Hai cercato la parola
monolingue
Torna indietro

monolingue

cuintri prep.
(cuin-tri)
Par esprimi oposizion, ostilitât, contradizion e v.i.
sinonimi
cuintri di
esempi
"il so cûr al jere come in belance fra la mari e la sûr e nol veve il coragjo di metisi dal dut ni cuintri la prime ni cuintri l'amì plui cjâr"
da "Cjase di Dalban" di Maria Forte
"o soi cuintri ogni violence, e soredut cuintri chê viers i plui debii e cence difese"
da "Faliscjis" di Cristina Noacco
"ce disino a Viene de vuere cuintri il Turc?"
da "Come tai romançs" di Alan Brusini
"al sintive lis sôs peraulis a sunâ stonât cuintri la logjiche dal ispetôr"
da "Cretevierte" di Roberto Ongaro
Vedi anche: cuintre, cuntre
cuintri prep.
(cuin-tri)
Par segnâ une direzion, un moviment, une fuarce e v.i. che si incrose cuntune altre o cun alc
sinonimi
cuintri di
esempi
"no si sint nancje il bulicjâ che des voltis e fâs la roie cuintri lis pieris"
da "Madalene" di Franco Marchetta
cuintri prep.
(cuin-tri)
Par segnâ une posizion di evidence rispiet a alc che al è tun altri plan o che al à un altri colôr, un altri motîf e v.i.
sinonimi
cuintri di, su
esempi
"une file di pôi cuintri il cîl net di tramontane"
da "Par stradis lungjis" di Alan Brusini
"Milie e cjalave la taule preparade, lis plantis verdis e lis rosis metudis un pôc pardut, la mobilie che e lusive cuintri i mûrs smamîts"
da "Si disarès che e je inventade" di Pieri Menis
cuintri prep.
(cuin-tri)
In direzion di
sinonimi
cuintri di, bande, bande di, viers, viers di, par, a
esempi
"de Cjuie la strade e va jù a plomp cuintri Colorêt e cuasi no si viodile tal mieç dai cocolârs e des agaciis e jenfri lis muraiis altis dai roncs"
da "Il Crist di Quilin" di Riedo Pup
"dal clap indulà che il vecju al era usât sentâsi a spetâ, a sclapava four una aga viva che a si era fata strada pal prât e a discjadeva jù cuntra il bosc"
da "La aga di Plan da li steli" di Novella Cantarutti
cuintri av.
(cuin-tri)
In maniere contrarie, oponude, negative e v.i.
esempi
"l'incident intal implant sloven al à dât une scjassade al dibatiment politic tra cui che al è a pro dal nucleâr intal stât talian e cui che al è cuintri"
da "Ancje pe ARPA nissune fughe radioative di Krško" di Redazion Radio Onde Furlane
"là jù a vevin za cjapade sù int [...] e le vevin menade su lis puartis a berghelâur cuintri"
da "Il prin moto" di Riedo Pup
cuintri s.m.
(cuin-tri)
Aspiet negatîf
sinonimi
discapit, disvantaç, ledrôs, mâl, trist
esempi
"in chê gnot al stentà a indurmidîsi; i passavin pe ment ducj i prôs e i cuintris de sô teorie"
da "Cretevierte" di Roberto Ongaro
proverbi
"cjaminâ cuintri corint al è come pissâ cuintri vint"
"cui che al pisse cuintri vint si bagne lis gjambis"
"cuintri la fuarce no vâl reson"
"cuintri torints e potents no sta fâ laments"
Torna in Cima