SuperDizionari

eterni adi.
(e-ter-ni)

Cence principi ni fin, no limitât tal timp

sinonims

cence fin, infinît, par simpri, eternâl

esemplis

"jo ti feveli dal se che al è eterni e imutabil, l'atmâ. [...] In sumis l'assolût. Chel al è il se"

gjavât fûr di "Il lôf" di Fabian Ros

Viôt ancje: eterno

eterni adi.
(e-ter-ni)

Che al à vût un principi ma nol varà mai fin, che al durarà par simpri

sinonims

cence fin, imortâl, infinît, par simpri, perpetui, eternâl

esemplis

"i pâi des vîts a jerin vecjos, e Eliseo ur dave une sgorlade par viodi se a tignivin ancjemò. A jerin di acazie, come dî cuasi eternos"

gjavât fûr di "Prime di sere" di Carlo Sgorlon

eterni adi.
(e-ter-ni)

Une vore lunc, che al somee che nol finissi mai (iperb.)

sinonims

infinît, interminabil, cence fin

esemplis

"si inzegnave a comedâ ancje svearinis e orlois, par cjapâsi un franc e passâ lis zornadis, chês zornadis eternis di Invier che no àn ni fin ni fonts"

gjavât fûr di "Pre Pitin" di Antoni Beline

"Jacum cu la eterne storie des sôs malatiis, ridot a pesâ cincuante chilos cu la clâf di cjase"

gjavât fûr di "Par stradis lungjis" di Alan Brusini

eterni adi.
(e-ter-ni)

Che al vâl simpri, in dutis lis ocasions o situazions (fig.)

sinonims

gjenerâl, assolût, solit

esemplis

"cheste e je la eterne maledizion des tieris di confin: di une bande la int che e presente la man vierte a chei di là; di chê altre la «patrie» che ur presente la cane de sclope"

gjavât fûr di "La man e la arme" di Josef Marchet

"la eterne scuse che l'om si cjate simpri: se no lu fâs jo, lu fâs un altri"

gjavât fûr di "Cretevierte" di Roberto Ongaro

eterni s.m.
(e-ter-ni)

Timp che al dure par simpri

sinonims

eternitât

esemplis

"che [la politiche di Craxi] e ves il presint e il futûr al podeve dâsi; che e ves ancje l'eterni a podevin esisti dubis"

gjavât fûr di "Memoriis di politiche linguistiche" di Adrian Cescje

monolengâl