Hai cercato la parola
bilingue monolingue
Hai cercato la parola
tenere
Torna indietro

bilingue

tenere ,
  • 1a

    v.tr. tignî, tignî dûr Copia

    [FO] (vê tes mans alc in mût che no si movi)
    teneva il manubrio della bicicletta = al tignive il menul de biciclete
    tieni quel vaso, che non cada = ten dûr chel vâs, che nol coli

    v.intr. tignî, tignî bot, tignî dûr Copia

    [FO] (resisti a une fuarce)
    la diga ha tenuto = la roste e à tignût bot
  • 1b

    v.tr. tignî Copia

    [FO] (tignî sù cdn.)
    la mamma tiene in braccio il bambino = la mame e ten tal braç il frut

    v.intr. tignî Copia

    [FO] (no smamîsi)
    i colori hanno tenuto = i colôrs a àn tignût
  • 1c

    v.tr. tignî, brancâ, tignî dûr, tignî fer Copia

    [FO] (blocâ cdn.)
    tienilo, che non scappi! = tegnilu fer, che nol scjampi!

    v.intr. tignî Copia

    [FO] (no lassâ scjampâ fûr un licuit)
    quella botticella tiene ancora = chel caratel al ten ancjemò
  • 1d

    v.tr. tignî, tignî sù Copia

    [FO] (mantignî par aiar)
    l'appendino tiene il cappotto = il picjot al ten sù il capot
  • 2a

    v.tr. tignî Copia

    [FO] (mantignî alc o une part dal cuarp intune cierte posizion)
    tenere la bocca chiusa = tignî la bocje sierade

    v.intr. tignî, tignî bot, tignî dûr, fâ front, fâ resistence Copia

    [CO] (resisti cuintri dal nemì)
    le prime linee hanno tenuto contro il nemico = lis primis liniis a àn tignût bot cuintri dal nemì
  • 2b

    v.tr. tignî Copia

    [FO] (mantignî cdn. intune cierte posizion o situazion)
    tenere un ospite in casa = tignî un ospit in cjase

    v.intr. frontâ, tignî Copia

    [CO] (rivâ a fâ front a dificoltâts)
    tenere alla paura = frontâ la pôre

    v.intr. tignî, tignî bot Copia

    (mantignî il numar di vôts)
    nelle ultime elezioni il partito di governo ha tenuto = tes ultimis votazions il partît di guvier al à tignût bot
  • 2c

    v.intr. tignî Copia

    [CO] (di bêçs e valôrs che a restin salts)
    durante la crisi internazionale l'euro ha tenuto = intant de crisi internazionâl l'euro al à tignût
  • 2d

    v.intr. tignî Copia

    [CO] (condurâ)
    quell'accordo non terrà = chel acuardi nol tignarà
  • 3a

    v.tr. tignî, tignî a ments Copia

    (vê cure di alc par cont di cdn.)
    la nonna ha tenuto i bambini ieri sera = la none e à tignût i fruts îr di sere

    v.tr. tignî Copia

    [FO] (vê in possès o doprâ)
    puoi tenerti il resto = tu puedis tignî il rest

    v.intr. tignî Copia

    [CO] (fâ buine prese)
    una colla per vetro che tiene bene = une cole par veri che e ten ben

    v.tr. tignî Copia

    (conservâ)
    ho tenuto le sue carte = o ai tignût lis sôs cjartis
  • 3b

    v.intr. cjapâ, cjapâ pît Copia

    [CO] (di plante, restâ vive, vegjetâ ben, massime dopo traplantade)
    il tiglio ha tenuto = il tei al à cjapât

    v.tr. cjapâ, tignî Copia

    [FO] (conseâ o ordenâ di cjapâ)
    tieni la cartella e vai a scuola = ten la cartele e va a scuele
    tieni questi soldi = ten chescj bêçs
  • 4

    v.intr. tacâ, tignî Copia

    [CO] (convinci)
    il suo ragionamento non tiene = il so resonament nol ten
  • 4a

    v.tr. tignî, meti in bande Copia

    [FO] (meti vie)
    tienimi un chilo di pane = metimi in bande un chilo di pan
  • 4b

    v.tr. tignî Copia

    (conservâ un puest libar par cdn.)
    tienimi il posto, mi raccomando = tegnimi il puest, mi racomandi

    v.tr. tignî Copia

    [FO] (risiervâ)
    fatti tenere un tavolo in trattoria = fasiti tignî une taule in tratorie
  • 5

    v.tr. tenere Copia

    [CO], [TS] (indicazion di eseguî sprolungjant une note)
  • 5a

    v.intr. puartâ, tignî, stâ de bande, jessi de bande Copia

    [CO] (sostignî cdn.)
    io tengo per te! = jo o stoi de tô bande!
  • 5b

    v.intr. tignî Copia

    [CO] (sperâ che cdn. o une scuadre a vincin, e sostignîju)
    tenere per l'Udinese = tignî pal Udin
  • 6

    v.intr. tignî, vê a cjâr Copia

    [FO] (dâ impuartance)
    non fumo, alla salute ci tengo = no fumi, i ten a la salût

    v.intr. tignî Copia

    (vê interès)
    tengo a precisare che le cose non stanno così = i ten di precisâ che lis robis no son cussì
  • 6a

    v.tr. tignî Copia

    [FO] (mantignî personis o bestiis)
    è costoso tenere un cane così grande = i vuelin bêçs par tignî un cjan tant grant
  • 6b

    v.tr. tignî Copia

    [FO] (vê come dipendent)
    tenere due operai = tignî doi operaris
  • 7

    v.tr. tignî, vê Copia

    [CO] (aministrâ)
    tiene quel locale da dieci anni = al à chel ambient di dîs agns

    v.tr. tignî, vê Copia

    (funzionâ)
    tenere una carica istituzionale = vê une cjarie istituzionâl
  • 8

    v.tr. tratâ, tignî, vê Copia

    [CO] (vendi alc di specific)
    in quel negozio non tengono francobolli = in chê buteghe no tratin boi
  • 9

    v.tr. tignî Copia

    [FO] (tratâ alc intune cierte maniere)
    tiene quella macchina come un tesoro = al ten chê machine come un tesaur
  • 10

    v.tr. tignî Copia

    [CO] (mantignî ce che si dîs)
    ha sempre tenuto la parola = al à simpri tignude la peraule
  • 11

    v.tr. tignî Copia

    [FO] (di situazion che e straten cdn. intun puest)
    questo nuovo impegno lo tiene lontano dai miei interessi reali = chest assum lu ten lontan dai miei vêrs interès
  • 12

    v.tr. tignî, stratignî Copia

    [FO] (frenâ)
    non so cosa mi tenga dal suonargliene di santa ragione = no sai ce che mi ten di sunâi chês che a van ben
  • 13

    v.tr. cjapâ, tignî Copia

    [FO] (ocupâ un spazi)
    quel quadro tiene tutta la parete = chel cuadri al cjape dute la parêt
  • 14

    v.tr. tignî Copia

    [FO] (difindi une posizion)
    i ribelli dovevano tenere a tutti i costi la città = i ribei o vevin di tignî a ducj i coscj la citât
  • 15

