sotans che a vevin cjapâts e mandâts sot procès par cheste istesse reson, a son stâts ricognossûts inocents e molâts"
gjavât fûr di "Int di masnade" di Alviero Negro
cjapâ v.tr.
(cja-pâ)
Rivâ dongje o intor, cjatâ intune cierte situazion o posizion
esemplis
"i Vanuts a lavin [li di dôs muracis vanzadis di une bressane] a parâsi dal maltimp se ju cjapave a tradiment tal mieç dal cjamp"
gjavât fûr di "Devant di dut il cîl" di Dino Virgili
"o vignîs ca di nô a parâsi se us cjape la ploie a viert"
gjavât fûr di "La aghe da pît la cleve" di Dino Virgili
cjapâ v.tr.
(cja-pâ)
Rivâ a someti, a controlâ in graciis di une azion militâr
sinonims
concuistâ, meti sot, ocupâ, sotanâ
esemplis
"ta chei agns e je la vuere jenfri Vignesie e l'Imperi. Il conflit tra la Republiche di Sant Marc e i Asburcs al tache intal 1508 e al va indenant a sangloç fin al 1516. Ta chescj agns la Patrie dal Friûl e ven cjapade e molade dai doi esercits plui di une volte"
gjavât fûr di "Il Friûl de Joibe Grasse dal 1511" di Carli Pup
"i comandants - i scriveve so pari - a capissin nome la lôr: par cjapâ une culine a son bogns come nuie di riscjâ un zovin. No san, lôr, un om ce che al vâl"
gjavât fûr di "Dreute" di Riedo Pup
cjapâ v.tr.
(cja-pâ)
Sedusi, cjapâ tal laç
sinonims
cjapâ tal laç, cjapâ te vuate, concuistâ, inmagâ, piâ, sedusi
esemplis
"mi à cjapât cul so mût di fâ di misteri"
cjapâ v.tr.
(cja-pâ)
Tignî un ciert spazi
sinonims
tignî, puartâ vie
esemplis
"il puest che chel grant om al veve sielzût pes scuelis, al cjapave un toc di vignâl di un paron, mieç cjamp di une puare femine cun cuatri fruts che e no veve che chel, un toc di ort di un che al jere in Americhe e po par mieç al passave il canâl di irigazion"
gjavât fûr di "Lis scuelis e la nêf" di Pieri Somede dai Marcs
"i cjistiei [di jets] a cjapin il sît par lunc, par traviers e cun di plui par adalt, stant che ogni cjistiel al à cuatri plans, ven a stâi cuatri brandis"
gjavât fûr di "Storie di Vera" di Ivano Urli
"da une viertidure che e cjape mieze parêt cu la vereade a cuadrei di cristal e jentre une lûs sflandorose e a traviers i veris si viôt da lontan lis napis altis altis di une fabriche"
gjavât fûr di "Un pugn di moscjis" di Pieri Somede dai Marcs
"al tirà fûr un libron che al cjapave dut il taulin, si sentà da gnûf lecantsi il dêt poleâr"
gjavât fûr di "La aghe da pît la cleve" di Dino Virgili
cjapâ v.tr.
(cja-pâ)
Tignî impegnât
sinonims
puartâ vie, domandâ, mangjâ
esemplis
"individuâ un argoment dissiplinâr, un par classe, che al cjapàs ancje dome pocjis oris di lezion"
gjavât fûr di "Memoriis di politiche linguistiche" di Adrian Cescje
"ancje in ducj chei altris dîs a son ingropâts un cul altri dutrine, alenament, compits di scuele, messis, voris di cjase, che mi cjapin la setemane complete"
gjavât fûr di "Sul florî" di AAVV
cjapâ v.tr., v.intr.
