Hai cercato la parola
monolingue
Torna indietro

monolingue

cuviert adi.
(cu-viert)
Involuçât o rivistît cun cualchi materiâl
sinonimi
fat sù, invistît, involuçât, vistît, voluçât
esempi
"lavorâ insiemi i ingredients de paste fin che e ven slisse. Lassâ polsâ cuvierte di pelicule par une ore"
da "Tutres" di Sandri Carrozzo
"biscots cuvierts di cjocolate"
"pes luncs pôcs centimetris, cul cuarp cuviert di scaiis"
da "Gjeologjie e paleontologjie ator di Preon" di Francesco Gobbo
cuviert adi.
(cu-viert)
Che al à parsore alc
esempi
"i paîs a jerin rârs e puars, fats di cjasutis bassis cuviertis di stranc"
da "Chei di Muraie" di Pieri Menis
"si capite su la rive di un canâl cuviert di scovacis che nadavin in libertât"
da "Viaç a Vignesie" di Arturo Feruglio
"viodude dal cjistiel, la citât e somee plui piçule, plui ferme, plui indurmidide, cuvierte de nêf colade vie par la gnot"
da "La salamandrie tal fûc" di Carlo Tolazzi
cuviert adi.
(cu-viert)
Che al à intor vistîts
esempi
"al cîr la caritât il puaret, cuviert di sbrendui, daûr la voltade de strade o su la puarte de glesie"
da "Cirî la caritât" di Josef Marchet
"e je vistide di blanc, cul cjâf cuviert di un façolet neri "
da "La gleseute dai alpins" di Pieri Menis
cuviert adi.
(cu-viert)
Parât ad alt di un tet o sim.
sinonimi
sierât
esempi
"a son stâts sprolungjâts e a laran indenant fin ae metât dal mês di Fevrâr i lavôrs di ristruturazion de pissine cuvierte dal Palamostre"
da "Sprolungjâts i lavôrs di ristruturazion de pissine" di Marc Stolf
"un caporâl mi à cjapât «in consegne» e par un cjaminament cuviert mi à menât tal gno gnûf ploton"
da "La vuere sul Freikofel" di Pieri Menis
cuviert adi.
(cu-viert)
Che no si viôt, che no si lasse viodi dal dut, che nol ven lassât viodi (fig.)
sinonimi
parsot, platât, scuindût
esempi
"lu acusin di vê mot lis telis dal terorisim ros cuviert daûr de scuele di lenghis"
da "Un Friûl difarent: i 90 mhz di Onde Furlane" di Max Mauro
"lui l'è biel e o soi brute / ma no vuei compatiment: / ten scuindude la mê flame, / e cuviert il sintiment"
da "A no po stâi" di Anute Fabris
cuviert adi.
(cu-viert)
Che al ven furnît, garantît
esempi
"il 53% des oris cuviertis dal personâl interni"
da "La tutele de lenghe furlane a scuele" di Patrizia Pavatti
cuviert s.m.
(cu-viert)
Posizion parade o platade (ancje fig.)
esempi
"fâ la sigurazion par tignîsi al cuviert dai impreviscj"
cuviert adi.
(cu-viert)
[TS] (fon.) Di vocâl, che e je intune silabe sierade
esempi
"in tantis varietâts furlanis lis vocâls lungjis a àn pardabon une articolazion di lungjis dome se a son cuviertis"
cuviert s.m.
(cu-viert)
Part disore di un edifici, in gjenar inclinade par fâ cori jù la ploie
sinonimi
tet
esempi
"al varès patît un pôc di cjalt di Istât, par vie che il cuviert al jere di ciment"
da "Prime di sere" di Carlo Sgorlon
"Andree al restà li sul liston a lunc a cjalâ i profîi dai cuvierts des cjasis cuintri i lusôrs de citât"
da "La pueme cu la vôs biele" di Agnul di Spere
Vedi anche: cuvierti, cuerti, cuert
cuviert s.m.
(cu-viert)
Part alte che e siere alc
sinonimi
tapon, cuviercli
esempi
"Checu al era indavour ta la fila dai omis; a nal era di sigûr rivât adora a lupâ il cuerti da la cassa"
da "Il Crist sclagn" di Novella Cantarutti
"un bussulut di leton cul cuviert forât"
da "Pre Josef" di Pieri Somede dai Marcs
Vedi anche: cuvierti, cuerti, cuert
cuviert s.m.
(cu-viert)
Furniment taule par ogni persone
esempi
"un servizi di dodis cuvierts"
proverbi
"i dîs il cuviert al paron: se no tu vegnis sù tu, o ven jù jo"
"la veretât no sta cuvierte"
"nol è cuviert che no si adati a cualchi cit"
"ogni cit il so cuviert"
Torna in Cima