Hai cercato la parola
monolingue
Torna indietro

monolingue

cjapât adi.
(cja-pât)
Di bestie, che e je stade copade, o tignude in cundizion di no podê scjampâ, cjaçant o pescjant
esempi
"i pescjadôrs, contents pai pes cjapâts, ju poiavin su la piere, li dongje"
da "Int no consumade" di Agnul di Spere
cjapât adi.
(cja-pât)
Di cdn., fat presonîr, sprivât de libertât
esempi
"a àn tes mans un cuatri, cinc dai vuestris… cjapâts pe strade e intai passons"
da "Int di masnade" di Alviero Negro
cjapât adi.
(cja-pât)
Di cjarte di zûc, che e je tra chês in man, ancjemò di zuiâ, o tra chês vinçudis
esempi
"contâ lis cjartis cjapadis"
cjapât adi.
(cja-pât)
Di toc o pedine dai scacs, de dame o di altris zûcs, che al è stât vinçût o eliminât di un dai zuiadôrs
sinonimi
mangjât
esempi
"il toc cjapât al ven metût fûr de scachiere"
da "Zuìn di scacs" di Nilde Teresa Negro
cjapât adi.
(cja-pât)
Che al è passât di proprietât o di possès daûr paiament
sinonimi
comprât, cuistât
esempi
"la robe cjapade cence fadie tantis voltis no si rive a preseâle"
cjapât adi.
(cja-pât)
Che al è rivât daûr di un dirit, di une volonât
esempi
"cu la ereditât cjapade di sô none al à sierât ducj i debits"
cjapât adi.
(cja-pât)
Che al è rivât par pueste o daûr di une spedizion
esempi
"su la taule a son lis letaris cjapadis îr, ancjemò cence vierzi"
cjapât adi.
(cja-pât)
Sielzût e paiât par fâ un ciert lavôr, une cierte funzion
sinonimi
cjolt, cjapât sù, cjapât a vore
esempi
"ae direzion di un o di plui servizis a son metûts dirigjents cjapâts, di regule, cun concors public"
da "Statût de Provincie di Udin" di Aministrazion Publiche
cjapât adi.
(cja-pât)
Che al è stât sielzût, determinât, metût in vore
sinonimi
cjapât sù
esempi
"i uficis finanziaris dal Stât inte Regjon a scugnin dâ cont ae Zonte regjonâl dai proviodiments cjapâts su la fonde des indicazions che a àn vût de Regjon stesse"
da "Statût Speciâl de Regjon Autonome Friûl-Vignesie Julie" di Aministrazion Publiche
cjapât adi.
(cja-pât)
Che al è impegnât a fâ alc
sinonimi
impegnât, sot
esempi
"operaris cu lis tutis rossis e la matricule personâl e dal stabiliment a ziravin cjapâts e no indreçavin mai i voi a cjalânus"
da "Kebar krossè" di Stiefin Morat
cjapât adi.
(cja-pât)
Dut concentrât in alc e distrat dal rest
sinonimi
concentrât, pierdût, pierdût vie, straviât
esempi
"a tasevin ducj i doi fasint la stesse strade, cjapâts dai lôr pinsîrs discompagns"
da "La tiere di Lansing" di Maria Forte
"[il gjat Vigji] al jere cjapadon tai siei siums: si insumiave di cori come un mat ator pai prâts, di rimpinâsi sù sù pai arbui, di svoletâ tant che une pavee, di saltuçâ come un crot"
da "Lis aventuris di Vigji" di Daria Miani
cjapât adi.
(cja-pât)
Che al è tocjât o dominât di une situazion, sensazion, emozion e v.i.
sinonimi
conturbât, turbât
esempi
"Anute e zuiave cun doi fantats discolçs, de sô vualece, che si lassavin sburtâ e tirâ, cjapâts ancje lôr te rêt dal so estri, de sô bielece"
da "Come tai romançs" di Alan Brusini
"Minut e Rosute no diserin flât, cjapâts a colp te maravee di chê gnove"
da "La aghe da pît la cleve" di Dino Virgili
cjapât adi.
(cja-pât)
Che al à tacât a vê un ciert colôr, savôr, odôr o une cualchi altre carateristiche
esempi
"i lavris colorîts cu la tinture di jodi e la sassare lustrade cul saìn cjapât di ranzit"
da "Lis predicjis dal muini" di Josef Marchet
cjapât adi., s.m.
