Hai cercato la parola
bilingue monolingue
Hai cercato la parola
ottimo
Torna indietro

bilingue

ottimo ,
  • 1

    adi. otim Copia

    [FO] (sup. di bon, une vore bon sot dal aspiet morâl e spirituâl)
    è stato allevato con ottimi principi morali = lu àn tirât sù cun principis morâi otims
    quel professore ha un'ottima reputazione = chel professôr al à une innomine otime
  • 2

    adi. otim, strabon, bielonon Copia

    [FO] (une vore bon sot dal aspiet artistic, tecnic e v.i.)
    gli operai hanno fatto davvero un ottimo lavoro = i operaris a àn fat pardabon un lavôr otim
    leggere un ottimo romanzo = lei un romanç otim
  • 3

    adi. fin, otim, bononon Copia

    [FO] (di cualitât cetant buine)
    questo negozio ha delle ottime stoffe = cheste buteghe e à stofis finis
    un'ottima vettura = une veture otime
  • 4

    adi. otim, strabon Copia

    [FO] (une vore bon di mangjâ o di nasâ)
    a casa sua abbiamo sempre mangiato ottimi dolci = a cjase sô o vin simpri mangjât dolçs strabogns
    la salsa è ottima = la salse e je otime
  • 5

    adi. otim Copia

    [FO] (di funzion o orghin in cundizions une vore buinis)
    avere un'ottima vista = vê doi voi otims
    ha sempre avuto un ottimo udito = al à simpri sintût benon
  • 6

    adi. magnific, otim, bielon Copia

    [FO] (che al pant cundizions fisichis cetant buinis)
    ho visto ieri tuo zio, ha sempre un'ottima cera = o ai viodût îr to barbe, al à simpri une ciere magnifiche
  • 7

    adi. perfet, otim Copia

    [FO] (une vore bon par rivâ a un ciert risultât)
    questa canzone è ottima per creare un'atmosfera romantica = cheste cjançon e je perfete par fâ une atmosfere romantiche
    questa medicina è ottima per il mal di stomaco = cheste medisine e je perfete pal mâl di stomi
  • 8

    adi. siôr, induvinât, otim Copia

    [FO] (just, ben intivât)
    è proprio un'ottima idea! = e je propit une idee induvinade!
    gli amici hanno saputo dargli degli ottimi consigli = i amîs a àn savût dâi siôrs conseis
  • 9

    adi. benon, tant ben Copia

    (cun valôr inter., al pant sodisfazion)
    hai già fatto i compiti? ottimo! = âstu bielzà finît ducj i compits? benon!

    adi. otim, strabon, bielon Copia

    [FO] (une vore positîf, che al da cetant gust)
    ha fatto un'ottima impressione = al à fate une impression bielone
    siamo sempre stati in ottimi rapporti fin dai tempi della scuola = o sin simpri stâts in rapuarts otims fintremai di cuant che o levin a scuele
  • 10

    adi. otim, bielon Copia

    [FO] (une vore plasevul)
    abbiamo trascorso la serata in ottima compagnia = o vin passât la serade cuntune compagnie otime oppure magnifiche
    ho fatto un ottimo viaggio = o ai fat un viaç bielon
  • 11

    adi. otim, plui che bon Copia

    [FO] (plui che just, morâl)
    l'ho fatto per un'ottima ragione = lu ai fat par une reson plui che buine
  • 12

    adi. siôr, otim, strabon Copia

    [FO] (une vore vantazôs)
    credimi, è un ottimo affare! = crodimi, al è un siôr afâr!
    non si può dire che non ti abbia fatto un ottimo prezzo = nissun nol pues dî che no ti vedi fat un presit strabon
  • 13

    adi. magnific, otim Copia

    [FO] (une vore bondant)
    la vendemmia di quest'anno è stata ottima = la vendeme di chest an e je stade magnifiche
  • 14