    v.tr. tignî Copia

    [FO] (fâ)
    tenere un corso di inglese = tignî un cors di inglês

    v.tr. tignî Copia

    (fevelâ)
    tenere un'arringa = tignî un plait
  • 16

    v.tr. tignî Copia

    [CO] (rivâ a contignî)
    il salone tiene cinquecento persone = la sale grande e ten cinccent di lôr
  • 17

    v.tr. tignî Copia

    (di une machine, che e à une buine stabilitât)
    una spider che tiene bene la strada = une spider che e ten ben la strade

    v.tr. tignî Copia

    [FO] (mantignî une direzion)
    la barca tiene la rotta di Marano = la barcje e ten la direzion di Maran
  • 18

    v.tr. tignî, vê Copia

    [FO] (mantignî un principi)
    ha sempre tenuto una certa condotta morale = al à simpri tignude une cierte condote morâl
  • 19

    v.tr. dâ, stimâ, tignî, calcolâ Copia

    [CO] (vê convinzion)
    tengo per certo che quello sia un traditore = lu ten sigûr par un traditôr

locuzioni

    saper tenere la penna in mano
  • savê di letare, savê scrivi, savê tignî la pene in manCopia
    [CO] (jessi bon di scrivi ben)
    è meglio fare scrivere il comunicato a uno che sappia tenere la penna in mano = al è miôr fâi scrivi il comunicât a di un che al sepi di letare
    • tenere a bada
  • stâ daûr, tignî a ments, tignî di voli, tignî in strope, tignî sot control, tignî in çancisCopia
    [CO] (controlâ)
    tieni a bada gli avversari = ten di voli i aversaris
  • tignî di voli, viodi, cjalâ, impensâsiCopia
    [CO] (proviodi)
    deve tenere a bada i bambini = al à di viodi dai fruts
    • tenere a battesimo
  • tignî a batisim, batiâCopia
    (fondâ une imprese o jessi presint sul so nassi)
  • tignî a batisimCopia
    (jessi presint te scree di impresis, nâfs e v.i.)
    il sindaco ha tenuto a battesimo la nuova scuola = il sindic al à tignût a batisim la gnove scuele
  • tignî a batisimCopia
    [CO] (fâ di santul o di santule)
    • tenere a distanza
  • tignî indaûr, tignî lontan, tignî a la lontaneCopia
    [CO] (no dâ confidence)
    • tenere a freno
  • tignî a brene, tignî in stangje, tignî in brene, tignî in strope, tignî pe cjaveceCopia
    [CO] (stratignî cdn.)
    sono ragazzi tremendi, nessuno li tiene a freno = a son fantats trements, no ju ten in strope nissun
  • tignîCopia
    [CO] (stratignî alc, spec. une emozion)
    non tiene più a freno la rabbia = nol ten plui la rabie
    • tenere a freno la lingua
  • tignî la lenghe in bocje, cusî la lengheCopia
    [CO] (tasê par no dî robis masse fuartis)
    tieni a freno la lingua! = tenti la lenghe in bocje!
    • tenere a memoria
  • [CO] (vedi tenere a mente)
    • tenere a mente
  • tignî a ments, tignî inimentCopia
    [CO] (visâsi des robis, no dismenteâlis)
    • tenere a, in briglia
  • tignî in stangje, tignî pe cjavece, tignî in stradeCopia
    [CO] (fâ che cdn. nol scjampi o nol ledi fûr di strade)
    alle volte fatica a tenere il marito a briglia = ogni tant e fâs fature a tignî l'om in strade oppure pe cjavece
    • tenere al guinzaglio
  • tignî sot, tignî pe cjavece, meti il sguinçâl, meti il jôf, meti la cjaveceCopia
    [CO] (sotanâ)
    i creditori lo tengono al guinzaglio = i creditôrs lu tegnin pe cjavece
    • tenere alta la bandiera
    tenere asciutte le polveri
  • stâ in vuaiteCopia
    [CO] (jessi pront a la lote, stâ sul abai)
    tenere asciutte le polveri in vista dello scontro decisivo = stâ in vuaite in spiete dal scuintri decisîf
    • tenere banco
  • tignî bot, tignî banc, tignî bancje, tignî sù dut, tignî sù la compagnie, stâ tal mieç, jessi tal mieçCopia
    [CO] (jessi il centri de conversazion)
    è sempre lui che tiene banco = al è simpri lui che al ten sù la compagnie
    • tenere bordone
  • tignî bacin, fâ bordon a unCopia
    [TS] (acompagnâ une musiche)
  • fâ bordon, tignî sù il mocul, tignî bacinCopia
    [CO] (stâ cun cdn.)
    gli ha tenuto bordone per tutta la serata = i à tignût bacin par dute la serade
    • tenere buono
  • tignî bonCopia
    [CO] (cirî di no fâ rabiâ cdn.)
  • tignî bon, tignîsi bonCopia
    [CO] (tignîsi bon il favôr o la amistât di cdn. par pôre o par calcul)
    anche se non erano proprio amici ha tenuto buono quel politico = ancje se no jerin pardabon amîs si à tignût bon chel politic
    • tenere compagnia
  • tignî compagnie, fâ compagnieCopia
    [CO] (stâ cun cdn., no lassâlu sôl)
    tenere compagnia alla nonna = fâ compagnie ae none
    • tenere conto
  • tignî contCopia
    [CO] (cjapâ dentri intun cont, intune valutazion)
    tenere conto anche delle spese di viaggio = tignî cont ancje des spesis pal viaç
  • tignî contCopia
    [CO] (valutâ ben alc)
    tenere conto della qualità = tignî cont de cualitât
    • tenere d'occhio
  • tignî a ments, tignî di voliCopia
    [CO] (controlâ, abadâ)
    • tenere da conto
  • tignî cont, tignî di contCopia
    [CO] (conservâ alc une vore ben)
    tienimi da conto la bicicletta = tenmi di cont oppure tenmi cont la biciclete
    • tenere dietro
  • lâ daûr, stâ daûr, tignî daûrCopia
    [CO] (seguî, tignî la stesse velocitât)
    quando corre in bicicletta non riesco a tenergli dietro = cuant che al cor in biciclete no rivi a stâi daûr
  • lâ daûr, stâ daûr, tignî daûrCopia
    [CO] (rivâ a capî i resonaments di cdn.)
    la lezione era difficile e solo pochi allievi sono riusciti a tenere dietro al professore = la lezion e jere dificile e dome pôcs arlêfs a son rivâts adore di stâ daûr dal professôr
  • lâ daûr, stâ daûr, tignî daûr, bati daûrCopia
    [CO] (vignî daspò)
    ai tuoni tenne dietro la tempesta = daûr dai tons al vignì burlaç
    • tenere duro
  • tignî dûr, tignî pont, bati dûr, tignî strent, condurâCopia
    [CO] (resisti intune fadie, intune situazion di dificoltât)
    tieni duro ancora un po' = ten dûr oppure ten strent ancjemò un pôc voglio tener duro fino in fondo = o vuei condurâ oppure bati dûr oppure tignî pont fin insom
    • tenere gli occhi addosso
  • fâ la tire, tignî a ments, tignî di voli, tignî i voi intor, mangjâ cui voi, cjalâCopia
    [CO] (cjalâ alc cun chê di vêlu)
    è da molto tempo che tiene gli occhi addosso a quel terreno = al è di dopo mai che i fâs la tire a oppure che al ten a ments oppure che al cjale chel teren
  • fâ la tire, tignî di voli, tignî cjalât, tignî i voi intor, mangjâ cui voiCopia
    [CO] (cjalâ cun interès)
    le ha tenuto gli occhi addosso per tutta la sera = le à mangjade cui voi oppure i à tignûts i voi intor par dute la sere a dilunc
    • tenere gli occhi aperti
  • stâ in vuaite, stâ in gjambe, stâ in olme, tignî vierts i voiCopia
    [CO] (stâ atent)
    se avesse tenuto gli occhi aperti non sarebbe caduto = se al ves tignûts vierts i voi nol sarès colât
    • tenere i piedi a, in, per terra
  • tignî i pîts par tiere, stâ cui pîts par tiereCopia
    [CO] (jessi realist)
    • tenere il becco chiuso
    tenere il broncio
  • tignî la muse, vê la lune, tignî muse, tignî musics luncs, stâ cu la muse, jessi cu la muse lungje, tignî music, vê il musicCopia
    [CO] (stâ cidin par vie che si pense di vê patît un tuart)
    il bambino tiene il broncio perché la mamma non gli ha dato la caramella = il frut al ten music parcè che la mame no i à dade la caramele
    • tenere il campo
  • tignî cjamp, tignî il cjamp, tignî la bataie, tignî la loteCopia
