Hai cercato la parola
monolingue
Torna indietro

monolingue

gust s.m.
Facoltât che e permet di sintî i savôrs
esempi
"il fum al vuaste il gust"
gust s.m.
Sensazion dade di ce che al ven in contat cu la lenghe
sinonimi
savôr
esempi
"l'inzirli de cjoche, il gust dal tabac che al impastave la bocje"
da "Faliscjis" di Cristina Noacco
"il gust garp dal limon"
gust s.m.
Sensazion dade di alc cui siei detais, cu lis sôs carateristichis (fig.)
sinonimi
savôr
esempi
"a cerçavin il gust de bondance e de libertât"
da "Come tai romançs" di Alan Brusini
gust s.m.
Il vê plasê tal mangjâ e tal bevi
esempi
"no mangjave plui cul gust di prime e al pareve che e vivès simpri sot teme di alc di mâl"
da "Dome la cjampanute di Sant Bortul" di Maria Forte
gust s.m.
Sensazion di plasê in gjenerâl (fig.)
sinonimi
plasê
esempi
"la mari de nuvice, e cjalave e e vaìve: no saveve se di gust o di dolôr, par chê sô fie che e lassave la famee"
da "Il muc" di Roberto Ongaro
"no volevi dâi il gust a chei cuatri socis di ridimi daûr"
da "Lis scuelis e la nêf" di Pieri Somede dai Marcs
"ce gust a poiâsi inta chê frescure, a fâ polsâ lis gjambis infurmiadis"
da "Trê feminis" di Gianni Gregoricchio
""Oh, dotôr, ce gust di viodilu. Che al vegni, che magari, mi da un consei""
da "I forescj" di Alan Brusini, Gian Paolo Linda
gust s.m.
Spec. tal pl., maniere personâl di viodi e preseâ lis robis (fig.)
sinonimi
preference
esempi
"nol discuteve mai lis decisions e i guscj di chei altris, par vie dal so mût di fâ tolerant e no impulsîf"
da "Il dolfin" di Carlo Sgorlon
"ce che al veve studiât, l'ambient che al veve vivût, la cognossince de vite, il dolôr so e di chei altris a vevin tant cambiât la sô anime, il caratar, i siei guscj"
da "Sul agâr" di Pieri Menis
"afermazions fuartis, masse fuartis pai miei guscj"
da "Teologjie algjebriche" di Sergio Cecotti
gust s.m.
Sensibilitât estetiche (fig.)
sinonimi
elegance
esempi
"sô cugnade no je buine di vistîsi cuntun fregul di gust, si ben che e spint une monede a cjolisi peçots"
da "Lis predicjis dal muini" di Josef Marchet
gust s.m.
Maniere di intindi la estetiche daûr di une scuele artistiche o leterarie (fig.)
sinonimi
forme, maniere, mode, stîl, trat
esempi
"il cjistiel vuê al è restaurât daûr dal gust romantic dal secul XIX"
da "I cjistiei" di Consorzi pe difese dai cjistiei storics dal Friûl - Vignesie Julie
proverbi
"al è plui gust a fâle che no a mangjâle"
"cui che plui al sa al à plui gust di imparâ"
"ducj i guscj a son guscj"
"ducj i guscj a son guscj, al diseve il gjat che si lecave il cûl"
"ducj i guscj a son guscj, e diseve la gjate di Aquilee"
"la cjar cul lavâle e piert il gust"
"mangjâ a gust so e vistîsi a gust dai altris"
"mangjâ a mût so e vistî a gust gno"
"no si po vê il gust cence la dulie"
"se si vûl vê un gust, bisugne paiâlu"
Torna in Cima