    s.m. otim Copia

    [FO] (a scuele, che al à la valutazion plui alte)
    il suo tema è ottimo = il so teme al è otim

    s.m. otim Copia

    (judizi di rindiment plui alt di ducj)
    ha preso un ottimo in storia = al à cjapât un otim in storie
  • 15

    adi. famôs, innomenât, bon, otim Copia

    [FO] (di cdn. degn de plui alte stime pes sôs cualitâts, o ben che al gjolt di grande innomine pe sô divignince o pal so nivel sociâl)
    proviene da un'ottima famiglia = al ven fûr di une famee di chês buinis oppure plui che buine
    tuo cugino è davvero un'ottima persona = to cusin al è pardabon une persone otime
  • 16

    adi. famôs, perfet Copia

    [FO] (di cdn. che al è une vore brâf tun ciert mistîr o tune cierte funzion)
    è un ottimo dottore = al è un dotôr famôs
    è un'ottima madre = e je une mari perfete
  • 17

    s.m. miôr Copia

    [FO] (ce che al è o al ven stimât bon a nivel plui alt, risultât, cundizion, situazion miôr che si pues)
    nella vita pretende l'ottimo = te vite al pretint il miôr

monolingue

bon adi.
Che si caraterize pal ben, che al puarte al ben morâl, che al è stimât ben daûr di une leç morâl comune
sinonimi
biel, degn, degnevul, dret, just, morâl, nobil, onest, virtuôs
esempi
"une glesie che e va masse dacordo cul Stât no po jessi une glesie buine"
da "La Glesie e à di lassâ i popui come che a son e fâur di levan seont la lôr paste" di Francesc Placerean
"si tratisi cun creance, si à cure di praticâ la morâl e di dâ bogns esemplis"
da "Int di masnade" di Alviero Negro
bon adi.
Che al è sensibil al ben di chei altris, che al è pront a judâ
sinonimi
biel, brâf, cjâr, di bon cûr, ninin, uman
esempi
"vignî a preâ, a dî gracie a Diu, a chel Bon Diu, par chel che nus à fat e a domandâi il coragjo pal avignî"
da "Di ducj i dons dal Spiritussant, cumò al covente il don dal coragjo" di Francesc Placerean
"sperâ tune buine brût o tun bon nevôt"
da "I furlans e la pension" di Riedo Pup
"mê none, puare e buine viele, che mi voleve un ben di vite"
da "Agnulat" di Pieri Menis
bon adi.
Che al cîr la ligrie, che al vûl viodi dome lis robis bielis de vite
sinonimi
biel, compagnon, di compagnie, legri, seren, socievul
esempi
" san e fuart tant che un zovin, abenât, di bon caratar, se no nol varès resistût cun chê mari che al à vût"
da "Cretevierte" di Roberto Ongaro
bon adi.
Che al sta cuiet e che al ubidìs
sinonimi
brâf, cidin, cuiet, dissiplinât, mugnestri, seren, ubidient
esempi
"a sedis agns, Menie e jere brave e buine come dutis lis fantatis"
da "La mulinarie" di Catarine Percude
bon adi.
Di bestie, che e ubidìs, che no je agressive ni pericolose
sinonimi
dumiesti, miesti, cuiet, lemit, mugnestri
esempi
"i bûs a lavin indenant simpri cun chel bot [...] il Biso al jere bon, ma un pôc maturli"
da "L'avôt" di Maria Forte
bon adi.
Che al promet ben
sinonimi
biel, bon v
esempi
"se e ves ridût di gust - al saveve - al sarès stât bon segn: lis feminis a fasin cussì, cuant che a vuelin dâti strade libare"
da "Il svol dal Falcone" di Antescûr
bon adi.
In formulis di salût e di auguri, par bramâ fortune, felicitât, serenitât, sucès e v.i.