    [CO] (parâ indaûr il nemì)
  • tignî bot, tignî dûr, fâ front, fâ resistenceCopia
    [CO] (resisti)
    la squadra più debole ha tenuto il campo molto bene = la scuadre plui debile e tignût bot une vore ben
  • restâ su la sô, restâ de sô, stâ salt su la sô, restâ de sô ideeCopia
    (restâ de sô idee, intune cuistion)
    nonostante i tuoi argomenti ha tenuto il campo = no cate i tiei argoments al è restât de sô
    • tenere il coltello dalla parte del manico
    tenere il fiato con i denti
    tenere il fucile puntato
  • stâ cu la sclope a la museCopia
    [CO] (-)
    il cacciatore teneva il fucile puntato in attesa del fagiano = il cjaçadôr al steve cu la sclope a la muse in spiete dal fasan
    • tenere il mare
  • tignî la aghe, tignî mâr, tignî il mâr, stâ in mârCopia
    [CO], [TS] (rivâ a puartâsi cul mâr in burascje)
    • tenere il muso
  • [CO] (vedi tenere il broncio)
    • tenere il passo
  • stâ daûr, stâ tacât, bati daûr, tignî il pasCopia
    [CO] (tignî daûr)
  • tignî il pas, tignî pas, tignî la marcje, tignî marcjeCopia
    [CO], [TS] (lâ daûr il pas di marcje)
  • stâ daûr, stâ tacât, tignî il pas, tignî pas, tignî la marcje, tignî marcjeCopia
    [CO] (mantignî un ritmi)
    i lavori non tengono il passo necessario = i lavôrs no tegnin il pas che al covente
    • tenere il piede in due scarpe
  • tignî il cûl su dôs cjadreis, stâ a cjaval dal fossâl, impiâ une cjandele al diaul e une al sant, tignî impiade une cjandele a la Madone e une al diaul, impiâ une cjandele al diaul e une a Sant Micjêl, stâ a cjaval di dôs cjadreis, mangjâ a doi platsCopia
    [CO] (barcjemenâsi jenfri doi interès cirint di vuadagnâ di dutis dôs lis bandis)
    • tenere il piede in due staffe
    tenere il sacco
  • tignî il sacCopia
    [CO] (jessi compliç di cdn.)
    è ladro chi ruba come chi tiene il sacco = al è lari chel che al robe e chel che i ten il sac
    • tenere in ballo
  • tignî sù, tignî in bal, tignî su la taule, tignî sul platCopia
    [CO] (fâ spietâ, no sierâ une cuistion dulà che cdn. al spiete une soluzion)
    mi ha tenuto in ballo per due mesi prima di rispondere = mi à tignût sù par doi mês prin di rispuindi perché tieni ancora in ballo la cosa? = parcè tegnistu ancjemò in bal oppure sul plat la robe?
    • tenere in caldo
  • tignî in cjaltCopia
    [CO] (tignî cjalt un mangjâ)
    ti ho tenuto in caldo la minestra = ti ai tignût in cjalt la mignestre
  • tignî cont, tignî cjalt, tignî in cjaltCopia
    [CO] (meti in bande un argoment par tornâi parsore)
    hanno deciso di tenere in caldo l'argomento = a àn decidût di tignî cjalt chel cantin
    • tenere in considerazione
  • vê in bon concetCopia
    [CO] (stimâ, preseâ, calcolâ)
    tiene in considerazione i suoi professori = al à in bon concet i siei professôrs
    • tenere in conto
  • fâ calcul, puartâ in palme di man, calcolâ, fâ buine monede, fâ capitâlCopia
    [CO] (tignî in considerazion)
    non sono tenuti in gran conto presso di noi = no son calcolâts masse ca di nô teniamo in gran conto la sua collaborazione = o fasìn buine monede de sô colaborazion
    • tenere in mano
  • tignî controlât, vê in man, vê sot controlCopia
    [CO] (controlâ)
    gli americani vorrebbero tenere in mano il mondo = i americans a volaressin vê in man il mont
    • tenere in piedi
  • tignî sù, tirâ indenant, parâ indenant, menâ indenantCopia
    [CO] (fâ che une economie di famee o di imprese o un complès di relazions no si disfin)
    il padre aveva tenuto in piedi la ditta per trent'anni = il pari al veve tignût sù la dite par trente agns teneva lui in piedi l'associazione = al tignive lui in pîts la associazion tiene lei in piedi la baracca = e tire jê indenant la barcje
    • tenere in pugno
  • vê in man, vê in pugn, vê in sacheteCopia
    [CO] (vê alc o cdn. in so podê)
    non può fare niente, lo tengo in pugno = nol pues fâ nuie, lu ai in pugn
    • tenere in serbo
  • tignî in bande, tignî in cuince, tignî in sâl, tignî vieCopia
    [CO] (tignî pront alc par cuant che al covente)
    tiene in serbo per lei un bel regalo = al ten in bande par jê un biel regâl
    • tenere l'anima con i denti
    tenere la bocca chiusa
  • tasê cidin, tignî la lenghe a cjase, tignî la lenghe in bocje, tignî la bocje sierade, stâ cidin, tignî la bocje stropade, tignî la bocje cuside, tignî la lenghe tai dincjCopia
    [CO] (no dî nuie di ce che si sa a nissun)
    • tenere la candela
  • [CO] (vedi reggere il moccolo)
    • tenere la cassa
  • tignî la casse, vê la casseCopia
    [CO] (aministrâ i bêçs)
    chi teneva la cassa è scappato con tutti i soldi = cui che al veve la casse al è scjampât cun ducj i bêçs
    • tenere la lingua a posto
  • tignî la lenghe a cjase, tignî la lenghe in bocje, tignî la lenghe tai dincjCopia
    [CO] (tasê, rivâ a frenâ la lenghe)
    • tenere la ruota
  • tignî la ruede, tacâsi ae ruede, tacâsi ae codeCopia
    [CO] (spec. intune gare ciclistiche, no fâsi distacâ)
    il secondo tiene la ruota del primo = il secont al ten la ruede dal prin
    • tenere la sinistra
  • stâ infûr, tignî la çampeCopia
    [CO] (stâ a çampe suntune strade)
    • tenere le distanze
  • tignîsi in bande, tignîsi lontan, tignîsi indaûr, stâ distacât, tignîsi distacât, tignî distacât, tignî a distance, tignî lontanaceCopia
    [CO] (no dâ confidence a cdn.)
    è uno da cui è bene tenere le distanze = al è un che al è ben di tignîsi lontans di lui
    • tenere le fila
  • [CO] (vedi reggere le fila)
    • tenere le mani a posto
  • tignî lis mans là che al va ben, stâ a puest cu lis mans, stâ fer cu lis mans, tignî lis mans a cjase, tignî jù lis mans, meti jù lis mansCopia
    [CO] (stratignîsi dal pestâ o dal tocjâ cdn.)
    stai attenta che quello non è capace di tenere le mani a posto = sta atente che chel là nol è bon di stâ fer cu lis mans
    • tenere le parti
  • tignî sù, puartâ la part, stâ de bande, jessi de bande, puartâ la bandeCopia
    [CO] (tignî par un)
    tenere le parti dei più deboli = puartâ la part dai plui debii
    • tenere mano
  • tignî man, dâ une man, tignî tierç, filâ il laçCopia
    [CO] (judâ)
    ha cercato in tutti i modi di tenergli mano = al à cirût in dutis lis manieris di dâi une man
    • tenere per sé
  • tignî par se, tignî te goseCopia
    [CO] (no spiâ ator ce che si ven a savê)
    questa cerca di tenerla per te = cheste cîr di tignîte par te
    • tenere presente
  • tignî ad a ments, tignî presintCopia
    [CO] (impensâsi, visâsi, tignî cont)
    grazie del consiglio, lo terrò presente = graciis dal parê, lu tignarai ad a ments
    • tenere sotto
  • tignî sot, meti i pîts sul cjâf, comandâ, controlâ, tignî sotanCopia
    [CO] (dominâ)
    cerca di non farti tenere sotto = cîr di no fâti meti i pîts sul cjâf
    • tenere sulla corda
  • fâ balâ su la cuarde, fâ tignî sù il pîtCopia
    [CO] (lassâ cdn. intai dubis o in spiete di alc)
    • tenere testa
  • tignî bot, fâ front, passâ denantCopia
    (vê reson cuintri di cdn.)
    deve ancora nascere uno che sia in grado di tenergli testa! = al à ancjemò di nassi chel in stât di fâi front oppure di passâi denant!
  • tignî bot, fâ front, fâ resistenceCopia
    [CO] (resisti)
    tenere testa al nemico = tignî bot cuintri dal nemì

