Tu âs cirût la peraule
monolengâl
torne indaûr

monolengâl

corone s.f.
(co-ro-ne)
Ornament pal cjâf a forme di cercli di metal, pal solit preziôs, simbul di regalitât, autoritât o di trionf
esemplis
"in glesie, il tabernacul di aur, i cjandelîrs, la corone de Madone sul cjâf e il cercli dai Sants a jerin di aur"
gjavât fûr di "Come tai romançs" di Alan Brusini
"ritrats di individuis impuartants, gardenâi, magjistrâts, ministris, marchês, damis cu la corone sul cjâf "
gjavât fûr di "Ombris tal infinît" di Carlo Sgorlon
corone s.f.
(co-ro-ne)
Podê regâl (fig.)
sinonims
ream
esemplis
"sedi i whigs che i tories a decidin alore di fâ ricors al protestant Vielm di Orange par ufrîi la corone"
gjavât fûr di "La invenzion dal stât" di Fabian Ros
corone s.f.
(co-ro-ne)
Ornament di fueis e di rosis di meti tal cjâf, massime in cualchi celebrazion
sinonims
zoie, ghirlande
esemplis
"la corone de nuvice"
"si tignivin prontis lis coronis di ulivâr pai vincidôrs des garis"
gjavât fûr di "Viaç aes origjins dal Logos" di Adrian Cescje
corone s.f.
(co-ro-ne)
Zoie grande di rosis o di fueis, in gjenar doprade tant che ricognossiment funerari o comemoratîf
esemplis
"e vignarà poiade une corone al monument dai muarts in vuere"
gjavât fûr di "Cormons capitâl furlane" di Erika Adami
corone s.f.
(co-ro-ne)
Cualsisei robe o schirie di robis in forme plui o mancul di cercli
sinonims
anel, cengle, cinture, curnîs, rincje, suaze, zîr
esemplis
"une largjure di infinît, cence distacâsi des robis, cul cîl viert li parsore, une corone di monts lontanis, une vongule di cuei, e la tiere vive e crote sot i pîts"
gjavât fûr di "La aghe da pît la cleve" di Dino Virgili
"si veve lassât cressi une barbute a corone intor la muse che al someave Sant Samuêl"
gjavât fûr di "Il Bide di Miot" di Maria Forte
"al butà jù il vin che al faseve tor ator dal veri la corone di boi dal neri sincîr"
gjavât fûr di "La tiere di Lansing" di Maria Forte
corone s.f.
(co-ro-ne)
Sorte di golaine che e covente par tignî il cont des preieris te recite dal rosari
esemplis
"muiniis che la sere a disevin rosari te cjamare dongje, inzenogladis e la corone in man"
gjavât fûr di "Come tai romançs" di Alan Brusini
"i asins de corone a sunavin come coculis sbatudis tun sac"
gjavât fûr di "Il testament" di Pieri Menis
corone s.f.
(co-ro-ne)
Sucession di robis o di avigniments leâts tra di lôr
sinonims
schirie, serie, sfilze, rie, cjadene
esemplis
"se al jere copât un todesc un paîs brusât nol jere masse par paiâlu, e la corone dai flagjei e dai dispiets e scomençà"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
corone s.f.
(co-ro-ne)
(numism.) Monede doprade in plui puescj e plui etis, par esempli ancje tal imperi asburgjic
esemplis
"cualchi corone o cualchi marc tal sachetin dal gjilè si lu veve ducj"
gjavât fûr di "Lis predicjis dal muini" di Josef Marchet
"stant che che la corone austriache no valeve plui nuie o vin scugnût molâ di lavorâ e o sin tornâts a cjase"
gjavât fûr di "La emigrazion furlane in Austrie e in Gjermanie" di Matteo Ermacora
corone s.f.
(co-ro-ne)
(mec.) La part esterne di une ruede di ingranaç
corone s.f.
(co-ro-ne)
[TS] (tecn.) Pirul che al ven infûr de casse dal orloi par cjariâlu
corone s.f.
(co-ro-ne)
[TS] (mus.) Segn circolâr cuntun piçul pont che sore une note al dîs di slungjâle
sinonims
fermade, pont coronât
corone s.f.
(co-ro-ne)
[TS] (med.) Struture anatomiche di forme circolâr
detulis
"cualchi len al nas par indorâ, cualchidun par bati il mus e cualchidun par fâ coronis"
"cuant che il diaul al devente vieli, al cjol sù la corone"
"lis pomis ai fruts e la corone ai viei"
torne sù