SuperDizionari

curnîs s.f.
(cur-nîs)

Telâr di len o di un altri materiâl, di plui formis e colôrs, metût ator di cuadris, spiei, fotografiis e v.i.

sinonimi

telâr, suaze

esempi

"secont che e tremave la flame a lusivin lis curnîs doradis dai cuadris"

da "Il tinel" di Pieri Somede dai Marcs

"viodint lis curnîs vueidis i domandà dai ritrats"

da "Chei di Muraie" di Pieri Menis

curnîs s.f.
(cur-nîs)

Complès di elements decoratîfs o ambientâi li che al sucêt alc (fig.)

sinonimi

atmosfere, contest, contor, sene

esempi

"un di ca e un di là di un slac dal mûr, a dîsi peraulis lampidis come la aghe monde [...]. Curnîs al lôr cjalâsi stelât il grant turchin dal cîl…"

da "Cjase di Dalban" di Maria Forte

curnîs s.f.
(cur-nîs)

Mût di capî, di intindi, di interpretâ alc o cdn. (fig.)

esempi

"al è ben fermâsi un moment a rifleti sore di chest om di Diu par metilu inte juste curnîs"

da "Un om che al fâs di profete" di Tonin Cjapielâr

monolingue