monolingue

cjapâ v.tr.
(cja-pâ)
Strenzi o tacâ a strenzi e a tignî cu lis mans
sinonimi
brancâ, brincâ, cjapâ sù, cjoli, cjoli sù, gafâ, grampâ, imbrincâ, ingrampâ, racuei, tirâ sù
esempi
"Zuantoni in serpe al cjalave fis devant, tal scûr. Ogni tant al cjapave lis redinis tune man sole e cun chê altre al palpave un pac, in bande, di no pierdilu"
da "La massarie" di Dino Virgili
"la fie che e jere furbe, e cjape piron, curtìs e sedon che a jerin di aur, e ju sgnache te sachete di so pari"
da "Maletegne" di Andreina Nicoloso Ciceri
"al lusôr dal frigo viert Zac Moraulis al scrusignâ chel vueit cence sperance dai riplans, po al cjapà un bussulot di jogurt, al controlà la date e lu butà vie parcè che al jere scjadût"
da "Light my Fire" di Franco Marchetta
cjapâ v.tr.
(cja-pâ)
Strenzi o tacâ a strenzi cdn. e a tignîlu, massime cu lis mans e cui braçs, ancje tirantlu sù, sedi par afiet, che par judâ, che par fâ dal mâl e v.i.
sinonimi
brincâ, cjoli, cjoli sù, grampâ, imbrincâ, ingrampâ, tirâ sù, strenzi, striçâ, strucâ
esempi
"Vera e cjape Werner tal braç, che al è spaurît e nol sa ce fâ e indulà lâ a platâsi, lu ten parât sot di se e lu cuiete a sun di bussadis"
da "Storie di Vera" di Ivano Urli
"intun empit di rabie, i salte intor e lu cjape pal stomi"
da "Int di masnade" di Alviero Negro
cjapâ v.tr.
(cja-pâ)
[CO] (zûcs) Ancje ass., intai zûcs di cjartis, meti une cjarte che e jere su la taule, tal mac o zuiade di chei altris, tra chês che si à in man o tra chês vinçudis
sinonimi
cjapâ sù, cjoli, cjoli sù, tirâ sù, pescjâ
esempi
"al sarès bastât cjapâ un fant, dome un umil fant ma, par disgracie, il so compagn Meni al jere parimentri dordel come Mario e nol capì che l’amì al veve il capon"
da "Se ti perdi tuo danno" di Checo Tam
"Toful al cjapà il pio e al poià lis cjartis sieradis sul ôr de taule, al ingrampà la sô tace e le scolà tune glotude butant il cjâf indaûr"
da "La aghe da pît la cleve" di Dino Virgili
cjapâ v.tr.
(cja-pâ)
Fâ in mût di vê alc a disposizion, cul lâ a procurâsal e cul tignîlu sot man par podê doprâlu
sinonimi
cjapâ sù, cjoli, cjoli sù
esempi
"cjapâ 1 litri di lat di mandule: gjavâ un cop par disfâ l'amit di blave intune scudiele e meti a boli il rest cu la piel di limon e la bachete di canele, cuant che al jeve il bol studâ e lassâ in infusion"
da "Menjar blanc" di Sandri Carrozzo
cjapâ v.tr.
(cja-pâ)
Sielzi e comprâ
sinonimi
cjoli, comprâ, cuistâ
esempi
"o cjapi trê etos di formadi di chel vecjo, par plasê"
"za che tu vâs fûr, passe ancje a cjapâ il pan"
cjapâ v.tr.
(cja-pâ)
Doprâ come mieç di traspuart
sinonimi
cjoli
esempi
"scuintiât, scanât, scunît e avilît no i restave nuie altri che cjapâ l'avion e tornâ a cjase"
da "Eivissa mon amour" di Fabian Ros
"no cjapâ la machine co no si à di slontanâsi plui di chel tant; fâ lis scjalis e no cjapâ l'assensôr"
da "Metiti in moto!" di Guglielmo Pitzalis
"ogni an lis solitis robis: la bande, il pichet di onôr, i intervents des autoritâts, i discors dai uficiâi de caserme e po il president dai combatents… e finalmentri il ghiringhel prime di tornâ a cjapâ la coriere"
da "Lis pinessis" di Checo Tam
cjapâ v.tr.
(cja-pâ)
Ricevi, acetâ alc che al ven proferît
sinonimi
cjoli, ricevi, vê
esempi
"la prevision de radiazion di fonts a 3 grâts Kelvin e je stade sperimentalmentri verificade (e i verificadôrs a àn par chest cjapât il premi Nobel)"
da "Teologjie algjebriche" di Sergio Cecotti
"il dì di sant Roc si menin li, in rie sul ôr de strade, i nemâi dal Borc a cjapâ la benedizion"
da "La Çucule" di Dino Virgili
cjapâ v.tr.
(cja-pâ)
Jentrâ in possès ma no in proprietât di alc, a ciertis cundizion
sinonimi
cjoli
esempi
"cjapâ un libri de biblioteche publiche"
"cjapâ a fit un apartament"
cjapâ v.tr.
(cja-pâ)
Jentrâ in possès di alc che al ven consegnât, che al jere stât mandât e v.i.
sinonimi
cjapâ sù, cjoli sù, tirâ, tirâ sù, vê, ricevi
esempi
"al è stât cussì che une dì o cjapi une letare dal prefet che al mi dîs di tornâ a studiâ la pratiche e intant di spietâ prin di lâ indenant"
da "Lis scuelis e la nêf" di Pieri Somede dai Marcs
"lâ a cjapâ un certificât in comun"
cjapâ v.tr.
(cja-pâ)
Puartâ vie alc, spec. cu la fuarce, cul imbroi o cence vê dirit
sinonimi
cjoli sù, cucâ, curâ, puartâ vie, cjoli, netâ, netâ sù, netâ vie
esempi
"i laris a son jentrâts di gnot e a àn cjapât bêçs e robe di valôr"
"Pine i veve contât a Tite la vitace che e veve fate di zovine e ce che e faseve cui vedrans par cjapâur i bêçs e la robe, e i veve domandât perdon imbroiantlu ancjemò une volte par che al murìs in pâs"
da "Chei di Muraie" di Pieri Menis
cjapâ v.tr.
(cja-pâ)
Rivâ a otignî un titul di studi, une licence, un titul e v.i.
sinonimi
cjoli
esempi
"si sin fats il cûl noaltris par laureâsi, par cjapâ la specializazion, altri che pierdi timp ator pes stradis come chei ca"
da "La maiute di Zidane" di Maurizio Mattiuzza
