SuperDizionari

mastiâ v.tr.
(mas-ti-â)

Strenzi plui voltis jenfri i dincj ce che si mangje, in maniere di rompilu e impastâlu cu la salive prime di glotilu (ancje ass.)

sinonims

gramolâ, masanâ

esemplis

"si tirave dongje de taule e si meteve a mangjâ biel planc mastiant a lunc e cjalant fûr dal barcon"

gjavât fûr di "Prime di sere" di Carlo Sgorlon

"al scomençà a mastiâ cun calme, procurant di gjavâ fûr di chel mangjâ dut il gust che al podeve"

gjavât fûr di "Tal ospedâl" di Amedeo Giacomini

Viôt ancje: masteâ, mosteâ

mastiâ v.tr.
(mas-ti-â)

Tignî o movi in bocje, ancje no par mangjâ

sinonims

messedâ, remenâ

esemplis

"ogni tant al cjalave dentri pe puarte mastiant la pipe distudade"

gjavât fûr di "La aghe da pît la cleve" di Dino Virgili

mastiâ v.tr.
(mas-ti-â)

Dî jenfri i dincj, dî in maniere pôc clare (fig.)

sinonims

bradascjâ, masanâ, trabascjâ, barotâ

esemplis

"vignî in glesie a bati bancs e mastiâ salveregjinis"

gjavât fûr di "Lis predicjis dal muini" di Josef Marchet

"il prin a movisi e a cjapâ la puarte, dopo dai salûts e dai compliments, al jere stât il vieli Bastian, che al veve mastiât un "Ogni ben" e se e veve filade"

gjavât fûr di "Trê feminis" di Gianni Gregoricchio

mastiâ v.tr.
(mas-ti-â)

Cognossi, fevelâ un pôc une lenghe foreste (fig.)

sinonims

mastiuçâ, messedâ

esemplis

"ti vualmavin la tratore more che cualchi peraule di todesc le mastiave ancje"

gjavât fûr di "Come tai romançs" di Alan Brusini

mastiâ v.tr.
(mas-ti-â)

Pensâ e tornâ a pensâ plui voltis, soredut alc di negatîf o problematic (fig.)

sinonims

rumiâ, clucî

esemplis

"dome che al pos mosteâ pinseirs, gloti grops di recuarts"

gjavât fûr di "Paron Salvadi" di Novella Cantarutti

mastiâ v.tr.
(mas-ti-â)

Fâ une distance, soredut lungje e cun velocitât e indurance (fig.)

sinonims

brusâ, mangjâ, gramolâ, masanâ

esemplis

"al veve mastiât tancj di chei chilometris che si sintive dut infurmiât; in plui, si jere supât par dute la strade lis cjacaris, mo par talian mo par francês, di Odile"

gjavât fûr di "Il sium di Lissandri" di Franca Mainardis

monolengâl