Tu âs cirût la peraule
Tu âs cirût la peraule
sottano
torne indaûr
bilengâl
sottano adi.
-
1
adi. bas, disot, dal bas
[CO] (massime cu la iniz. maiusc., in toponomastiche, di localitât, che e je plui injù di une altre cul stes non)
monolengâl
bas adi.
Di pocje altece
esemplis
"un on, di statura bassa ma robust"
gjavât fûr di "Il me paîs" di Federigo Comelli
"l'obelisc ur someà plui bas di ce che si spietavin visantsi des fotografiis"
gjavât fûr di "Te grande place" di Agnul di Spere
"sô cjamarute piçule e basse ma plene di clâr"
gjavât fûr di "O sielç lis stelis" di Pieri Somede dai Marcs
"prâts di jerbe basse cu lis rosutis di Vierte"
gjavât fûr di "Viaç aes origjins dal Logos" di Adrian Cescje
"sentât sul bredul bas al fissave la none che si tignive sù drete"
gjavât fûr di "Cjase di Dalban" di Maria Forte
"scarpis bassis"
"si jentrave in doi curtilons plui grancj di dute la place, dividûts di une muraie basse e malfate, plene di urtiis e di jerbe di fûc"
gjavât fûr di "Lis çuculis dal Gjigjo" di Pieri Menis
bas adi.
Minôr dal normâl o rispiet a altris elements o a altris pussibilitâts intune scjale di valôrs o intune misurazion
esemplis
"e je gnervose, si lamente di pression basse e di inzirlis"
gjavât fûr di "I mâi daûr dal timp" di Silla Stel
"un mût di fâ turisim just te distribuzion dai profits, rispietôs des comunitâts locâls e cuntun impat ambientâl bas"
gjavât fûr di "Guide par un consum just e solidâl" di Buteghe dal Mont, Luche Nazzi
"emissions incuinantis bassis e rindiment energjetic alt"
gjavât fûr di "Autonomie energjetiche nol vûl dî autarchie" di Matteo Mazzolini
"bevandis a basse gradazion alcoliche"
gjavât fûr di "Mole il bevi!" di Guglielmo Pitzalis
"tignî a temperadure basse"
bas adi.
Di une part dal cuarp, che e je indreçade injù, soredut par pandi une cierte atitudin o un ciert umôr
sinonims
esemplis
"Mirco si jere ingropât di no podê plui lâ indenant, e al tignive i voi bas, imberdeât"
gjavât fûr di "Par stradis lungjis" di Alan Brusini
"i agneluts tremant si lamentavin e cualchidun sudizionôs, piçul, cul music bas, al lave dongje a chel omenat"
gjavât fûr di "Clâr e scûr" di Pieri Somede dai Marcs
"jessint dal cimitieri i Marcons a cjaminavin cul cjâf bas, cul façolet devant de bocje"
gjavât fûr di "Il testament" di Pieri Menis
bas adi.
Spec. di aghe, pôc fonde
esemplis
"o cirivin di socâ un pessut di chê bande de aghe basse"
gjavât fûr di "Tal Cuar" di Lucio Perès
bas adi.
Che al è a Sud
sinonims
dal Sud, di Misdì, meridionâl
esemplis
"il Parlament di Rome al à fate buine destinazion di un biel grum di miliarts pe "redenzion" de basse Italie"
gjavât fûr di "Cirî la caritât" di Josef Marchet
"o jeri a pene rivât li de strade basse di Pavie che la ploie e tacà"
gjavât fûr di "La codebuie" di Checo Tam
bas adi.
Di regjon gjeografiche, che e je plui in planure, a cuote plui basse
esemplis
"[i Langobarts] a jerin stanziâts in Ongjarie e te basse Austrie, indulà che a vevin vinçûts e pleâts i Gjepidis"
gjavât fûr di "Cuintristorie dal Friûl fin sot la Italie" di Josef Marchet
bas adi.
[CO] (gjeogr.) De part di un flum che al è plui dongje de fôs
esemplis
"lis tieris bande Monfalcon, clamadis ancje “il Tiritori”, tra il bas cors dal Lusinç e il Timau, [...] a àn carateristichis linguistichis e culturâls diferentis di chês dal rest de regjon"
gjavât fûr di "Marilenghe te scuele" di AAVV
bas adi.
Di fieste, che e cole prime dal solit
esemplis
"Pasche e pues colâ in Març (Pasche basse) o in Avrîl (Pasche alte)"
gjavât fûr di "Il grant lunari dal Friûl. Març" di Mario Martinis
bas adi.