"cuant che a sintirin che al veve cjapade la patente si ingrisularin e si domandarin scaturîts cui che al jere stât chel batecul che i veve dât in man une arme tant pericolose"
da "Pre Pitin" di Antoni Beline
cjapâ v.tr.
(cja-pâ)
Rivâ a otignî alc di no materiâl, massime alc che al ven dât di altris par fiducie
sinonimi
vê, ricevi
esempi
"cjaparìno avonde vôts par jessi determinants, al ven a stâi par mudâ il cors de storie tune direzion positive?"
da "Il risultât eletorâl dai partîts di identitât teritoriâl - A case study: Scottish National Party" di Sergio Cecotti
"pe assemblee ogni soci al pues cjapâ la deleghe di un sôl altri soci che nol pues vignî"
"se alc al funzione, nuie di miôr che fâlu incressi e cjapâ i compliments"
da "Comunicâ la autonomie" di Sandri Di Suald
cjapâ v.tr.
(cja-pâ)
Rivâ in timp par scoltâ, viodi e v.i.
esempi
""Sêstu lât ae conference?" "Sì ma o soi rivât tart e o ai cjapât dome la code""
"a lavin a cjapâ un toc de Messe e dal Jespui di Pre Zaneto"
da "Cjase di Dalban" di Maria Forte
cjapâ v.tr.
(cja-pâ)
Vê di patî alc di negatîf
sinonimi
becâ, vê, vanzâ, puartâ dongje, puartâ a cjase
esempi
"la Gjermanie aie cjapadis chês vuadulis che le fasin cainâ cumò, cuant che e jere une federazion di tancj stâts scuasi indipendents?"
da "Cjalâ plui inlà" di Josef Marchet
"scugnî stâ zitos e cuços, di une pestadice a chê altre, a sopuartâ robariis, mangjariis e a cjapâ rips tal cûl di ognidun che al rivave"
da "Int di masnade" di Alviero Negro
cjapâ v.tr.
(cja-pâ)
Vê une pene, une condane, un cjastì e v.i.
esempi
"la uniche lenghe che si podeve doprâ a scuele e jere il talian, intant che a fevelâ par furlan (e ancjemò di plui par sloven), si podeve cjapâ une multe"
da "La colonie" di Sandri Carrozzo
"si spietave la fusilazion. E invezit al à cjapât nome sîs mês di galere"
da "Il prin moto" di Riedo Pup
cjapâ v.tr.
(cja-pâ)
Rivâ un bersai
sinonimi
cucâ, rivâ
esempi
"dal 1941 lis primis bombis a àn cjapât Berlin e la aministrazion e à stabilît di stramudâ fûr de citât lis oparis artistichis e i documents storics"
da "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin
"ogni un tant de rive çampe de Vorska i canons a sbaravin. I ricovars che i alpins a vevin prontâts in presse a tignivin dûr, se no ju cjapavin in plen"
da "Cjalant la rive" di Agnul di Spere
cjapâ v.tr.
(cja-pâ)
Rivâ a pâr cun cualchidun altri
esempi
"par i siei cutuardis agn al jere ben metût, al veve zaromai cjapât il pari in altece"
da "La salamandrie tal fûc" di Carlo Tolazzi
"cheste domenie, se l'Udin al vinç al cjape il Milan"
cjapâ v.tr.
(cja-pâ)
Racuei e puartâ vie alc che si cjate
sinonimi
cjoli, cjapâ sù, cjoli su
esempi
"lâ tal bosc a cjapâ sparcs di ruscli"
cjapâ v.tr.
(cja-pâ)
Rivâ a tignî o a copâ une bestie, spec. cjaçant o pescjant
sinonimi
becâ, brincâ, cjaçâ, cucâ, curâ, pescjâ
esempi
"fin sot la rive di Sant Pieri si slungjavin pocis e poçalis e plui injù la roie e il lavio dulà che Diu al semenave par lui vriutis, tencjis, gjavedons, bisatis, sgjardui e temui. Se l'om al cjapave alc di plui preseât, Taresie i diseve: - Chest vendilu ae Siore"
da "Il vivi al è chel rangjâsi" di Maria Forte
"al pensave che, dopo, chei uciei ju cjapave lui te sô bressane incurnisade di vert"
da "Il vivi al è chel rangjâsi" di Maria Forte
cjapâ v.tr.
(cja-pâ)
Rivâ a tocjâ, a tignî o a stratignî cdn.
esempi
"e Nando a clamâju [i fruts], a berlâur, a scufiotâju ancje, co al rivave a cjapâju, che nol jere tant facil, che a jerin tant che faìnis"
da "Il muini" di Meni Ucel
cjapâ v.tr.
(cja-pâ)
Vê une relazion sessuâl, o ancje obleâ a vê une relazion sessuâl
sinonimi
doprâ, foti, fotâ
esempi
"un che mi è jentrât tal jet che o jeri dome une frutine e che mi à cjapade cun fuarce e dispresit"
da "Se Diu al vûl" di Antescûr
cjapâ v.tr.
(cja-pâ)
Intun rapuart sessuâl, jessi penetrât o fâsi penetrâ
esempi
"i lavris [...] si fasin infûr, si strenzin intor di lui, lu cjapin dut, sù e jù, e la lenghe e bale une musiche dolce e disperade"
da "Anime" di Spirt Anonim
cjapâ v.tr.
(cja-pâ)
Meti in stât di fer o di arest
sinonimi
arestâ, becâ, brincâ, cucâ, curâ, grampâ, piâ, scuaiâ, gafâ, gatamâ
esempi
"une dì lu cjapin des sôs bandis che al ven jù de montagne e nol à documents, une robe che ai Todescs ur puce di stiç tant di calcolâlu partigjan"
da "Storie di Min" di Ivano Urli
"i dodis sotans che a vevin cjapâts e mandâts sot procès par cheste istesse reson, a son stâts ricognossûts inocents e molâts"
da "Int di masnade" di Alviero Negro
cjapâ v.tr.
(cja-pâ)
Rivâ dongje o intor, cjatâ intune cierte situazion o posizion
esempi
"i Vanuts a lavin [li di dôs muracis vanzadis di une bressane] a parâsi dal maltimp se ju cjapave a tradiment tal mieç dal cjamp"
da "Devant di dut il cîl" di Dino Virgili
"o vignîs ca di nô a parâsi se us cjape la ploie a viert"
da "La aghe da pît la cleve" di Dino Virgili
cjapâ v.tr.
(cja-pâ)
Rivâ a someti, a controlâ in graciis di une azion militâr
sinonimi
concuistâ, meti sot, ocupâ, sotanâ
esempi
