Tu âs cirût la peraule
monolengâl
torne indaûr

monolengâl

comun adi.
(co-mun)
Che al è te normalitât, che nol à carateristichis speciâls
sinonims
cualsisei, sempliç, di ogni dì, normâl, solit, ordenari, usuâl
esemplis
"la cjase roseane – o intindìn la cjase comune, chê puare, e no la abitazion signorîl che e somee une vore a chê cjargnele – par solit e je piçule e pôc profonde"
gjavât fûr di "La mont furlane" di Mauro Pascolini, Andrea Guaran
comun adi.
(co-mun)
Che si cjate cun facilitât
sinonims
slargjât, difondût
esemplis
"il blaudin al è comun sù pes cisis, pai mûrs vecjos e pai boscs"
gjavât fûr di "Jerbis salvadiis inte cusine furlane" di Giorgio Pascoli
"il diabete e je une malatie tant comune"
gjavât fûr di "Scuvierzi il diabete" di Guglielmo Pitzalis
comun adi.
(co-mun)
Che al è di proprietât, di interès, di volontât e v.i. di un grup, plui o mancul grant
sinonims
di ducj, gjenerâl
esemplis
"i components a firmin la “Cjarte di identitât pai viaçs sostignibii”, cul fin comun di promovi un mût di fâ turisim just te distribuzion dai profits, rispietôs des comunitâts locâls e cuntun impat ambientâl bas"
gjavât fûr di "Guide par un consum just e solidâl" di Buteghe dal Mont, Luche Nazzi
"la eliminazion dai armaments nucleârs e domande, duncje, la elaborazion di une strategjie comune di bande de comunitât internazionâl"
gjavât fûr di "Un mont cence armis nucleârs. Sfidis sientifichis e tecnologjichis" di Alessandro Pascolini
"un ideâl comun di armonie e perfezion"
gjavât fûr di "Viaç aes origjins dal Logos" di Adrian Cescje
comun adi.
(co-mun)
Acetât, considerât de plui part des personis
esemplis
"ancje se tal sintî comun sedi l'incuinament dal aiar che lis emissions di gas che a sburtin i cambiaments climatics a son viodûts come la stesse robe, nome di pôc la sience e à scomençât a considerâju come lis dôs bandis de stesse medaie"
gjavât fûr di "Clime e incuinament: prime l'ûf o la gjaline?" di Dario Bianchini Giaiotti, Fulvio Stel
comun s.m.
(co-mun)
[TS] (stor.) Forme autonome di guvier des citâts de Ete di Mieç
Viôt ancje: cumon
comun s.m.
(co-mun)
Istituzion locâl, dotade di une cierte autonomie, cuntun o plui centris abitâts intal so teritori
sinonims
municipi, comune
esemplis
"il comun di Cret al jere grandon, cun proprietâts privadis pitost limitadis. Il bosc al jere cuasi dut dal comun"
gjavât fûr di "I forescj" di Alan Brusini, Gian Paolo Linda
"al è stât fat un studi par une ricostruzion archeologjiche dal paisaç di un teritori furlan cjapant come esempli il teritori dal comun di Glemone, là che l'autôr pôc timp indaûr al à fat un lavôr su la toponomastiche"
gjavât fûr di "Studi da la evoluzion dal paisaç mediant i toponims" di Rino Gubiani
"Vigji cun tancj agns che al bateve la taviele e i paîs dal Comun, fasint ancje il cursôr, al cognosseve i nons di ducj, ogni stradele, ogni rivâl, ogni cunete e parfin cui che a jerin i parons dai cjamps"
gjavât fûr di "Vigji il vuardian" di Lucio Perès
Viôt ancje: cumon
detulis
"cuant che nol cjante il cuc pai tredis di Avrîl, bisugne lâ in comun a cirîlu"
"cui che al servìs il comun nol servìs nissun"
"la robe dal comun e je di ducj e di nissun"
"mangje dean, paie comun"
"mangje merie, paie comun"
"no si à di fâ caritât cu la robe dal comun"
"te robe dal comun nol preste man nissun"
torne sù