SuperDizionari

eterni adi.
(e-ter-ni)

Cence principi ni fin, no limitât tal timp

sinonimi

cence fin, infinît, par simpri, eternâl

esempi

"jo ti feveli dal se che al è eterni e imutabil, l'atmâ. [...] In sumis l'assolût. Chel al è il se"

da "Il lôf" di Fabian Ros

Vedi anche: eterno

eterni adi.
(e-ter-ni)

Che al à vût un principi ma nol varà mai fin, che al durarà par simpri

sinonimi

cence fin, imortâl, infinît, par simpri, perpetui, eternâl

esempi

"i pâi des vîts a jerin vecjos, e Eliseo ur dave une sgorlade par viodi se a tignivin ancjemò. A jerin di acazie, come dî cuasi eternos"

da "Prime di sere" di Carlo Sgorlon

eterni adi.
(e-ter-ni)

Une vore lunc, che al somee che nol finissi mai (iperb.)

sinonimi

infinît, interminabil, cence fin

esempi

"si inzegnave a comedâ ancje svearinis e orlois, par cjapâsi un franc e passâ lis zornadis, chês zornadis eternis di Invier che no àn ni fin ni fonts"

da "Pre Pitin" di Antoni Beline

"Jacum cu la eterne storie des sôs malatiis, ridot a pesâ cincuante chilos cu la clâf di cjase"

da "Par stradis lungjis" di Alan Brusini

eterni adi.
(e-ter-ni)

Che al vâl simpri, in dutis lis ocasions o situazions (fig.)

sinonimi

gjenerâl, assolût, solit

esempi

"cheste e je la eterne maledizion des tieris di confin: di une bande la int che e presente la man vierte a chei di là; di chê altre la «patrie» che ur presente la cane de sclope"

da "La man e la arme" di Josef Marchet

"la eterne scuse che l'om si cjate simpri: se no lu fâs jo, lu fâs un altri"

da "Cretevierte" di Roberto Ongaro

eterni s.m.
(e-ter-ni)

Timp che al dure par simpri

sinonimi

eternitât

esempi

"che [la politiche di Craxi] e ves il presint e il futûr al podeve dâsi; che e ves ancje l'eterni a podevin esisti dubis"

da "Memoriis di politiche linguistiche" di Adrian Cescje

monolingue