esempi
"«Alore buine gnot». «Buine. E bon viaç»"
da "Prime di sere" di Carlo Sgorlon
"«Mandi frutats… viodêt di volêsi simpri ben e buine fortune… »."
da "Chei di Muraie" di Pieri Menis
"buinis fiestis! bon principi! bon an! ogni ben! Dut un incrosâsi di salûts e di auguris"
da "Bastarès fâ Nadâl dut l'an" di Riedo Pup
bon adi.
Che al conven, favorevul, che al permet di vê risultâts positîfs, tant a nivel economic che in altris cjamps
sinonimi
convenient, biel, just
esempi
"o ti fâs un bon presit"
da "Il Crist sclagn" di Novella Cantarutti
"al à cjatât un bon puest intune fabriche di Lucerne"
da "Il dolfin" di Carlo Sgorlon
"al jere il moment bon par chel gjenar di cumierç"
da "Prime di sere" di Carlo Sgorlon
"un bon compromès a pro dai lavoradôrs"
da "Acuardi firmât pal Compart Unic regjonâl" di Redazion Radio Onde Furlane
"une oportunitât cetant buine par fâ sisteme"
da "Partît il tren des lenghis" di Erika Adami
"chel che di miôr si podeve fâ al jere otignî buinis cundizions dal nemì"
da "Zuan Batiste Cavedalis - Une vite esemplâr" di Giovanni Pillinini
bon adi.
Grant di numar, dimension, intensitât, impuartance e v.i.
sinonimi
grant, grues, biel, bondant
esempi
"chei altris doi fradis - Vigji e Bepo inmò vedrans - a jentrarin sot paron, a Gjenue, e a fasevin bogns bêçs"
da "La division" di Dino Virgili
"beneficiaris di buinis grepiis e di comudis poltronis "
da "Cjalâ plui inlà" di Josef Marchet
"par scrivi la seconde redazion e je coventade par fuarce une buine dade di timp"
da "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin
bon adi.
Che al rive dal sigûr a une cierte misure e che ancje le passe
sinonimi
bondant
esempi
" in chel an, la tiere inglaçade un bon metro, e je stade la murie dai farcs"
da "Cercandui" di Alan Brusini
"chel fracàs al à durât une buine miezore; po si è bonât"
da "La vuere sul Freikofel" di Pieri Menis
"al mancje ancjemò un bon cuart di zornade"
da "Pe bocje si scjalde il for" di Catarine Percude
bon adi.
Che al sa fâ ben la sô ativitât
sinonimi
babio, bulo, competent, dret, espert, in gjambe, valent, brâf, pratic
esempi
"a vevin propit dibisugne di un bon fari, pratic di tempare"
da "Il muc" di Roberto Ongaro
bon adi.
Che al à la capacitât di fâ alc
sinonimi
paron, siôr
esempi
"jo no soi bon di fâ miracui"
da "Lis scuelis e la nêf" di Pieri Somede dai Marcs
"fruts che a cognossevin e a savevin dut di plantis, di uciei, di stagjons, di lunis e di soreli. Bogns di fâ ducj i lavôrs; di inzegnâsi a comedâ cualsisei imprest; di orientâsi e di puartâsi fûr in dutis lis dificoltâts"
da "I furlans e i frutins" di Riedo Pup
"la psiche e je buine di scancelâ o ridusi il dolôr parcè che la spiete e pues regolâ la ansie"
da "Neurosiencis dal dolôr" di Franc Fari
"se tu sês bon di tignî un grant segret, ti fâs viodi une robe"
da "La salamandrie tal fûc" di Carlo Tolazzi
bon adi.
Che al è in cundizion di fâ ben la sô funzion
esempi
"al tirà fûr une cjarte, si sigurà che il penin al jere bon, po al butà jù dôs riis di scriture"
da "La tiere di Lansing" di Maria Forte
