SuperDizionari

monolingue

masanâ v.tr.
(ma-sa-nâ)

Ridusi in tocuts, in grignei o in polvar, cuntune muele o cun altris imprescj, soredut in riferiment ae farine (ancje ass.)

esempi

"Rita e masanà il cafè e e implenà la napoletane di aghe, po e le tal tinel a cjoli lis cjicaris e i platuts"

da "Prime di sere" di Carlo Sgorlon

"a puartavin a masanâ intun mulinut plui injù, di ca da la aghe, là di Molâr, che al jere ancje il batefiar e i pestei pal formenton e pal vuardi"

da "La aghe da pît la cleve" di Dino Virgili

Vedi anche: masenâ, masinâ, mosenâ

masanâ v.tr.
(ma-sa-nâ)

Mastiâ, mangjâ (fig.)

sinonimi

mastiâ, mangjâ, gramolâ, parâ jù, crustâ

esempi

"un toc di temul che nol fevelave trop: se i vanzave timp di tirâ flât, tra une bocjade e chê altre, al molave fûr un pâr di blestemis e po al tornave a masanâ"

da "Lis predicjis dal muini" di Josef Marchet

masanâ v.tr.
(ma-sa-nâ)

Movi e tornâ a movi plui voltis (fig.)

sinonimi

menâ, remenâ, messedâ, zirâ, voltâ

masanâ v.intr.
(ma-sa-nâ)

Movisi e tornâ a movisi plui voltis, ancje di alc di imateriâl (fig.)

sinonimi

balâ, mulinâ, sgurlâ, messedâsi, remenâsi

esempi

"ma cenonè si jeve sù un burlaç: / dilunc e di traviars il nûl al svole; / al masane, al masane, e in fin dei fats / co l'à ben masanât a te la mole"

da "Il Strolic furlan par l'an 1833" di Pieri Çorut

"il pinsîr i masanave dentri, e nol rivave adore a cidinâlu"

da "Prime di sere" di Carlo Sgorlon

masanâ v.tr.
(ma-sa-nâ)

Pensâ e tornâ a pensâ plui voltis, soredut alc di negatîf o problematic (fig.)

sinonimi

rumiâ, clucî

esempi

"Delchi al veve vût dut il timp di roseâsi e di masanâ i siei pinsîrs"

da "Delchi" di Gianni Gregoricchio

"Carlin al taseve, si viodeve che al masanave dentri di se e agne Menie lu lassà rumiâ i siei pinsîrs"

da "Chei di Muraie" di Pieri Menis

masanâ v.tr.
(ma-sa-nâ)

Fâ dams, ridusi in brutis cundizions, ridusi in nuie, sedi a nivel fisic e materiâl, sedi a nivel psicologjic, spirituâl e v.i. (fig.)

sinonimi

gramolâ, sfracaiâ, disfâ, fruçâ, tamesâ, drazâ

esempi

"cheste societât ciniche e eficientiste ti masane e ti sfracaie"

da "Sant Jacum, là che al finìs il mont" di Antoni Beline

masanâ v.tr.
(ma-sa-nâ)

Dî jenfri i dincj, dî in maniere pôc clare (fig.)

sinonimi

bradascjâ, mastiâ, trabascjâ, barotâ

esempi

"agne Mine e jere masse impegnade a filâ su lis sôs disgraciis e a masanâ improperiis, diretis a cui che e saveve jê"

da "Il sium di Lissandri" di Franca Mainardis

"Prin di rispuindi Redo al veve masanât alc fra i dincj"

da "Îr e doman" di Gianni Gregoricchio

masanâ v.tr.
(ma-sa-nâ)

Fâ une distance, soredut lungje e cun velocitât e indurance (fig.)

sinonimi

brusâ, mangjâ, gramolâ, mastiâ

esempi

"dispès tirant dilunc, come se il cjatâsi framieç la int lu fasès sintî bracât, al masanave chilometros cence fermâsi, rivant fin là che la citât e deventave, un pôc a la volte, paîs"

da "Tal ospedâl" di Amedeo Giacomini

masanâ v.tr.
(ma-sa-nâ)

Preparâ, fâ che alc al sucedi

esempi

"si podeve jessi sigûrs che l'avignî al masanave malatiis, dams, dificoltâts, robis che a lavin par ledrôs"

da "Ombris tal infinît" di Carlo Sgorlon

proverbi

"aghe passade no masane"

"aghe passade no masane plui"

"cence aghe no si masane"

"cui che al è prin tal mulin al masane"

"cui che al rive prin tal mulin al masane"

"di Fevrâr cor a masanâ se no la roie si impetrìs"

Torna in Cima