"ta chei agns e je la vuere jenfri Vignesie e l'Imperi. Il conflit tra la Republiche di Sant Marc e i Asburcs al tache intal 1508 e al va indenant a sangloç fin al 1516. Ta chescj agns la Patrie dal Friûl e ven cjapade e molade dai doi esercits plui di une volte"
da "Il Friûl de Joibe Grasse dal 1511" di Carli Pup
"i comandants - i scriveve so pari - a capissin nome la lôr: par cjapâ une culine a son bogns come nuie di riscjâ un zovin. No san, lôr, un om ce che al vâl"
da "Dreute" di Riedo Pup
cjapâ v.tr.
(cja-pâ)
Sedusi, cjapâ tal laç
sinonimi
cjapâ tal laç, cjapâ te vuate, concuistâ, inmagâ, piâ, sedusi
esempi
"mi à cjapât cul so mût di fâ di misteri"
cjapâ v.tr.
(cja-pâ)
Tignî un ciert spazi
sinonimi
tignî, puartâ vie
esempi
"il puest che chel grant om al veve sielzût pes scuelis, al cjapave un toc di vignâl di un paron, mieç cjamp di une puare femine cun cuatri fruts che e no veve che chel, un toc di ort di un che al jere in Americhe e po par mieç al passave il canâl di irigazion"
da "Lis scuelis e la nêf" di Pieri Somede dai Marcs
"i cjistiei [di jets] a cjapin il sît par lunc, par traviers e cun di plui par adalt, stant che ogni cjistiel al à cuatri plans, ven a stâi cuatri brandis"
da "Storie di Vera" di Ivano Urli
"da une viertidure che e cjape mieze parêt cu la vereade a cuadrei di cristal e jentre une lûs sflandorose e a traviers i veris si viôt da lontan lis napis altis altis di une fabriche"
da "Un pugn di moscjis" di Pieri Somede dai Marcs
"al tirà fûr un libron che al cjapave dut il taulin, si sentà da gnûf lecantsi il dêt poleâr"
da "La aghe da pît la cleve" di Dino Virgili
cjapâ v.tr.
(cja-pâ)
Tignî impegnât
sinonimi
puartâ vie, domandâ, mangjâ
esempi
"individuâ un argoment dissiplinâr, un par classe, che al cjapàs ancje dome pocjis oris di lezion"
da "Memoriis di politiche linguistiche" di Adrian Cescje
"ancje in ducj chei altris dîs a son ingropâts un cul altri dutrine, alenament, compits di scuele, messis, voris di cjase, che mi cjapin la setemane complete"
da "Sul florî" di AAVV
cjapâ v.tr., v.intr.
(cja-pâ)
Di sensazions fisichis o psicologjichis, di sintiments, estris, atitudins e v.i., fâsi sintî a fuart, dominâ la persone (fig.)
sinonimi
becâ, dominâ, grampâ, cjoli, tacâ, travanâ, strenzi, muardi
esempi
"i veve tocjât la sede de piel e si jere sintût a cjapà di un sgrisul, dai pîts ae lidrîs de cope"
da "La tiere di Lansing" di Maria Forte
"biel che la lûs e leve murint sul imbrunî, mi à cjapât come un afan, une malinconie, une ribelion a chest scugnî simpri lassâ lis robis bielis a pene che si à scomençât a gjoldilis"
da "Sant Jacum, là che al finìs il mont" di Antoni Beline
"al scole ancjemò un pocjis di tacis e al monte sù sul cjadreon: la cjoche oratorie lu cjape dal dut… Al piert la reson, al tache a çavariâ e al dismentee dut"
da "Filosofie padronâl" di Riedo Pup
"ur veve cjapade la rabie, par vie, che al jere stât concedût ancje ai forescj di vignî a bati la aste"
da "Int di masnade" di Alviero Negro
"cjapât di une pôre istintive o sieravi une altre volte la puarte cu la clâf"
da "I forescj" di Alan Brusini, Gian Paolo Linda
"ma ce smanie us aie cjapâts, dulà vêso il sintiment, dulà intindêso e dulà crodêso di rivà?"
da "No sin bogns di fâ fieste" di Riedo Pup
cjapâ v.tr.
(cja-pâ)
Sintî, vê une sensazion fisiche o psicologjiche, un sintiment, un estri e v.i.
sinonimi
vê
esempi
"o ai cjapade tante di chê pôre, che il sanc mi è lât dut in aghe"
da "Il sium di Lissandri" di Franca Mainardis
"il princip che al veve cjapât simpatie tal gnûf amì lu pree di stâ cun lui un pôcs di dîs"
da "I trê cjadreons" di Andreina Nicoloso Ciceri
cjapâ v.tr.
(cja-pâ)
Sielzi e tignî a vore
sinonimi
cjapâ sù, cjoli a vore, cjoli, cjoli sù, tignî, cjapâ a vore
esempi
"cjapâ un lavorent"
"par cuvierzi i puescj di responsabil di cualifiche dirigjenziâl o di alte specializazion si pues cjapâ personâl a contrat a timp determinât"
da "Statût de Provincie di Udin" di
cjapâ v.tr.
(cja-pâ)
Tacâ a fâ une cierte funzion
sinonimi
cjapâ sù, cjoli
esempi
"cheste liberalitât e podeve produsi situazions creativis, ma par sigûr no cjatave la adesion di Tosoni, che cuntune vision plui pragmatiche a pene cjapade la incarghe [di diretôr] al invie di pet une riorganizazion de radio e de programazion"
da "Un Friûl difarent: i 90 mhz di Onde Furlane" di Max Mauro
cjapâ v.tr.
(cja-pâ)
Sielzi e tignî tant che compagn o compagne sentimentâl
sinonimi
cjoli, tirâ sù, tirâ dongje
esempi
"par fuarce che al è vedran: brut, stupit e ancje trist, cui aie di cjapâlu?"
cjapâ v.tr.
(cja-pâ)
Sielzi e meti in vore dopo di vê considerât plui pussibilitâts
sinonimi
cjoli
esempi
"Pierluigi Visintin al à let, studiât e in cualchi câs doprât soluzions za cjapadis di chescj tradutôrs"
da "Note dal curadôr ae traduzion dal Infier di Dante" di Sandri Carrozzo
"la linie uficiâl in Italie e je che nol è sucedût nuie, che il conflit linguistic nol esist, che no je mai stade cjapade nissune misure agressive par rivâ ae sostituzion linguistiche"
