Hai cercato la parola
monolingue
Torna indietro

monolingue

cjarie s.f.
(cja-ri-e)
Cuantitât di robe, cuntun ciert volum e pês, di puartâ o traspuartâ o mandâ o sim.
sinonimi
caric, cjame
esempi
"si ere inviade pe strade de Braide gnove, e incuintrà propit Anzul che al lave a menâ une cjarie di ledan tal Cuadrel"
da "A uciei cu lis archetis" di Pieri Menis
"co son a mieze mont, li da maine, a poin jù la cjarie par poussâ une dade"
da "Il matescul di Cjabie" di Luigi Gortani
cjarie s.f.
(cja-ri-e)
Azion di preparâ, meti dongje o meti sù robe par puartâle, traspuartâle, mandâle o sim.
sinonimi
caric, cjame
esempi
"tal dopomisdì là dal pravilegjo e fasevin la cjarie, po e menavin il cjar sot il puarti di cjase e la matine, ancjimò di scûr, e partivin un daûr chel altri, cidins cidins"
da "Gno nono" di Pieri Menis
cjarie s.f.
(cja-ri-e)
Fuarce esercitade di un cuarp par efiet de gravitât o par une pression
sinonimi
caric, pression, pês, cjame
cjarie s.f.
(cja-ri-e)
Ce che al compuarte un pês, une fadie, un impegn, ancje imateriâl, psicologjic, morâl e v.i. (fig.)
sinonimi
pês, cjame
esempi
"ducj o cjaminìn sot la cjarie dai nestris difiets"
da "Vieri e gnûf" di Pieri Piçul
cjarie s.f.
(cja-ri-e)
Ce che al compuarte une tension, un potenziâl (fig.)
esempi
"tal temperament dai talians e je une cjarie tremende di passion, di calôr, di facilitât a entusiasmâsi e a butâsi jù"
da "Sflacjons e insolents" di Josef Marchet
"la cjarie gnervose che lu sostignive e che lu veve fat resisti ai dolôrs e a la fadie fin in chel moment, si sfantà"
da "Il muc" di Roberto Ongaro
cjarie s.f.
(cja-ri-e)
Posizion di responsabilitât intune cierte ativitât, soredut publiche o intune struture complesse
sinonimi
incjarie, incarghe, funzion
esempi
"Indrì IV lu veve volût dongje di se tant che Cancelîr, une cjarie cetant impuartante, une specie di Segretari di Stât"
da "La nassite dal nestri stât" di Angelo Floramo
"o lassai la cjarie di president dal Moviment Friûl e o podei meti plui timp e impegn te azion di politiche linguistiche e identitarie"
da "Memoriis di politiche linguistiche" di Adrian Cescje
cjarie s.f.
(cja-ri-e)
Grande cuantitât, ancje di alc di imateriâl (fig.)
sinonimi
baste, cjame, frac, mont, sglavin, sglavinade, slac, vore, sdrume, grum
esempi
""[...] parcè varessio di votâ par te?!" "Cemût saressie a dî parcè?! Ti regali une cjarie di crostui e une camionade di fritulis, se tu mi votis!""
da "La ostarie di Pieri" di Raffaele Serafini
cjarie s.f.
(cja-ri-e)
Stât di inflamazion e in câs ostruzion des viis respiratoriis (fig.)
sinonimi
costipazion, sope, cjame
esempi
"se o vês il nâs stropât di une cjarie di rafredôr, nuie di miôr che un spray a base di Euphorbium"
da "Une plante par medisine" di Fabian Ros
cjarie s.f.
(cja-ri-e)
Il meti in cundizion di funzionâ un aparât cul dâi o cul metii la energjie, la tension, il carburant, lis munizions o sim. che i coventin
sinonimi
cjame
esempi
"tignî in cjarie une batarie"
cjarie s.f.
(cja-ri-e)
Azion di fuarce cuintri di cdn., assaltantlu o sburtantlu
sinonimi
cariche
esempi
"la polizie e je intervignude in plui di une ocasion cuintri dai students cun cjariis e cu la identificazion dai partecipants"
da "Simpri plui aiar di indipendence" di Carli Pup
Torna in Cima