bon adi.
Che al va ben, che al funzione, che al à une utilitât, in gjenerâl o par une situazion o ativitât specifiche
sinonimi
adat, adatât, just
esempi
"il cjaval al jere bon pai naulis e par tignî sù la sô braùre"
da "Il Bulo di Crodio" di Maria Forte
"sirop di rosis di saût, tant bon par gjavâ la sêt"
da "Une regjon di cerçâ" di Sandri Carrozzo
"l'esperanto al ven considerât [...] come imprest bon par fermâ l'imperialisim linguistic"
da "Il lunari mai jessût - Tellini te prime vuere mondiâl" di Donato Toffoli
bon adi.
Che al è di alte cualitât, che al à carateristichis tecnichis di nivel alt
sinonimi
preseât
esempi
"otignî un bon prodot e di fâlu cognossi al public"
da "Pachyderm a Tumieç: breis artigjanâls su ruedis" di Marta Vezzi
"a la base di dut e reste la professionalitât te comunicazion e la cussience che no baste une buine grafiche a fâ un bon messaç"
da "Comunicâ la autonomie" di Sandri Di Suald
bon adi.
Di savôr, di odôr o di ce che al à odôr e savôr, che al plâs
sinonimi
deliziôs, gustôs, saurît, scuisît
esempi
"si metè a mangjâ di gust chel bon pan e ardiel"
da "Il mierli" di Angelo Covazzi
"il vin bon no tu lu fasis te cantine, ma su la plante"
da "Il paleontolic dal vin furlan" di Redazion il Diari
"la cjase e je adalt, tal soreli, travanade dal bon odôr de polente cuete e dal fum"
da "In scolte..." di Dino Virgili
bon adi.
Di alc, plui di valôr o plui elegant di ce che si dopre ogni dì
sinonimi
di fieste
esempi
"la int e veve dome une mude buine e e stentave a tirâ indenant"
da "Prime di sere" di Carlo Sgorlon
bon adi.
Che al à efiet, validitât, atualitât
sinonimi
valit
esempi
"cualchi conclusion aromai e je passade, cualchi altre e podarès jessi calcolade ancjemò buine"
da "Rotgaut e la politiche furlane langobarde" di Sandri Carrozzo
"al è simpri bon l'invît che o vevin fat"
da "25 di Avrîl: Fieste de Liberazion, Fieste dal Friûl" di Marc Stolf
bon adi.
Che al à par fonde elements sigûrs o almancul coerents
sinonimi
ciert, just, justificât, legjitim, motivât, provât, salt, sigûr, valit
esempi
"il fat che tal cjâf di cualchi politic talian e esisti (ancjemò…!!!) cheste presumude distinzion [tra "minorancis nazionâls" e "comunitâts regjonâls"] nol è un bon motîf ni par crodi [...] che cheste vision ideologjiche e sedi la realtât"
da ""Minorancis nazionâls" e "comunitâts regjonâls". «Continuiamo così, facciamoci del male»" di Marc Stolf
bon adi.
Che al è in salût, in fuarce
esempi
"il Çuet al puartà incà la gjambe di fier, si infrontà sun chê buine [...] e al jevà sù"
da "I zimuluts dal Çuet" di Riedo Pup
"dincj bogns usâts a mastiâ lops"
da "Il bal spasimât des ombrenis" di Maria Forte
bon adi.
Che al fâs o che al pues fâ ben pe salût
esempi
"cu la buine pratiche cuotidiane di fâ ativitât fisiche, une diete adate, belançade e svariade, e je un bon imprest par prevignî o par curâ miôr o par sopuartâ cun plui facilitât ciertis malatiis"
da "Mangje san 1" di Guglielmo Pitzalis
"fûr de tende, a respirâ aiar bon – al veve pensât – che almancul chel in mont nol mancje"
da "Salvans su la Bivare" di Carli Pup
bon adi.