Di pôc volum, pocje fuarce, pocje intensitât e v.i.
esemplis
"la vôs e jere propite basse e si sintive lis peraulis dome ogni tant, juste cuant che no rivavin rumôrs de strade"
gjavât fûr di "In Friûl, nossere" di Agnul di Spere
"salâ pôc e finî di cuei par almancul une ore a fûc bas cu la fersorie taponade"
gjavât fûr di "Jerbis salvadiis inte cusine furlane" di Giorgio Pascoli
"tignî lis lûs bassis"
bas adi.
Che al compuarte pocje spese o pôc vuadagn, che al è pôc produtîf, che al fâs zirâ pôcs bêçs
esemplis
"il vantaç pe Italie si varès dome se lis impresis todescjis a trasferissin i lôr coscj plui piçui in presits finâi plui bas"
gjavât fûr di "Euro o no euro: isal chest il probleme?" di Patrizia Tiberi Vipraio
"nol paie masse i siei lavorents che, dispès, si lamentin pe paie basse"
gjavât fûr di "Grande Cjargne" di Sandri Di Suald
"la produtivitât e risulte une vore basse, la inovazion sociâl e tecniche cuasi inesistente, il mudament dut afat inesistent"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
"chest gjenar di produzions a bas cost al previôt par fuarce une troupe la plui piçule pussibile"
gjavât fûr di "Interviste cun Giorgio Cantoni" di Fabian Ros
bas adi.
Che al à une posizion pôc vantazose di une jerarchie (fig.)
esemplis
"no cu la int di alte cundizion che e sa compuartâsi, ma simpri in mieç de puare int, cui operaris, cul popul bas"
gjavât fûr di "Lis predicjis dal muini" di Josef Marchet
"no rivavin a ocupâ i puescj plui bas e umii, ma i puescj plui alts e di comant"
gjavât fûr di "La eterne lote dai furlans" di Antoni Beline
bas adi.
Che al corispuint aes pulsions calcoladis mancul nobilis (fig.)
esemplis
"al significave il discjadenâsi plui grês dai istints bas, une vite pansessuâl ûs animâl"
gjavât fûr di "Viaç aes origjins dal Logos" di Adrian Cescje
bas adi.
[CO] (mus.) Di note musicâl, grave
sinonims
esemplis
"un do bas"
bas adi.
Di espression linguistiche, caraterizade di pocje formalitât
esemplis
"forme dal regjistri linguistic bas confidenziâl e popolâr"
gjavât fûr di "Memoriis di politiche linguistiche" di Adrian Cescje
"su Facebook, dulà che a son atîfs grups di agregazion, di amicizie, di condivision cun cetancj utents par furlan, une vore creatîfs, ma che a doprin un furlan “bas”, "
gjavât fûr di "La lenghe furlane tai mieçs di comunicazion" di Erika Adami
bas s.m.
Ce che al sta plui injù, o a mancul cuote, o plui a Sud o sim.
esemplis
"di drete a çampe, dal alt al bas [lis âfs] a 'siminavin cun tante furie, che il voli nol podeve stâur daûr"
gjavât fûr di "Lis âfs" di Catarine Percude
"tal bas, che al rît, Tarcint / e plui tal bas la Tor, un fil di arint..."
gjavât fûr di "Matine di Fevrâr" di Enrico Fruch
"dal bas l'aiar al puarte nûi viers lis montagnis"
gjavât fûr di "I forescj" di Alan Brusini, Gian Paolo Linda
bas s.m.
[CO] (mus.) Spec. tal pl., notis bassis
esemplis
"cheste autoradio e da une vore ben i bas"
bas s.m.
[CO] (mus.) Vôs masculine di timbri plui grâf
esemplis
"al tornà a cjapâ la sô cjantose, e chei altris daûr, ce di secont e ce di bas"
gjavât fûr di "La aghe da pît la cleve" di Dino Virgili
bas s.m.
[CO] (mus.) Spec. tal pl., intune orchestre, il complès di violis di gjambe, cuintribàs o fagots
bas av.
A vôs basse
sinonims
a basse vôs, sot vôs, sot vôs vie
esemplis
"fevelâ bas"
detulis
"cjase che si fâs in place o masse alte o masse basse"
"fumate basse, bon timp e lasse"
"fumate basse, bon timp e lasse; fumate alte, al plûf cuant che i salte"
torne sù
torne sù