da "Il Friûl tra conflit invisibil e alienazion" di Sandri Carrozzo
"la vicinie si riunive sot il tei, in place, par che la int e fevelàs, e discutès e po e decidès. Li si sintive il pro e il cuintri e li si cjapave la decision"
da "I furlans e la partecipazion" di Riedo Pup
cjapâ v.tr.
(cja-pâ)
Sielzi e lâ par une strade, di une cierte bande, daûr di un ciert percors e v.i.
sinonimi
cjoli, fâ
esempi
"il prin toc si fasevilu a zigzag fra plantis vidricis di faiâr, po si cjapave une scjalute cui scjalins larcs che si strenzevin simpri plui"
da "La vuere sul Freikofel" di Pieri Menis
"Baldo al cjapà il troi dal ronc"
da "Devant di dut il cîl" di Dino Virgili
cjapâ v.tr.
(cja-pâ)
Acetâ alc o cdn. intun ciert mût, tignî intune cierte considerazion
esempi
"chei altris doi no si scomponin cuissà ce, tant che se no cjapassin la robe pardabon"
da "Par stradis lungjis" di Alan Brusini
"al veve imparât une robe che chei altris no savevin, ven a dî cjapâ lis robis cemût che a vignivin, cjalâlis di adalt, cun distance e cence passion"
da "Prime di sere" di Carlo Sgorlon
"tu cjapis lis robis masse sul tragjic tu"
da "Co l'amôr al cimie" di Costantino Smaniotto
cjapâ v.tr.
(cja-pâ)
Tratâ cdn. intun ciert mût (fig.)
esempi
"- No si sa ce maniere cjapâju! - al zonte Zaneto. - Siôrs po! Se o soi jo, o duar tun batifier!"
da "La gjambe di Zaneto" di Riedo Pup
"se jo o fos in te, chel frutat o provarès a cjapâlu cu lis buinis"
da "Chei di Muraie" di Pieri Menis
"ancje se si rabiisi nol covente cjapâ la int a malis peraulis"
cjapâ v.tr.
(cja-pâ)
In costruzions cu la preposizion "a", dâ jù, dâ pachis
esempi
"jo us cjapi ducj a bastonadis se no si tirais di bande"
da "La foghere" di Luciano Rocco
"sfaçât al jere stât! Ma lui no si jere inrabiât; se jal ves dite cualchidun altri lu varès cjapât a patafs"
da "Ta la ombre dal santuari" di Pieri Somede dai Marcs
cjapâ v.tr.
(cja-pâ)
Frontâ un ciert argoment, metisi a esaminâ cdn. o alc, dispès tal imperatîf in formis cun valôr enfatic o retoric
sinonimi
cjalâ, viodi, considerâ
esempi
"cjapìn, par esempli, la peraule «caritât». Par latin e ancje par talian al vûl dî «amôr»; amôr par Diu e pal prossim"
da "I furlans e la caritât" di Riedo Pup
cjapâ v.tr.
(cja-pâ)
Fâ jentrâ tal organisim, soredut mangjant o bevint
sinonimi
cjoli, bevi, gloti, mangjâ, parâ jù
esempi
"il miedi no mi à dât nissune punture, dome medisinis di cjapâ par bocje"
cjapâ v.tr.
(cja-pâ)
Di flum, lât, mâr e v.i., jessi destinatari de aghe puartade di un altri flum
esempi
"il Tiliment al cjape la aghe de Bût a ret di Cjanive di Tumieç "
cjapâ v.tr.
(cja-pâ)
Esponisi ai elements naturâi
sinonimi
cjoli
esempi
"tignî une plante dongje dal barcon par che e cjapi un pocje di lûs"
"taponiti di no cjapâ umit"
cjapâ v.tr.
(cja-pâ)
Jessi infetât di une malatie o tocjât di un stât patologjic o di un traume
sinonimi
becâ
esempi
"ma parcè stâstu intal frêt? Ma sêstu mat? E cence scarpis? Tu ti cjapis une polmonite, tu, frut, crôs di Diu!"
da "Il rucjin" di Laurin Zuan Nardin
"un dolôr sort. No mâl: un fastidi, come se o ves cjapât un cric o une slocje"
da "Tant parom" di Meni Ucel
cjapâ v.tr., v.intr.
(cja-pâ)
Tacâ a vê une cierte carateristiche
sinonimi
cuistâ
esempi
"il cogo si indurmidìs e tes pagjelis dut al cjape di stiç"
da "La fie e la fiastre" di Andreina Nicoloso Ciceri
"cui râfs si prepare un altri plat che si cjate dome te cusine furlane: la broade, fate cun chestis lidrîs tignudis a cjapâ di garp inte trape, gratadis, cuetis e servidis in gjenar par compagnâ cjar bulide o in altris ricetis"
da "Une regjon di cerçâ" di Sandri Carrozzo
"lis oris i puartarin un spi di clâr e la nêf e cjapà alc come di lune"
da "L'avôt" di Maria Forte
"o vin une alternance di senis che si davuelzin in plene nature, une nature salvadie e fuarte che ae fin e cjape un aspiet infernâl"
da "A esmorga" di Fabian Ros
cjapâ v.tr.
(cja-pâ)
Tacâ a compuartâsi intune cierte maniere
esempi
"Min e Barban lant dongjelaltris pe strade a àn cjapade cun di plui la mende di robâ cualchi robe a suiâ sul ôr dai curtîi, une gjachete, une cotule, un pâr di bregons"
da "Storie di Min" di Ivano Urli
"Michêl al veve cjapade la ande di lâ ogni domenie tor la une dopomisdì in cjase di gno barbe Grispi"
da "I macarons" di Meni Ucel
cjapâ v.intr.
(cja-pâ)
Preparâsi e lâ o tacâ o fâ alc a la svelte
sinonimi
cjapâ sù, cjapâsi sù
esempi
"tu cjapis e tu vâs cjase a polsâ"
da "Contis sot spirt" di Raffaele Serafini
cjapâ v.tr.
(cja-pâ)
Vê par vie di une origjin, di une cause e v.i. (fig.)
sinonimi
cjoli, ereditâ, trai
esempi
"une localitât impuartante dilunc de vie Postumie e jere chê di Ad Quadruvium (Codroip), che e cjapave il non de crosere cu la vie che di Concuardie e leve bande il Noric"
da "Protostorie e storie romane in Friûl" di AAVV
cjapâ v.tr.
(cja-pâ)
Riprodusi une figure, un ogjet, un ambient