(cja-pâ)
Di sensazions fisichis o psicologjichis, di sintiments, estris, atitudins e v.i., fâsi sintî a fuart, dominâ la persone (fig.)
sinonims
becâ, dominâ, grampâ, cjoli, tacâ, travanâ, strenzi, muardi
esemplis
"i veve tocjât la sede de piel e si jere sintût a cjapà di un sgrisul, dai pîts ae lidrîs de cope"
gjavât fûr di "La tiere di Lansing" di Maria Forte
"biel che la lûs e leve murint sul imbrunî, mi à cjapât come un afan, une malinconie, une ribelion a chest scugnî simpri lassâ lis robis bielis a pene che si à scomençât a gjoldilis"
gjavât fûr di "Sant Jacum, là che al finìs il mont" di Antoni Beline
"al scole ancjemò un pocjis di tacis e al monte sù sul cjadreon: la cjoche oratorie lu cjape dal dut… Al piert la reson, al tache a çavariâ e al dismentee dut"
gjavât fûr di "Filosofie padronâl" di Riedo Pup
"ur veve cjapade la rabie, par vie, che al jere stât concedût ancje ai forescj di vignî a bati la aste"
gjavât fûr di "Int di masnade" di Alviero Negro
"cjapât di une pôre istintive o sieravi une altre volte la puarte cu la clâf"
gjavât fûr di "I forescj" di Alan Brusini, Gian Paolo Linda
"ma ce smanie us aie cjapâts, dulà vêso il sintiment, dulà intindêso e dulà crodêso di rivà?"
gjavât fûr di "No sin bogns di fâ fieste" di Riedo Pup
cjapâ v.tr.
(cja-pâ)
Sintî, vê une sensazion fisiche o psicologjiche, un sintiment, un estri e v.i.
sinonims
vê
esemplis
"o ai cjapade tante di chê pôre, che il sanc mi è lât dut in aghe"
gjavât fûr di "Il sium di Lissandri" di Franca Mainardis
"il princip che al veve cjapât simpatie tal gnûf amì lu pree di stâ cun lui un pôcs di dîs"
gjavât fûr di "I trê cjadreons" di Andreina Nicoloso Ciceri
cjapâ v.tr.
(cja-pâ)
Sielzi e tignî a vore
sinonims
cjapâ sù, cjoli a vore, cjoli, cjoli sù, tignî, cjapâ a vore
esemplis
"cjapâ un lavorent"
"par cuvierzi i puescj di responsabil di cualifiche dirigjenziâl o di alte specializazion si pues cjapâ personâl a contrat a timp determinât"
gjavât fûr di "Statût de Provincie di Udin" di
cjapâ v.tr.
(cja-pâ)
Tacâ a fâ une cierte funzion
sinonims
cjapâ sù, cjoli
esemplis
"cheste liberalitât e podeve produsi situazions creativis, ma par sigûr no cjatave la adesion di Tosoni, che cuntune vision plui pragmatiche a pene cjapade la incarghe [di diretôr] al invie di pet une riorganizazion de radio e de programazion"
gjavât fûr di "Un Friûl difarent: i 90 mhz di Onde Furlane" di Max Mauro
cjapâ v.tr.
(cja-pâ)
Sielzi e tignî tant che compagn o compagne sentimentâl
sinonims
cjoli, tirâ sù, tirâ dongje
esemplis
"par fuarce che al è vedran: brut, stupit e ancje trist, cui aie di cjapâlu?"
cjapâ v.tr.
(cja-pâ)
Sielzi e meti in vore dopo di vê considerât plui pussibilitâts
sinonims
cjoli
esemplis
"Pierluigi Visintin al à let, studiât e in cualchi câs doprât soluzions za cjapadis di chescj tradutôrs"
gjavât fûr di "Note dal curadôr ae traduzion dal Infier di Dante" di Sandri Carrozzo
"la linie uficiâl in Italie e je che nol è sucedût nuie, che il conflit linguistic nol esist, che no je mai stade cjapade nissune misure agressive par rivâ ae sostituzion linguistiche"
gjavât fûr di "Il Friûl tra conflit invisibil e alienazion" di Sandri Carrozzo
"la vicinie si riunive sot il tei, in place, par che la int e fevelàs, e discutès e po e decidès. Li si sintive il pro e il cuintri e li si cjapave la decision"
gjavât fûr di "I furlans e la partecipazion" di Riedo Pup
cjapâ v.tr.
(cja-pâ)
Sielzi e lâ par une strade, di une cierte bande, daûr di un ciert percors e v.i.
sinonims
cjoli, fâ
esemplis
"il prin toc si fasevilu a zigzag fra plantis vidricis di faiâr, po si cjapave une scjalute cui scjalins larcs che si strenzevin simpri plui"
gjavât fûr di "La vuere sul Freikofel" di Pieri Menis
"Baldo al cjapà il troi dal ronc"
gjavât fûr di "Devant di dut il cîl" di Dino Virgili
cjapâ v.tr.
