SuperDizionari

file s.f.
(fi-le)

Complès di elements, un daûr di chel altri o un in bande di chel altri

sinonims

code, filze, linie, sfilze, rie, serie, schirie

esemplis

"al jere l'ultin di une file lungjonone"

gjavât fûr di "Musets" di Stiefin Morat

"i imprescj doprâts, ducj in file, ordenâts ta la arie"

gjavât fûr di "Come tai romançs" di Alan Brusini

"lis cjarandis o lis filis dai morârs a segnavin lis proprietâts"

gjavât fûr di "Ombris tal infinît" di Carlo Sgorlon

"suntun cjantonâl siet o vot libris metûts in file"

gjavât fûr di "A scuele" di Pieri Menis

"al jentrà in glesie e si metè intun banc des ultimis filis"

gjavât fûr di "Gjoldiments forescj" di Checo Tam

file s.f.
(fi-le)

Spec. tal pl., grup di personis organizât o caraterizât dal fat di vê un fin, une vision, une sensibilitât e v.i. (fig.)

esemplis

"cui che al si met intes filis di un partît al è simpri, voie o no, un om o pôc o trop ambiziôs"

gjavât fûr di "Dissipline" di Josef Marchet

file s.f.
(fi-le)

Cuantitât di personis che si dan la volte o di robis che a vegnin ditis, fatis o che a sucedin une dopo di chê altre

sinonims

cjadene, filze, rosari, schirie, serie, sfilze, sucession, linie, rie, filaine, secuence, teorie

esemplis

"dopo une file di patriarcjis che no varessin tignût dûr trop a lunc, a 'ndi capitarin doi di chei dai comedons di fier: il francês Bertrant di Saint-Geniès e il todesc Marquart di Randeck"

gjavât fûr di "Cuintristorie dal Friûl fin sot la Italie" di Josef Marchet

"une file di zornadis che o si proponìn une miôr di chê altre, cul lavôr fat ben, cul studi, cul ripôs"

gjavât fûr di "Peraule di vite: il dolôr che al da la vite" di Fabio Ciardi, Gabriella Fallacara

file s.f.
(fi-le)

Cjatade di plui personis che si devin adun dopo cene, dispès intune stale, par fâ lavôrs, contâ storiis e v.i. in compagnie

sinonims

filò

esemplis

"a jê ducj i volevin ben e tant vulintîr la int dal borc e vignive in file di Invier te lôr stale o te cusine nere nere ator dal fogolâr, e prime di metisi a gucjâ o a filâ la lane, jê e tignive sù rosari"

gjavât fûr di "A jerin lagrimis" di Pieri Somede dai Marcs

"di Invier al fâs il zîr di dutis lis filis a contâ, e ogni an a 'ndi à di gnovis"

gjavât fûr di "La aghe da pît la cleve" di Dino Virgili

"cjantava li vilotis che gji plasevin tant, a lava a li sagris e ta filis e ai perdons tai santuaris"

gjavât fûr di "Catinuta" di Ugo Pellis

monolengâl