(cja-pât)
Che, cui che al à a ce fâ cuntun acjadiment, cuntun fenomen e v.i.
sinonimi
cjapât dentri, tocjât, dentri, tirât dentri
esempi
"une riunion cun dutis lis associazions cjapadis te iniziative"
cjapât adi.
(cja-pât)
Che al fâs part, che al è insiemi cun alc
esempi
"ma se mi veve parfin imprometût te sô ultime letare che mi varès puartât o mandât altris dissens che a vevin di piturà la vite dal nestri paîs te sô zoventût? Mi son restâts invezit nome i prins cinc, cjapâts in chê letare, e tante voie di fevelâ inmò cun lui"
da "Gno barbe Sisto" di Lucio Perès
cjapât adi.
(cja-pât)
Che al à une cierte posizion, pal solit centrâl, rispiet a altris elements
esempi
"lis Alps cjargnelis a son chês cjapadis jenfri Sapade e Tarvis"
"par Ete di mieç si intint la ete storiche cjapade jenfri la fin dal Imperi roman e la scuvierte de Americhe"
cjapât adi.
(cja-pât)
Che al è riprodusût intune cierte maniere
sinonimi
cjalât, viodût, cjolt
esempi
"tal prin compart o cjatìn la “mari” e i siei cuatri “fîs”, cjapâts di devant, in suazis cuadris"
da "I mosaics de basiliche di Aquilee" di Giovanni Battauz, Flavio Cossar, Renato Iacumin
"i ritrats dai sorestants cjapâts par denant, par daûr e par in bande"
da "I furlans e la Vite Catoliche" di Riedo Pup
cjapât adi.
(cja-pât)
Che al ven tignût intune cierte considerazion, intune cierte categorie, intune cierte funzion e v.i.
sinonimi
considerât, cjolt, calcolât, esaminât, individuât, cjalât, viodût
esempi
"[l'articul 6 de Costituzion] al dîs che la Republiche e tutele lis "minorancis linguistichis", cjapadis tant che sogjets coletîfs, e no i citadins di lenghe diferente, cjapâts tant che individuis"
da "Memoriis di politiche linguistiche" di Adrian Cescje
cjapât adi.
(cja-pât)
Di puest o mieç di traspuart, che nol è libar, che al è za doprât o al à di restâ par cdn. altri
sinonimi
cjolt, prenotât, risiervât, ocupât
esempi
"un scjalâr larc cu lis sentis parsore, di ca e di là par che si comedassin dutis. Une vore di puescj a jerin za cjapâts"
da "Sul cjar di Pauli Gurin" di Maria Forte
cjapât adi.
(cja-pât)
Vuadagnât
sinonimi
cjapât sù, tirât, tirât sù, tirâ dongje
esempi
"cui carantans cjapâts e metûts vie al è rivât adore di cjoli un pâr di cjamputs di tiere e une barache che al à sdrumade par fâ sù une sô cjasute"
da "Lis predicjis dal muini" di Josef Marchet
cjapât adi.
(cja-pât)
Otignût daûr di une elezion, designazion, concession di fiducie e v.i.
sinonimi
otignût, vût
esempi
"se nô o fasìn il rapuart jenfri numar di iscrits e vôts cjapâts a lis elezions o viodìn come regule che il partît locâl al à un rapuart une vore plui alt"
da "Il risultât eletorâl dai partîts di identitât teritoriâl - A case study: Scottish National Party" di Sergio Cecotti
cjapât adi.
(cja-pât)
Di cdn., cetant inamorât
sinonimi
cuet, imberlît, inamorât, lât
esempi
"al à tal cjâf dome la morose, al è propit cjapât"
cjapât adi.
(cja-pât)
Impegnât intune relazion sentimentâl
sinonimi
impegnât, morosât, maridât, cjolt
esempi
"ma chê tô amie che o ai cognossût nossere, ise libare o cjapade?"
cjapât adi.
(cja-pât)
Di sensazion fisiche o psicologjiche, che e je sintude a fuart, che e à efiet
esempi
"cu la pôre cjapade îr a passâ cul ros, al varà ben imparât di stâ atent"
"dal frêt cjapât, i è vignude fintremai la fiere"
cjapât adi.
(cja-pât)
Di malatie, jentrade tal organisim
sinonimi
vanzât, cjapât sù, tirât dongje
esempi
"al è muart cualchi an dopo tornât in Friûl, cu la silicosi cjapade tes minieris"
proverbi
"daspò cjapât sù trê voltis il fûs a une fantate, si sclape la fave"
Torna in Cima