(cja-pâ)
Acetâ alc o cdn. intun ciert mût, tignî intune cierte considerazion
esemplis
"chei altris doi no si scomponin cuissà ce, tant che se no cjapassin la robe pardabon"
gjavât fûr di "Par stradis lungjis" di Alan Brusini
"al veve imparât une robe che chei altris no savevin, ven a dî cjapâ lis robis cemût che a vignivin, cjalâlis di adalt, cun distance e cence passion"
gjavât fûr di "Prime di sere" di Carlo Sgorlon
"tu cjapis lis robis masse sul tragjic tu"
gjavât fûr di "Co l'amôr al cimie" di Costantino Smaniotto
cjapâ v.tr.
(cja-pâ)
Tratâ cdn. intun ciert mût (fig.)
esemplis
"- No si sa ce maniere cjapâju! - al zonte Zaneto. - Siôrs po! Se o soi jo, o duar tun batifier!"
gjavât fûr di "La gjambe di Zaneto" di Riedo Pup
"se jo o fos in te, chel frutat o provarès a cjapâlu cu lis buinis"
gjavât fûr di "Chei di Muraie" di Pieri Menis
"ancje se si rabiisi nol covente cjapâ la int a malis peraulis"
cjapâ v.tr.
(cja-pâ)
In costruzions cu la preposizion "a", dâ jù, dâ pachis
esemplis
"jo us cjapi ducj a bastonadis se no si tirais di bande"
gjavât fûr di "La foghere" di Luciano Rocco
"sfaçât al jere stât! Ma lui no si jere inrabiât; se jal ves dite cualchidun altri lu varès cjapât a patafs"
gjavât fûr di "Ta la ombre dal santuari" di Pieri Somede dai Marcs
cjapâ v.tr.
(cja-pâ)
Frontâ un ciert argoment, metisi a esaminâ cdn. o alc, dispès tal imperatîf in formis cun valôr enfatic o retoric
sinonims
cjalâ, viodi, considerâ
esemplis
"cjapìn, par esempli, la peraule «caritât». Par latin e ancje par talian al vûl dî «amôr»; amôr par Diu e pal prossim"
gjavât fûr di "I furlans e la caritât" di Riedo Pup
cjapâ v.tr.
(cja-pâ)
Fâ jentrâ tal organisim, soredut mangjant o bevint
sinonims
cjoli, bevi, gloti, mangjâ, parâ jù
esemplis
"il miedi no mi à dât nissune punture, dome medisinis di cjapâ par bocje"
cjapâ v.tr.
(cja-pâ)
Di flum, lât, mâr e v.i., jessi destinatari de aghe puartade di un altri flum
esemplis
"il Tiliment al cjape la aghe de Bût a ret di Cjanive di Tumieç "
cjapâ v.tr.
(cja-pâ)
Esponisi ai elements naturâi
sinonims
cjoli
esemplis
"tignî une plante dongje dal barcon par che e cjapi un pocje di lûs"
"taponiti di no cjapâ umit"
cjapâ v.tr.
(cja-pâ)
Jessi infetât di une malatie o tocjât di un stât patologjic o di un traume
sinonims
becâ
esemplis
"ma parcè stâstu intal frêt? Ma sêstu mat? E cence scarpis? Tu ti cjapis une polmonite, tu, frut, crôs di Diu!"
gjavât fûr di "Il rucjin" di Laurin Zuan Nardin
"un dolôr sort. No mâl: un fastidi, come se o ves cjapât un cric o une slocje"
gjavât fûr di "Tant parom" di Meni Ucel
cjapâ v.tr., v.intr.
(cja-pâ)
Tacâ a vê une cierte carateristiche
sinonims
cuistâ
esemplis
"il cogo si indurmidìs e tes pagjelis dut al cjape di stiç"
gjavât fûr di "La fie e la fiastre" di Andreina Nicoloso Ciceri
"cui râfs si prepare un altri plat che si cjate dome te cusine furlane: la broade, fate cun chestis lidrîs tignudis a cjapâ di garp inte trape, gratadis, cuetis e servidis in gjenar par compagnâ cjar bulide o in altris ricetis"
gjavât fûr di "Une regjon di cerçâ" di Sandri Carrozzo
"lis oris i puartarin un spi di clâr e la nêf e cjapà alc come di lune"
gjavât fûr di "L'avôt" di Maria Forte
"o vin une alternance di senis che si davuelzin in plene nature, une nature salvadie e fuarte che ae fin e cjape un aspiet infernâl"
gjavât fûr di "A esmorga" di Fabian Ros
cjapâ v.tr.