[CO] (med.) Di malatie, che e à une prognosi favorevule
esempi
"un tumôr bon, che nol fâs metastasi"
bon adi.
Di timp meteorologjic, caraterizât di soreli, mancjance di perturbazion e temperaduris plasevulis
sinonimi
biel
esempi
"timp bon ma al podarès vignî cualchi temporâl"
da "Notis di meteorologjie pal Friûl - Vignesie Julie" di Stefano Micheletti, Marcellino Salvador
bon adi.
Di batude o idee gustose, legre
esempi
"a 'nd conte di chês che a son propit buinis!"
bon adi.
Che al à dutis lis carateristichis che a coventin par jessi considerât intune cierte maniere, intune cierte categorie
sinonimi
vêr, autentic, patoc, sclet, brâf, rampit
esempi
"di bon alpin, i plaseve il got e cualchi pipine di fieste le cjapave ancje lui"
da "A jerin lagrimis" di Pieri Somede dai Marcs
bon adi.
Di persone, soredut femine, di aspiet che al plâs (pop.)
sinonimi
biel
esempi
""Âstu viodût chê more la?" "Buine!""
bon adi.
Al pues vê valôr enfatic o infuarcitîf, dispès dopo di un possessîf
esempi
"une vore che e compuarte ancje jê la sô buine rate di strache"
da "Storie di Vera" di Ivano Urli
"al calcolà a voli di nâs che al varès vût un bon ce fâ"
da "Eivissa mon amour" di Fabian Ros
"se al si moveve un pôc di masse al cjapave cualchi bon pataf"
da "La Madone dai siet dolôrs" di Pieri Somede dai Marcs
bon adi.
Tant che apelatîf di cortesie (enf.)
esempi
"Us prei, buine femine, vignît cul frut che o vês te scune"
da "Lis leiendis di Buie" di Pieri Menis
"Ce vêso bon om che o sês tant disperât? "
da "Pipeta Sclagarot" di Andreina Nicoloso Ciceri
bon adi.
Soredut in critichis o espressions di rabie (antifr.)
esempi
"al sindic - bon ancje chel! - e ai conseîrs i àn metût i bregons di un pieç"
da "Lassait che mi sbrochi!" di Pieri Somede dai Marcs
bon s.m.
Persone di cûr, sensibile, pronte a judâ chei altris
esempi
"che no stedin a fâ pierdi la pazience al bon e al tolerant"
da "Di ducj i dons dal Spiritussant, cumò al covente il don dal coragjo" di Francesc Placerean
"ancje i bogns a àn alc di trist"
da "Ligjeris, barabis e pacifiscj" di Riedo Pup
bon s.m.
Ce che al è indreçât al ben, che al è de bande dal ben, che intune cualsisei maniere al è positîf
esempi
"no savêso che cuant che si fâs dut un misturot di bon e di trist (altri che unitât!), nol è il piês che al miore, ma al è il bon che al peiore "
da "I furlans e l'ambient" di Riedo Pup
"no pierdi di voli ce che inte vite al è di biel e di bon"
da "Storie di Min" di Ivano Urli
"la dibisugne di aurî al biel, al bon e al vêr"
da "Pre Bepo Marchet" di Roberto Jacovissi
bon s.m.
Dome sing., aspiet, element positîf
sinonimi
ben, biel
esempi
"la gnove regjon e tentà di ingrumâ dut a Triest, puartant vie ai furlans dut ce che e podeve, cirint di fâ crodi che il bon al sarès vignût daspò"
da "Cuintristorie dal Friûl dal 1866 fint in dì di vuê" di Francesc Placerean
"[ancje se no ti capìs] il bon al è che o soi vignût achì juste par tratâ di capîti"
da "Ricuarts e inlusions" di Enrico Martina
bon s.m.
Document che al da il dirit a cui che lu à, di vê un servizi, di ritirâ une robe o di scuedi bêçs, e v.i.
