Cjalâ un test scrit, ricognossint lis peraulis che al rapresente e, in câs, pronunziantlis (ancje ass.)
esemplis
"la mestrute e à un nevodut di trê agns che al sa lei bielzà sul silabari"
gjavât fûr di "Lis predicjis dal muini" di Josef Marchet
"su la puarte la tabele e mancje di cualchi lampadine, ma si rive a lei "Al Cjaçadôr""
gjavât fûr di "I forescj" di Alan Brusini, Gian Paolo Linda
leiv.tr.
Preseâ e praticâ la leture, tant che mieç par imparâ, par passâ il timp e v.i. (ancje ass.)
esemplis
"co leeva puisiis e libris che contavin storiis di amôr, a ansava e sustava, e gji vignivin li lagrimis tai voi a sintî contâ la vita di prinsipessis bunis e disfurtunadis, come che in chê volta a si usava a scrivi"
gjavât fûr di "Catinuta" di Ugo Pellis
"Laurinç si metè a lei. Al tirà fûr de borse un romanç e si metè a lei"
gjavât fûr di "In viaç di domenie" di Agnul di Spere
"il gjornâl lu leieve trê voltis, che no i someave vêr, po lu butave tal fûc come par scancelâ la veretât"
gjavât fûr di "Come tai romançs" di Alan Brusini
leiv.tr.
Capî, interpretâ intune cierte maniere un test, o ancje une altre opare di art o ancje cualsisei altre robe o fenomen (fig.)
esemplis
"al jere un che al leieve la storie in profonditât, cirint plui la vene là che al scoreve il sanc che no i singui fats e episodis"
gjavât fûr di "Pre Checo e la storie" di Gian Carlo Menis
"lei il codiç descritîf di là de prime rapresentazion esteriôr [dai mosaics de basiliche di Aquilee] e par capî i significâts alegorics plui profonts che i stan sot"
gjavât fûr di "I mosaics de basiliche di Aquilee" di Giovanni Battauz, Flavio Cossar, Renato Iacumin
"da la organizazion dal spazi si pues lei tal lâ dai secui la storie e la evoluzion dal teritori"
gjavât fûr di "Studi da la evoluzion dal paisaç mediant i toponims" di Rino Gubiani
leiv.tr.
Intuî riflessions e intenzions o sintiments (fig.)