(cja-pâ)
Tacâ a compuartâsi intune cierte maniere
esemplis
"Min e Barban lant dongjelaltris pe strade a àn cjapade cun di plui la mende di robâ cualchi robe a suiâ sul ôr dai curtîi, une gjachete, une cotule, un pâr di bregons"
gjavât fûr di "Storie di Min" di Ivano Urli
"Michêl al veve cjapade la ande di lâ ogni domenie tor la une dopomisdì in cjase di gno barbe Grispi"
gjavât fûr di "I macarons" di Meni Ucel
cjapâ v.intr.
(cja-pâ)
Preparâsi e lâ o tacâ o fâ alc a la svelte
sinonims
cjapâ sù, cjapâsi sù
esemplis
"tu cjapis e tu vâs cjase a polsâ"
gjavât fûr di "Contis sot spirt" di Raffaele Serafini
cjapâ v.tr.
(cja-pâ)
Vê par vie di une origjin, di une cause e v.i. (fig.)
sinonims
cjoli, ereditâ, trai
esemplis
"une localitât impuartante dilunc de vie Postumie e jere chê di Ad Quadruvium (Codroip), che e cjapave il non de crosere cu la vie che di Concuardie e leve bande il Noric"
gjavât fûr di "Protostorie e storie romane in Friûl" di AAVV
cjapâ v.tr.
(cja-pâ)
Riprodusi une figure, un ogjet, un ambient
sinonims
fâ, tirâ jù, cjoli
esemplis
"cjapâ un model di profîl"
cjapâ v.tr.
(cja-pâ)
Osservâ e regjistrâ un dât, une carateristiche e v.i.
sinonims
misurâ
esemplis
"cul jutori di robots si à proviodût a netâ il fabricât dal reatôr (1 Lui) e a cjapâ misuris dosimetrichis (2 Lui)"
gjavât fûr di "Il disastri de centrâl nucleâr di Fukushima Dai-ichi" di Alessandro Pascolini
"cemût vuê? Âstu cjapade la pression? Ise simpri alte? "
cjapâ v.tr.
(cja-pâ)
Ancje ass., rivâ a vê un segnâl, spec. cuntune radio o une television
sinonims
ricevi
esemplis
"Checut al zire la manopule [de radio]: Beromünster… Monteceneri… Blue blue the love is blue… "Cjapade" al dîs il frutut"
gjavât fûr di "Beromünster e Monteceneri" di Checo Tam
"o jeri in mont e il telefon nol cjapave"
cjapâ v.tr.
(cja-pâ)
Interpretâ intun ciert mût une peraule, une espression, un discors e sim.
sinonims
intindi, interpretâ, capî
esemplis
"il contest al è chel de maledizion di Caìn, ma si pues cjapâlu come une maledizion o un pês de vite stesse, cence implicazions di colpe e di pecjât"
gjavât fûr di "Sant Jacum, là che al finìs il mont" di Antoni Beline
cjapâ v.tr.
(cja-pâ)
Pensâ che cdn. o alc a sedin cualchidun o alc altri che si somee
sinonims
scambiâ, cjoli
esemplis
"jê e la sô femine [dal protagonist de conte] a jerin tant che dôs gotis di aghe. Lis varessin cjapadis par zimulis"
gjavât fûr di "Un piçul particolâr" di Fabian Ros
"un om che al à chê di cognossi la veretât al à di jessi bon di fâ la diference e di no cjapâ une cuarde par un sarpint o une lusigne par un ferâl"
gjavât fûr di "Il lôf" di Fabian Ros
"a Casere Pâl Grant, barachis e barachins, restâts tant timp sepulîts sot de coltre blancje, si mostravin tal soreli: si varès podût cjapâju benissim par cjasutis di un borc di montagne"
gjavât fûr di "La gleseute dai alpins" di Pieri Menis
cjapâ v.intr.
