SuperDizionari

gjenar s.m.
(gje-nar)

Complès concetuâl di cjossis o individuis che a àn carateristichis in comun

sinonimi

sorte, cualitât, forme, gjernazie, ordin, specie, stîl, tip, varietât, fate

esempi

"ogni tant li al salte fûr cualchi imprest celtic dal gjenar di chei di La Tène"

da "Cuintristorie dal Friûl fin sot la Italie" di Josef Marchet

"lis personalitâts plui in viste dal Friûl (linguiscj, storics, economiscj, studiôs di ogni gjenar, artiscj [...])"

da "Cuarde e savon" di Josef Marchet

"cumò che al veve une cjamare, un lavôr, che nol veve grandis preocupazions materiâls, al veve dentri une spine di altri gjenar"

da "Prime di sere" di Carlo Sgorlon

gjenar s.m.
(gje-nar)

(filos.) Te filosofie antighe e de Ete di Mieç, categorie di ogjets cun carateristichis in comun, diferents par carateristichis secondariis

gjenar s.m.
(gje-nar)

(biol.) Categorie sistematiche superiôr de specie e inferiôr de famee

esempi

"il non dal gjenar botanic [dal sclopit, Silene vulgaris] al ven fûr di Silenus, acompagnadôr cjoc di Bac"

da "Jerbis salvadiis inte cusine furlane" di Giorgio Pascoli

gjenar s.m.
(gje-nar)

Forme di espression, categorie che e cjape dentri oparis artistichis cu lis stessis carateristichis

esempi

"la musiche furlane e tocje ducj i gjenars: la cjançon di autôr, l'etno folk-rock, il jazz e lis plui gnovis tindincis rock, rap e eletronichis"

da "Relazion dal Grup di lavôr “Planificazion linguistiche”" di Donato Toffoli

gjenar s.m.
(gje-nar)

Robe che e ven produsude, vendude, comprade

sinonimi

ben, prodot, marcjanzie

esempi

"Carmine al jere su la cjase di Macorit, al veve buteghe di ducj i gjenars e l'apalt"

da "La aghe da pît la cleve" di Dino Virgili

"co si va te buteghe, si poie jù la cjarte di cent sul banc e si cjape sù il gjenar e, magari, si spiete ce che al ven indaûr di becins"

da "Lis predicjis dal muini" di Josef Marchet

gjenar s.m.
(gje-nar)

Il fat di jessi un individui masculin o feminin

esempi

"lis feminis che a partegnin a di une comunitât minorizade si cjatin a vivi doi nivei di opression: nazionâl e di gjenar"

da "Teritoris - Oms di Libertât" di Carli Pup

gjenar s.m.
(gje-nar)

[TS] (gram.) Categorie presinte in diviersis fameis linguistichis che e met in oposizion nons, pronons, adietîfs in masculins e feminins o ancje neutris

esempi

"il talian in pratiche nol à morfologjie pe declinazion (formalmentri al ten par so cont par nons e adietîfs dome il numar e il gjenar)"

da "Corpus linguistics" di Vladimir Petkevic

monolingue