SuperDizionari

estrem adi.
(es-trem)

Il plui lontan che si pues tal spazi

sinonimi

finâl, terminâl, ultin

esempi

"il Friûl al colà tal mieç de Vuere Frede: deventât l'estrem confin orientâl al veve di jessi il plui talianon di ducj i teritoris talians"

da "Acuilis e canarins" di Dree Venier

"Vladivostok, la stazion plui estreme e orientâl de Transiberiane"

da "Il misteri dai Mosaics" di Angelo Floramo

estrem adi.
(es-trem)

Une vore grant, considerabil, rimarchevul

sinonimi

considerabil, enormi, esagjerât, imens, impuartant, insuperabil, rimarchevul, sovran, spropositât, straordenari

esempi

"si poiave sui cussins, intune debilece estreme"

da "Il dolfin" di Carlo Sgorlon

"ma e je une seconde robe, che o varès di dîle cun estreme scletece"

da "Nadâl nus fâs capî che la storie e je plui profonde e biele di chel che e somee" di Francesc Placerean

estrem s.m.
(es-trem)

Part terminâl di alc

sinonimi

cjaveç, fin, limit, margjin, ôr, orladure, pic, piche, poc, ponte, spiç, estremitât

esempi

"a dâi fuart su un dai estrems [il pindul pandul] si jevave in aiar: bot e sclop, bisugnave becâlu al svol e tirâlu il plui pussibil lontan"

da "Esistial un sport furlan? Forsit a Glemone…" di Dree Venier

"l’arc di orizont jenfri i doi estrems si clame amplitudin ortive"

da "Archeoastronimie in Friûl" di Nando Patat

estrem s.m.
(es-trem)

[TS] (logj.) Tiermin de conclusion di un silogjisim

sinonimi

conclusion

estrem s.m.
(es-trem)

[TS] (mat.) Prin o cuart tiermin di une proporzion

esempi

"intune proporzion il prodot dai medians al è compagn dal prodot dai estrems"

monolingue