sinonimi
cedule, ricevude
esempi
"informazions par comprâ e doprâ i bogns pal gustâ"
da "Il servizi di ristorazion scolastiche" di Aministrazion Publiche
bon inter.
Espression par rompi, par tacâ, par tornâ a cjapâ, par finî un discors (fam.)
sinonimi
ben po, juste ben, po ben, ben, po bon
esempi
"dopo no sai trop timp o tornai in me. Bon. O jeri san e salf"
da "Sense" di Checo Tam
"bon, viôt di niçâti!"
da "Grivôr" di Franca Mainardis
"“No ai nuie in contrari”. “Bon, alore e je robe fate”"
da "Memoriis di politiche linguistiche" di Adrian Cescje
bon av., inter.
Tant che rispueste positive
sinonimi
ben, sigûr, sì, va ben, va bon
esempi
""Si viodìno doman tor cuatri dopomisdì?" "Bon""
proverbi
"a bon intindidôr, pocjis peraulis i bastin"
"a bon vin no i covente frascje"
"a fâ bon pan, al vûl bon gran"
"a jessi masse bogns, si è tratâts di piore"
"a muerin simpri i plui bogns"
"a tignî i dincj denant de lenghe, al è simpri un bon consei"
"a tignî i dincj sierâts in bocje, al è simpri un bon consei"
"a vuelin trê robis par salvâsi: bon voli, buine gjambe e puarte vierte"
"al è bon il bon, ma il miôr al è miôr"
"al è bon no chel che al fevele ben ma chel che lu fâs"
"al è devot al bon e ancje al trist ladron"
"al vâl plui un bon consei che no une borse di bêçs"
"baste che si rivi, ogni strade e je buine"
"bisugne savê fâ il levan par vê bon pan"
"bogns i parincj, bogns i amîs, ma cuant che no 'nd è nuie a son ducj triscj"
"bon pe bocje, trist pe borse"
"bon scuedidôr, cjatîf paiadôr"
"buine bocje a fâs bon ardiel"
"ce che nol è bon par se, no fâjal a nissun"
"cent mistîrs, nissun di bon"
"chê persone che no ten la mortificade, no vignarà mai ni buine ni brave"
"cjapon al è simpri bon"
"cjar viere e fâs bon brût"
"cuant che il bon al mancje, il trist si met a vivi"
"cuant che il bon al mûr, il trist si mende"
"cuant che il bon al mûr, il trist si met a fâ judizi"
"cuant che si à fam, dut al è bon"
"cui bogns si fâs ce che si vûl, cui triscj miôr che si po"
"cui che al à bagnât al è ancje bon di suiâ"
"cui che al à bon nâs lis nase a la lontane"
"cui che al à bon vin in cjase nol va ta la ostarie"
"cui che al cognòs il mont e nol è bon al vîf di mincjon"
"cui che al è bon di robâ la vacje, al è ancje bon di zurâ che no le à robade"
"cui che al è trê voltis bon, al è mincjon"
"cui che al servìs Diu al à un bon paron"
"cui che al va e torne al fâs bon viaç"
"cui che al vûl une buine fantate che se fasi"
"cui che di lunis nol fâs tant che di domenie nol è nassût di buine femine"
"cui che nol è bon fi nol è bon marît"
"cui triscj bisugne fâ miôr che si po, cui bogns si fâs cemût che si vûl"
"cul bon fâs ce che tu vûs, cul trist ce che tu pûs"
"cul bon vin si fâs bon asêt"
"cul perdonâ ai triscj si puarte dam ai bogns"
"dal bon timp e de buine int no si stufisi mai"
"dal bon timp no si stufisi mai"
"dal bon vin al ven bon asêt"
"daspò dal bon timp e torne la ploie"
"daspò dal trist al ven il bon"
"daspò de ploie al torne il bontimp"
"di bogns proponiments al è plen cjadaldiaul"
"di zenâr al è bon il rovedâl"
