SuperDizionari

disastri s.m.
(di-sas-tri)

Fat une vore grâf, spec. improvîs, che al fâs dams su grande scjale

sinonims

cataclisme, disgracie

esemplis

"riconsiderâ lis rispuestis aes situazions di emergjence par disastri nucleâr"

gjavât fûr di "Il disastri de centrâl nucleâr di Fukushima Dai-ichi" di Alessandro Pascolini

"i numerôs disastris naturâi, i tancj conflits locâi dal Tierç Mont a domandin l'atenzion dai guviers ocidentâi"

gjavât fûr di "Il derit di no scugnî murî di fam" di Renzo Balzan

disastri s.m.
(di-sas-tri)

Situazion o fat negatîf o che al à un risultât negatîf, ancje se cence vitimis o cence dams materiâi di grandis proporzions (fig.)

sinonims

disgracie, ruvine, faliment, tragjedie

esemplis

"la scuele furlane e je in crisi nere [...] La uniche soluzion a chest disastri e je chê di cjapâ in man in maniere direte la competence su la istruzion"

gjavât fûr di "Lis bataiis di scombati tal 2019" di Walter Tomada

"o soi di gnûf a Selvucis, dongje de cjase bandonade dai vons: DISASTRI! Dut il lanternit dal toglât e dal cjôt dai purcits al è colât par tiere te arie"

gjavât fûr di "La codebuie" di Checo Tam

disastri s.m.
(di-sas-tri)

Grant disordin, grande confusion (fig.)

sinonims

badaluc, balfuerie, barafuse, batibui, bordel, caos, casin, cine, circ, conturbie, daidai, davoi, disio, fracassine, mismàs, pastiel, pestefruce, savoltament, sdavassum, tananai

monolengâl