(cja-pâ)
Di une plante, meti lis lidrîs tal teren
sinonims
inlidrisâsi, insedâsi
esemplis
"intant il tei plantât za grant si jere brincât a fuart a la tiere. Al veve cjapât ben"
gjavât fûr di "Il tei" di Maria Forte
cjapâ v.intr., v.tr.
(cja-pâ)
Di fûc, flame, combustibil e v.i., scomençâ a brusâ
sinonims
piâsi, impiâsi, piâ, brusâ, impiâ
esemplis
"il fûc al à cjapât il palaç dongje"
gjavât fûr di "La salamandrie tal fûc" di Carlo Tolazzi
"dâi fûc al gjornâl; e soflâ par che a cjapin i stecs; e meti dentri i vidiçs par che il fûc si nudrissi"
gjavât fûr di "La Gjis" di Meni Ucel
"voltait la çocje di chê altre bande, e cjape plui ben"
gjavât fûr di "Vilie di Nadâl" di Pieri Somede dai Marcs
cjapâ v.intr.
(cja-pâ)
Di materiâl che si da sù tenar, e che dopo al à di leâ, di tignî dongje e v.i., indurîsi
esemplis
"lassâ i tocs te smuarse par une ore par che la cole e cjapi ben"
"lassâ che il zes al cjapi e si sui par une dì prime di piturâ"
detulis
"a fâ un plasê, si cjape doi displasês"
"al vûl mistîr in dut e lassâur cjapâ lis surîs ai gjats"
"ancje lis bolps vielis si lis cjape"
"bisugne cjapâ i uciei cuant che a passin"
"bisugne cjapâ lis vuitis cuant che a passin"
"bisugne lescjâ par cjapâ gjambars"
"cuant che il nûl al va a soreli jevât, mole il bo e va pal prât; cuant che il nûl al va a soreli a mont, cjape il bo e va a disconç"
"cuant che l'uciel al è fûr de scjaipule, si stente a cjapâlu"
"cui che al cjape il lot al cjape disgracie"
"cui che al da al torne a cjapâ"
"cui che al duar nol cjape pes"
"cui che al vûl cjapâ ducj i uciei che a passin no 'nt cjape nissun"
"cui che al vûl cjapâ il gût, bisugne che si bagni il cûl"
"cui che di gjat al nas al cjape surîs a scûr"
"cui che lis cjape a son sôs"
"cui che no si inzegne al cjape la tegne"
"cui sglavaçs no si cjape uciei"
"cul plui bati la strade, la bolp si cjape tal fier"
"cuntun sôl laç no si cjape il jeur"
"cuntune sole fave no si po cjapâ doi colomps"
"da la aghe si cjape il pes, dal fûc nuie"
"dut chel che di gjat al nas surîs al cjape"
"i cjatîfs: cjapâju cuant che a vegnin e lassâju lâ cuant che a van"
"i umign si cjapiju pe peraule, i bûs pai cuars"
"il durmion nol cjape pes"
"il mont al è come che si sa cjapâlu"
"il mont al è di cui che al sa cjapâlu"
"il ragn cu la sô tele al cjape moscjis ma no moscjons"
"il solt che si cjape a sotet al è un solt benedet"
"in vuere si va cun doi sacs: un par dâlis e un par cjapâlis"
"l'aur nol cjape magle"
"la strade plui curte a je chê che si cjape daurman"
"lasse cjapâ lis surîs ai gjats"
"lassii cjapâ la surîs al gjat"
"lis moscjis si lis cjape plui prest cu la mîl che no cul asêt"
"mâl par cui che lis da, piês par cui che lis cjape"
"more nere e intenç la ue: lasse la more, cjape la ue"
"no bisugne cjapâ dutis lis moscjis che a svolin"
"no si cjape lis moscjis cul asêt"
"plui adalt si va, plui grant bot si cjape"
"plui si cjape, plui si cjante"
"se nol è spavent no si cjape uciei"
"si cjape plui moscjis cuntune tace di mil, che no cuntune bote di asêt"
"tes barufis si va cun doi sacs: un par dâlis e un par cjapâlis"
"un len sec al cjape plui prest che no un vert"
"un len sec al cjape prime che no un vert"
torne sù
torne sù