"Diu al è un bon infant, al viôt e nol pant, al paie ducj e no si sa cuant"
"Diu nus vuardi di un bon Zenâr par podê jemplâ il granâr"
"dôs robis a son buinis daspò muartis: avâr e purcit"
"dûr cun dûr nol fâs bon mûr"
"dutis lis flôrs a son buinis fûr che chês dal vin"
"e vûl fam par savê ce che al è bon"
"farine blancje a fâs bon pan, tiere nere e fâs bon gran"
"fumate basse, bon timp e lasse"
"fumate basse, bon timp e lasse; fumate alte, al plûf cuant che i salte"
"fumate la sere, bontimp si spere; fumate la doman, la sere al è pantan"
"gjaline rosse e fâs bon brût"
"gjaline viere a fâs bon brût"
"i bogns bocons a tirin in malore"
"i bogns bocons ur plasin a ducj"
"i bogns che a vadin in paradîs in tiere no si sa ce fâ di lôr"
"i fruts a àn gust di dî: pari gno bon e no pari gno biel"
"i gjambars a son bogns in chel mês che al jentre l'ere"
"i rîs a son la mignestre plui buine e la plui triste"
"i rîs par che a sedin bogns a àn di valê un solt dal un"
"i uciei a son bogns chei dal bec zentîl"
"il bausâr al scuen vê buine memorie"
"il biel e il bon a jemplin la bocje"
"il biel e il bon al plaseve une volte"
"il biel e il bon i plâs a ogni mincjon"
"il biel e il bon ur plâs a ducj"
"il bon al crôt ducj bogns, il trist al crôt ducj compagns di lui"
"il bon al sta sul fonts"
"il bon formadi al è chel cu la gote"
"il bon i crôt a ducj, il trist al fâs ducj come lui"
"il bon marît al fâs buine la muîr"
"il bon non al ingrasse i vues"
"il bon soldât si lu cognòs in vuere"
"il bon vin nol à bisugne di frascje"
"il cjapon al è bon di ogni stagjon"
"il fûc fin che al è sclâf al è biel e bon, ma vuai a lassâlu deventâ paron"
"il mulin al è un bon cjamp e la glesie une grande famee"
"il necessari al è bon pardut"
"il pan dai altris, chel plui bon, al à siet crostis e chel plui dûr ind à nûf"
"il pari bon al dopre il baston"
"il pevar al è bon pal mâl di panze"
"il plui bon mus al cope il paron"
"il semenâ tart se al fâs bon prodot e je une sorte"
"il tegnôs al è come il purcit che al è bon dome daspò muart"
"il timp al è un bon testemoni"
"il trist al sparagne il bon"
"il trist che si fenç bon al è un grant baron"
"il vier al tache simpri il miluç plui bon"
"il vier al tache simpri il pom plui bon"
"il vin al è bon di Avrîl pûr e Mai temperât"
"il vin al fâs bon sanc"
"la buine cjar e fâs putrope sbrume"
"la buine dote le da il pari, la buine femine il Signôr"
"la buine fame a ingrasse i vues"
"la buine femine a fâs la cjase, la triste le disfâs"
"la buine femine e à di vê: braç di açâl, panze di furmie e lenghe scjampe vie"
"la buine muîr a fâs il bon marît"
"la buine robe no je mai cjare"
"la buine robe si laude da se"
"la cjar e ven buine cuant che e je frole"
"la cussience nete e je un bon cjaveçâl"
"la fam e je un bon cuincîr"
"la fam i da bon savôr al pan"
"la frascje biele no fâs buine la ufierte"
"la galere e la preson no fâs mai nissun di bon"
"la gnot e je un bon conseîr"
"la lenghe e je il plui bon bocon e il plui trist"
"la plui buine salse e je il pitic"
"la preson no fâs mai nissun di bon"
"la robe e je buine fûr di stagjon"
