Hai cercato la parola
monolingue
Torna indietro

monolingue

braùre s.f.
(bra-ù-re)
Considerazion une vore alte, ancje esagjerade, di se stes, des capacitâts e cualitâts che si à, sedi in assolût che in comparazion cun chei altris
sinonimi
albasie, arie, bote, bote di cjâf, burbane, cache, caghe, pofardie, presunzion, scaghe, smafare, mafie
esempi
"cul pet sglonf di braùre, al veve bielzà sparniçâts su la taule i bêçs dal marcjât e cumò al cjalave sô mari cun voli lusint"
da "Îr e doman" di Gianni Gregoricchio
Vedi anche: bravure
braùre s.f.
(bra-ù-re)
Mancjance di pôre, pocje considerazion dai pericui
sinonimi
valôr, cûr, bravece, bravence
esempi
"ju biei, zintîi custums e cortesans / ed ogni nobil art e la braùre / des armis son mitûts in vuestris mans"
da "Sore ju furlans e in so onôr" di Jaroni Blancon
braùre s.f.
(bra-ù-re)
Buine sensazion che si à par ce che si rive a fâ o vê o par cui che si à dongje
sinonimi
orgoi
esempi
"al veve une braùre di chês, pe sô braide, che al clamave ducj a cjalâ i raps sglonfs e lusints di most, su la ore de vendeme"
da "Cjase di Dalban" di Maria Forte
"to pari, che mi cjale tant che la ribine tal cjamp, al scugnarà ricrodisi e vê braùre dal morôs di so fie"
da "Il muc" di Roberto Ongaro
braùre s.f.
(bra-ù-re)
Ce o cui che al da motîf di svantâsi
sinonimi
glorie, orgoi, supierbie
esempi
"la cjavale blancje dal nono e jere la braùre, il lusso e la ricjece di cjase"
da "Il «trono» dal von" di Pieri Menis
braùre s.f.
(bra-ù-re)
Sensazion biele dade di ce o di cui che al plâs
sinonimi
sodisfazion, plasê, consolazion
esempi
"il stradon al jere a pene asfaltât, une braùre cori parsore cence busis e cence polvar, sù fin a Braulins"
da "Par stradis lungjis" di Alan Brusini
braùre s.f.
(bra-ù-re)
Capacitât di fâ ben alc
sinonimi
bravece, bravence, bravetât
esempi
"Erasmo al ricuarde lis sôs [di Giulio Camillo] mostris di grande braùre oratorie"
da "Il brevet" di Mario Turello
"une lenghe che i permeteve di dâ vôs cun grande armonie, adun cun tante semplicitât, ai sintiments de sô int, e che jê e doprave cun tante braùre tes sôs contis"
da "Catarine Percude" di Roberto Jacovissi
proverbi
"bisugne inneâsi tal mâr grant, no je nancje braùre a inneâsi intune tace di aghe"
"e je braùre ancje a savêsi mantignî in caratar"
"se si à di inneâsi, lâ simpri ta la aghe grande; no je nancje braùre a inneâsi intune tace di aghe"
Torna in Cima