SuperDizionari

carogne s.f.
(ca-ro-gne)

Cadavar di un animâl

esemplis

"di ca e di là de strade dute sot sore, si viodeve nome un ribalton di bicicletis, di armis e di elmets, carognis di cjavai e di mûi"

gjavât fûr di "Sul agâr" di Pieri Menis

carogne adi., s.f., s.m.
(ca-ro-gne)

Che, cui che al è trist, disonest, che al à cualitâts e compuartaments che si puedin dispreseâ e condanâ

sinonims

brute figure, fece, feçum, figure porche, galere, manigolt, sassin, sfondrât, forcje, ligjere, maçât, rem di galere, sborât, sfondron, toc di picjât, ludro, mierde, carognôs, cragne, cjamoie, ferabut

esemplis

"a lavorin a lôr mût ancje i laris, i imbroions, i rufians, chei che a stampin monede false, chei che a vendin carton par corean e tele fraide par tele buine… Ma chei no si clamin lavoradôrs, par furlan, si clamin carognis"

gjavât fûr di "Lis predicjis dal muini" di Josef Marchet

"no vâl la pene murî par un carogne"

gjavât fûr di "Tal mieç dal vât" di Carli Pup

carogne adi., s.f., s.m.
(ca-ro-gne)

Ancje in respressions gjenerichis di ofese o imprecazions, par alc o cdn. in cualchi maniere negatîf

sinonims

maledet, malandret, osteât, putan

esemplis

""Cjalimi tai voi, carogne e spessee a rispuindimi, se no ti sfracassi ducj i dincj [...]""

gjavât fûr di "Il muc" di Roberto Ongaro

"al robaltà tal cjâf di chei une cossone di aurins e di clepis sberlant: "Fûr dal borc di Schec, forcje carogne!""

gjavât fûr di "Microrivoluzions" di Stiefin Morat

""Bastart fi di putane carogne sassine: tu, tu sês stât tu, tu le âs copade tu, brut bastart...""

gjavât fûr di "Kebar krossè" di Stiefin Morat

monolengâl