Hai cercato la parola
monolingue
Torna indietro

monolingue

dreçâsi v.pron.tr.
(dre-çâ-si)
Dreçâ alc par se stes, alc di se stes, che si à intor e v.i.,
esempi
"dreçantsi il chepì cu la visiere, spacantsi la gjachete poçolade di smîr e di pantan, al diseve [...]: «Co e vûl e vûl, par la madone!»"
da "Come tai romançs" di Alan Brusini
dreçâsi v.pron.intr.
(dre-çâ-si)
Metisi dret, stâ dret, insù
sinonimi
jevâ, jevâsi, tirâsi sù, stâ sù
esempi
"si metè sul atenti; si dreçà; al alçà il cjâf al tirà il cuel tant che un gjal sul cricâ dì cuant che al sta par cjantâ"
da "Il discors" di Meni Ucel
"i cjavei a scomencin a dreçâsi sot la canute, lis gjambis mi fasin jacum"
da "Viaç a Vignesie" di Arturo Feruglio
"la jerbe tabiade dai curiós sot il soreli e tornave a dreçâsi,"
da "Chei di Muraie" di Pieri Menis
dreçâsi v.pron.intr.
(dre-çâ-si)
Vê une estension in alt o stâ adalt
sinonimi
imponisi, imponi, jevâ, jevâsi, dominâ, spicâ, dâ sù, vignî sù
esempi
"la cjase si drece sore un prât prime dal bosc"
da "I forescj" di Alan Brusini, Gian Paolo Linda
dreçâsi v.pron.intr.
(dre-çâ-si)
Cjapâ une cierte direzion o zirâsi di une cierte bande,
sinonimi
indreçâsi, zirâsi, voltâsi
dreçâsi v.pron.intr.
(dre-çâ-si)
Fevelâ o scrivi a cdn. in particolâr
esempi
"dreçâsi a un orghin judiziari internazionâl par delimitâ il confin maritim"
da "Spionaç e scandui a frenin la soluzion dai problemis di confin tra Slovenie e Cravuazie" di Tjaša Gruden
dreçâsi v.pron.intr.
(dre-çâ-si)
Tornâ a cjapâ fuarce, salût, autoritât e v.i. (fig.)
esempi
"i cjastelans a si jerin pleâts cu la intenzion di tornâ a dreçâsi subite che al fos stât pussibil"
da "Cuintristorie dal Friûl fin sot la Italie" di Josef Marchet
dreçâsi v.pron.intr.
(dre-çâ-si)
Tornâ a lâ ben o a compuartâsi ben o a fâ alc just e sim. (fig.)
sinonimi
corezisi, mendâsi, raviodisi, justâsi
esempi
"la situazion invezit di dreçâsi e stave lant simpri piês"
da "Un piçul particolâr" di Fabian Ros
"o sint une grant contentece par vie che il mont finalmentri al comence a dreçâsi"
da "El lunis di Titute Lalele" di Arturo Feruglio
Torna in Cima