Cjalâ un test scrit, ricognossint lis peraulis che al rapresente e, in câs, pronunziantlis (ancje ass.)
esempi
"la mestrute e à un nevodut di trê agns che al sa lei bielzà sul silabari"
da "Lis predicjis dal muini" di Josef Marchet
"su la puarte la tabele e mancje di cualchi lampadine, ma si rive a lei "Al Cjaçadôr""
da "I forescj" di Alan Brusini, Gian Paolo Linda
leiv.tr.
Preseâ e praticâ la leture, tant che mieç par imparâ, par passâ il timp e v.i. (ancje ass.)
esempi
"co leeva puisiis e libris che contavin storiis di amôr, a ansava e sustava, e gji vignivin li lagrimis tai voi a sintî contâ la vita di prinsipessis bunis e disfurtunadis, come che in chê volta a si usava a scrivi"
da "Catinuta" di Ugo Pellis
"Laurinç si metè a lei. Al tirà fûr de borse un romanç e si metè a lei"
da "In viaç di domenie" di Agnul di Spere
"il gjornâl lu leieve trê voltis, che no i someave vêr, po lu butave tal fûc come par scancelâ la veretât"
da "Come tai romançs" di Alan Brusini
leiv.tr.
Capî, interpretâ intune cierte maniere un test, o ancje une altre opare di art o ancje cualsisei altre robe o fenomen (fig.)
esempi
"al jere un che al leieve la storie in profonditât, cirint plui la vene là che al scoreve il sanc che no i singui fats e episodis"
da "Pre Checo e la storie" di Gian Carlo Menis
"lei il codiç descritîf di là de prime rapresentazion esteriôr [dai mosaics de basiliche di Aquilee] e par capî i significâts alegorics plui profonts che i stan sot"
da "I mosaics de basiliche di Aquilee" di Giovanni Battauz, Flavio Cossar, Renato Iacumin
"da la organizazion dal spazi si pues lei tal lâ dai secui la storie e la evoluzion dal teritori"
da "Studi da la evoluzion dal paisaç mediant i toponims" di Rino Gubiani
leiv.tr.
Intuî riflessions e intenzions o sintiments (fig.)