SuperDizionari

golaine s.f.
(go-lai-ne)

Ornament che si met intor dal cuel

esemplis

"anei, veris, pontepets, rincjins, braçalets golainis e cordons, dut di aur"

gjavât fûr di "La Madone dai siet dolôrs" di Pieri Somede dai Marcs

Viôt ancje: golane, colane

golaine s.f.
(go-lai-ne)

Cengle di corean o fasse di altri materiâl che si met tor dal cuel di cjans o gjats, par menâju cul sguinçâl, par metii une medaiute di ricognossiment e v.i.

sinonims

golâr, gorziere

esemplis

"cjanuts di mieç chilo, che lis sioris cence canaie a nudrissin in tinel e ju menin a spas peâts cuntune cjadene di arint pe golaine ricamade"

gjavât fûr di "Lis predicjis dal muini" di Josef Marchet

golaine s.f.
(go-lai-ne)

Cjadene par tacâ i bûs sot dal jôf

esemplis

"al vignive jù di Pradis cu la man te mantie de golaine, lui e lis vacjis, a pâr"

gjavât fûr di "Meni Elar" di Riedo Pup

golaine s.f.
(go-lai-ne)

Serie di tescj o di altris oparis cun carateristichis in comun (fig.)

sinonims

colezion, racuelte, serie

esemplis

"i risultâts de ricercje a son stâts publicâts tal Març dal 2001 inte golaine dai “Cuaders dal Centri Interdipartimentâl pe Ricercje su la culture e la lenghe dal Friûl”"

gjavât fûr di "La cundizion sociolinguistiche dal furlan" di Linda Picco

"la golaine Musiche Furlane Fuarte, passe 50 cds, publicâts fra il 1998 e il 2017, che a àn dât une pocade ae evoluzion de musiche furlane"

gjavât fûr di "Daûr di un sucès e je simpri une buine scuadre" di Serena Fogolini

monolengâl