"la robe e je simpri buine cuant che si à fam"
"la vacje dal bon bovâr e bute jù il pêl il mês di Zenâr"
"lis disgraciis no fasin bon bevi"
"lis macis di Zenâr la buine filandere e à di parâlis a ponâr"
"lis madonis a son buinis chês che a son te nicje"
"lune sabidine di cent une buine"
"matrimoni bon, femine e om un pôc parom"
"miôr un trist marît che no un bon fradi"
"miôr une buine femine che no une biele cjase"
"ni dal bon timp ni de buine int no si stufisi"
"nissune gnove, buine gnove"
"no bisugne domandâi al ostîr se il vin al è bon"
"no bisugne fâsi fâ gole de robe a bon marcjât"
"no je mai stade ploie che il bontimp nol sei tornât"
"nuie al è bon pai voi"
"nûl lizêr la sere, bon timp si spere"
"ogni biel bal al stufe, ogni bon pan al fâs la mufe"
"ogni biel zûc al stufe, ogni bon pan al fâs la mufe"
"ogni farine no je buine par fâ ostiis"
"ogni puar om, al sa lâ pal timp bon"
"ogni scuse e je buine par tant che e tache"
"pal fat so, ognidun al è bon"
"par che al sedi bon il cafè a vuelin trê robis: cualitât, cuantitât e savêlu fâ"
"par distudâ il fûc ogni aghe e je buine"
"par fâ il fat so ognidun al è bon"
"par salvâsi a vuelin trê robis: bon voli, buine gjambe e puarte vierte"
"Pasche tafanie e je buine la luianie"
"ploie che e sune a mene bon timp"
"pôc e bon e plen un podin"
"pôc ma bon"
"ros la sere, bon timp si spere; ros la matine, la ploie e je vicine"
"se a Sant Bartolomiu al è bon timp, al è bon timp dute la vendeme"
"se al è bon timp a Sant Zorzon, siet bogns timps e un bon timpon"
"se al è bon timp il dì di Sant Zorzon, la vendeme a va benon"
"se al è bon timp il prin martars di lune, al è bon timp dute la lune"
"se il gjal al cjante daspò di misdì, il bontimp al è par finî"
"se il matrimoni al fos stât un bon sacrament, sal saressin tignût i predis"
"se si à voie di vê un bon poltron, bisugne mandâlu a scuele o a passon"
"se tu amis a son ducj bogns, se tu odeis a son ducj triscj"
"si da il bundì e il bon an daûr de persone"
"sta cul to avuâl se tu vûs fâ bon carnevâl"
"sul ultin dal marcjât si à la robe simpri a plui bon presit"
"tal torgul al è bon pescjâ"
"tiere nere a fâs bon pan, tiere blancje e fâs ledan"
"tiere nere e fâs bon gran, farine blancje a fâs bon pan"
"tiere nere e fâs bon gran, tiere blancje a lasse murî di fam"
"tiere nere e fâs bon gran, tiere blancje e fâs murî di fam"
"tiere rosse e fâs bon gran, tiere blancje a lasse murî di fam"
"trê voltis bon, al vûl dî coion"
"trops mistîrs, nissun di bon"
"un biel viodi al fâs bon crodi"
"un bon avocat al fâs passâ par cjan ancje il gjat"
"un bon consei cjolilu ancje di un cjalçumit"
"un bon vassiel di vin e une brave fantate si vendiju a cjase"
"un brâf om e un bon vassiel di vin a durin pôc"
"un pari al manten dîs fîs, dîs fîs no son bogns nancje di mantignî une mari"
"un pari al nudrìs dîs fîs e dîs fis no son bogns di mantignî il pari"
"un trist paiadôr, un bon scuedidôr"
"une buine polente e je un bon tapon pal stomi"
"une ore di bon soreli e suie plui di une lissie"
"vin, aghe e fûc a son bogns, se no si ju lasse deventâ parons"
Torna in Cima
Torna in Cima