sinonimi
fâ, tirâ jù, cjoli
esempi
"cjapâ un model di profîl"
cjapâ v.tr.
(cja-pâ)
Osservâ e regjistrâ un dât, une carateristiche e v.i.
sinonimi
misurâ
esempi
"cul jutori di robots si à proviodût a netâ il fabricât dal reatôr (1 Lui) e a cjapâ misuris dosimetrichis (2 Lui)"
da "Il disastri de centrâl nucleâr di Fukushima Dai-ichi" di Alessandro Pascolini
"cemût vuê? Âstu cjapade la pression? Ise simpri alte? "
cjapâ v.tr.
(cja-pâ)
Ancje ass., rivâ a vê un segnâl, spec. cuntune radio o une television
sinonimi
ricevi
esempi
"Checut al zire la manopule [de radio]: Beromünster… Monteceneri… Blue blue the love is blue… "Cjapade" al dîs il frutut"
da "Beromünster e Monteceneri" di Checo Tam
"o jeri in mont e il telefon nol cjapave"
cjapâ v.tr.
(cja-pâ)
Interpretâ intun ciert mût une peraule, une espression, un discors e sim.
sinonimi
intindi, interpretâ, capî
esempi
"il contest al è chel de maledizion di Caìn, ma si pues cjapâlu come une maledizion o un pês de vite stesse, cence implicazions di colpe e di pecjât"
da "Sant Jacum, là che al finìs il mont" di Antoni Beline
cjapâ v.tr.
(cja-pâ)
Pensâ che cdn. o alc a sedin cualchidun o alc altri che si somee
sinonimi
scambiâ, cjoli
esempi
"jê e la sô femine [dal protagonist de conte] a jerin tant che dôs gotis di aghe. Lis varessin cjapadis par zimulis"
da "Un piçul particolâr" di Fabian Ros
"un om che al à chê di cognossi la veretât al à di jessi bon di fâ la diference e di no cjapâ une cuarde par un sarpint o une lusigne par un ferâl"
da "Il lôf" di Fabian Ros
"a Casere Pâl Grant, barachis e barachins, restâts tant timp sepulîts sot de coltre blancje, si mostravin tal soreli: si varès podût cjapâju benissim par cjasutis di un borc di montagne"
da "La gleseute dai alpins" di Pieri Menis
cjapâ v.intr.
(cja-pâ)
Di une plante, meti lis lidrîs tal teren
sinonimi
inlidrisâsi, insedâsi
esempi
"intant il tei plantât za grant si jere brincât a fuart a la tiere. Al veve cjapât ben"
da "Il tei" di Maria Forte
cjapâ v.intr., v.tr.
(cja-pâ)
Di fûc, flame, combustibil e v.i., scomençâ a brusâ
sinonimi
piâsi, impiâsi, piâ, brusâ, impiâ
esempi
"il fûc al à cjapât il palaç dongje"
da "La salamandrie tal fûc" di Carlo Tolazzi
"dâi fûc al gjornâl; e soflâ par che a cjapin i stecs; e meti dentri i vidiçs par che il fûc si nudrissi"
da "La Gjis" di Meni Ucel
"voltait la çocje di chê altre bande, e cjape plui ben"
da "Vilie di Nadâl" di Pieri Somede dai Marcs
cjapâ v.intr.
(cja-pâ)
Di materiâl che si da sù tenar, e che dopo al à di leâ, di tignî dongje e v.i., indurîsi
esempi
"lassâ i tocs te smuarse par une ore par che la cole e cjapi ben"
"lassâ che il zes al cjapi e si sui par une dì prime di piturâ"
proverbi
"a fâ un plasê, si cjape doi displasês"
"al vûl mistîr in dut e lassâur cjapâ lis surîs ai gjats"
"ancje lis bolps vielis si lis cjape"
"bisugne cjapâ i uciei cuant che a passin"
"bisugne cjapâ lis vuitis cuant che a passin"
"bisugne lescjâ par cjapâ gjambars"
"cuant che il nûl al va a soreli jevât, mole il bo e va pal prât; cuant che il nûl al va a soreli a mont, cjape il bo e va a disconç"
"cuant che l'uciel al è fûr de scjaipule, si stente a cjapâlu"
"cui che al cjape il lot al cjape disgracie"
"cui che al da al torne a cjapâ"
"cui che al duar nol cjape pes"
"cui che al vûl cjapâ ducj i uciei che a passin no 'nt cjape nissun"
"cui che al vûl cjapâ il gût, bisugne che si bagni il cûl"
"cui che di gjat al nas al cjape surîs a scûr"
"cui che lis cjape a son sôs"
"cui che no si inzegne al cjape la tegne"
"cui sglavaçs no si cjape uciei"
"cul plui bati la strade, la bolp si cjape tal fier"
"cuntun sôl laç no si cjape il jeur"
"cuntune sole fave no si po cjapâ doi colomps"
"da la aghe si cjape il pes, dal fûc nuie"
"dut chel che di gjat al nas surîs al cjape"
"i cjatîfs: cjapâju cuant che a vegnin e lassâju lâ cuant che a van"
"i umign si cjapiju pe peraule, i bûs pai cuars"
"il durmion nol cjape pes"
"il mont al è come che si sa cjapâlu"
"il mont al è di cui che al sa cjapâlu"
"il ragn cu la sô tele al cjape moscjis ma no moscjons"
"il solt che si cjape a sotet al è un solt benedet"
"in vuere si va cun doi sacs: un par dâlis e un par cjapâlis"
"l'aur nol cjape magle"
"la strade plui curte a je chê che si cjape daurman"
"lasse cjapâ lis surîs ai gjats"
"lassii cjapâ la surîs al gjat"
"lis moscjis si lis cjape plui prest cu la mîl che no cul asêt"
"mâl par cui che lis da, piês par cui che lis cjape"
"more nere e intenç la ue: lasse la more, cjape la ue"
"no bisugne cjapâ dutis lis moscjis che a svolin"
"no si cjape lis moscjis cul asêt"
"plui adalt si va, plui grant bot si cjape"
"plui si cjape, plui si cjante"
"se nol è spavent no si cjape uciei"
"si cjape plui moscjis cuntune tace di mil, che no cuntune bote di asêt"
"tes barufis si va cun doi sacs: un par dâlis e un par cjapâlis"
"un len sec al cjape plui prest che no un vert"
"un len sec al cjape prime che no un vert"
Torna in Cima
Torna in Cima